العربيه بتغلبني على ما تدور

**drhegab** · 31-05-2010 09:26 PM

انا لسه مغير بوجيهات والعربيه الصبح بتدوخني على ما تدور يمكن من سابع مره ولا اكتر كمان العربيه بتبقا مركونه ف الشارع وانا بدورها الظهر ف الحر وبرضوا مش بتدور علما بان العربيه فليشيا 99
وياريت لو حد يفيدني بخصوص الازاز الكهربه يكلف كام وكمان اشغل عداد الكليومترات ازاي لانه واقف

**crazylambada** · 01-06-2010 12:11 AM

نضف الكبراتير ممكن تكون المشكله منه و الازاز الكهربا جيب بتاع الكيا برادي بيعمل بتركيبه 100 جنيه للماكنه الواحده

**drhegab** · 01-06-2010 09:15 PM

طيب مين اللى بينضف الكاربراتير ؟
الميكانيكي ولا متخصص كابراتير والكارب كلينر السائل بتاع التنضيف دا حلو ولا ايه ؟ وبيستخدم ازاي

**ehab_osman** · 02-06-2010 09:11 AM

المشاركة الأصلية كتبت بواسطة crazylambada

نضف الكبراتير ممكن تكون المشكله منه و الازاز الكهربا جيب بتاع الكيا برادي بيعمل بتركيبه 100 جنيه للماكنه الواحده

طبعا نظم الكرابتير .... لو اتحلت المشكلة ............ تمام ............. لو ما اتحلتش .......... شوف سلك البوجيهات .... حالته ايه ؟؟؟؟؟؟؟؟؟؟؟؟؟؟؟؟؟؟؟ جديد ولا الاصلي .......

الدليل الشامل لصيانة السيارات جميع الاعطال. ( تقرير منقول من منتدي نايل موتورز )اولا : المحرك
المحرك لا يدور عند إدارة المفتاح أسباب العطل - العــــــــلاج
ضعف البطارية أو تلفها- اشحن البطارية أو غيرهارداءة توصيل كابلات البطارية- نظف أقطاب البطارية أو غير الكابلاتالتشغيل خلال دفع العربة مع تعشيق السرعة الثانيةاحتمال وجود ماء داخل السلندرات أو حشر المكابس- لابد من اللجوء لميكانيكي متخصص للكشف والإصلاحوجود خطأ في تعشيق ترس المارش مع ترس الحدافة وعادة ما ينتج عن ذلك صوت عند محاولة الإدارة- يعاد تربيط وضبط المارش في مكانه الصحيح لاحتمالعطل في مفتاح التوصيل الرئيسي- إصلح العيب أو استبدل قفل الكونتاكت

**amrelsaqqa** · 02-06-2010 01:43 PM

لو الشكمان بيطلع دخنة سودا يبقى كربراتير محتاج تنظيف وظبط السلانسيه و يستحسن تروح لميكانيكى عنده كمبيوتر ويظبطلك الكربراتير بحيث يظبط نسبة اول اكسيد الكربون بالكمبيوتر ، عشان بعدها تنسى الكربراتير خالص

وممكن برضه تأخير الدوارة يكون بسبب ان الكهربا مأخرة او واطية شوية

عداد الكيلو مترات لو عداد السرعة كله مش شغال يبقى محتاج تربط او تغير واير السرعة اللى بيركب في الفتيس من قدام

افتح الكبوت وبص على الفتيس وشوف كدة فيه واير تخين طالع منه وداخل على التابلوه ولالا
لو ما لقيتوش يبقى هتجيب واحد جديد
ولو موجود
يبقى تفك التابلوه او تروح لواحد يفكه و يركبلك السلك لو كان مسلوت
او لو بايظ يغيره برضه ويركبه كويس وتطلع بالعربية تشد بيها تجرب العداد

**drhegab** · 03-06-2010 05:31 PM

طيب كدا تمام
هو فعلا الكاربراتير بيطلع ساعات نقط بنزين كدا الصبح وهو غالبا الكاربراتير عايز يتنضف بس انا ما اعرفش حد عنده كومبيوتر لو انت تعرف حد قولي عليه وانا اروحله

**DONYO** · 07-06-2010 02:06 PM

المشاركة الأصلية كتبت بواسطة crazylambada

نضف الكبراتير ممكن تكون المشكله منه و الازاز الكهربا جيب بتاع الكيا برادي بيعمل بتركيبه 100 جنيه للماكنه الواحده

افهم من كدة يا بية ان ماكينتين الزجاج الامامي بتركيبهم 200 جم ؟
طيب فين الكلام دة في الزقازيق ولا في القاهرة لاني من القاهرة .

**crazylambada** · 07-06-2010 03:24 PM

في الزقازيق
200 جنيه بتركيبهم
انا مركبهم عندي و بتجيب زرارين ب40 جنيه و خلاص
و 20 للكهربائي
فالموضوع قفلي على 260 بس انا جبت وحده رفع عليهم علشان يشتغلوا مع السنتر
ب 20 جنيه
فالموضوع كله 280

**awaad8760** · 07-06-2010 04:44 PM

ركبتهم فين يا بشمهندس محمد؟

**crazylambada** · 07-06-2010 07:04 PM

واحد بعد مزلقان بتاع طريق هريه
لو حضرتك عاوز تركبهم ممكن اجي مع حضرتك اوريلك الراجل و حتى نتشرف بمعرفه حضرتك :)
بس الزراير افضل حضرتك تجيب الاصلي بتاعها موجودين عند الحاج ممدوح ورهوملي في الكونسله بيكونوا