السلام عليكم
كنت عاوز اركب جهاز سنترلوك بريموت علي عربية نيسان صني موديل 90
كنت عاوز اعرف اسماء الانواع النظيفة
و بكام و اشتريها من عند مين؟؟و يا ريت عنوان اللي بيبيعه عشان لسه جديد فموضوع العربيات !!
و هو فيه بريموت منفصل و ريموت فالمفتاح؟؟
و انا بسأل علي السنتر لوحده مش عاوز معاه جهاز انذار
و الف شكر ليكم!!فعلا اجمد منتدي و اجدع شباب
في ريموت منفصل وفي ريموت في المفتاح
انا كنت نوع اسمه 2h زي الفل (ريموت في المفتاح) بقاله معايا سنيتين ده كان 180 جم
وفي نوع اسمه(wolf) بس مش عارف سعره كام
اما بقى عشان الاماكن في كتيييير جدا عند التوفيقية مليان محلات وشارع دمشق عند السجان ومحلات كتير هتلاقي موجود
وفي الهرم شارع المطبعه عند ادريان وبدر الدين
وفي ادريان في مصر الجديدة ورا بنزينه موبيل صلاح سالم
ولو في حاجه انا تحت امرك
علي تجربتي الشخصية افضل الانواع الي قابلتها wolf وانا كنت بركبوا في التوكيل الرئيسي بتاعهم شارع جسر السويس خلف سوق القنال الدولي هتلاقي مكتوب عليهم wolf وفي انواع تانية كتير بس دة الصراحة اثبت كفاءة عالية جدا
الف الف شكر ل..badblood و major_memo
و ان شاء الله هشوف ال wolf شكله نظيف و انتم بتشكروا فيه
بس هو فحدود كام كده؟؟؟
و ايه احسن مكان اركب فيه؟؟يعني لو جبته و ركبته فالتوكيل احسن و لا اروح انا اشتريه و اركبه عند كهربائي!!!!!
اصل انا كنت مركب سنترلوك عادي صيني و قعد اسبوعين و باز و صلحته و بعد يومين باز تاني
فيا ريت حد يشورني فالموضوع ده
يعني اجيبه و اركبه مثلا في التوفيقية
و لا اروح التوكيل اللي في جسر السويس
و الف شكر ليكم مرة تانية