تظبيط فيات 128 ارجو المساعده

**stancc** · 04-06-2010 10:05 AM

العربية ال 128 لما تيجي تظبطها متنساش انها 128 ... يعني انت عاوز تخليها عربية متعالجة وتزيل اثار السنين من عليها ومستحيل حتكون زي العربيات الجديدة الا لو انت ناوي تدفع عليها 20 الف جنيه ودا اعتقد انه مش من الذكاء ولا الواقع

لو عاوز تظبط 128 إبداء بلون السيارة واحلي لون فيها من وجهة نظري الابيض والاحمر الوردي ودا بيتكلف رش بس 1000 جنيه في الحرفين وسمكرة ودوكو 1300 عند واحد اسمه بشمهندس عصام
الموتور ريجاتا 1500 او فيات اونو تربو .. وطبعاً في فرق بينهم في كل شيء حتي السعر وكل موتور بيجي بعفشته وطرمبة البنزين بتاعته وفراملة
طبعا مع الموتور الجديد يعني حمل زيادة وتقل علي الشاسية وبالتالي لازم تركب شدادات ورا واودام ودي بتكون بالمقاس ولازم حد فاهم وانصحك اعملها في الحرفيين
اما الفرش الداخلي دا بقي حسب الزوق ولون العربيه وانصح ميكونش كله جلد لان الجلد عذاب في الحر في فرش بيكون جلد في شمواة ودا حتلاقيه في شارع دمشق في روكسي
الشكمان بقي وكدا عاوز اقولك ان كل ما كان نوع كويس ومحترم حيدي تنفس احسن للسيارة لكن انا عن نفسي مش بحبذ الكلام دا في العربيات القديمة لان عامل الامان منعدم حتب لو ركبت فرامل من عالم اخر
والموتور ممكن تحسن اداءة بتركيب فلتر اسبور يديك صورت افضل من الديفل والحركات الدوشة دي
والكاسيت والسماعات في طبعا الكين وود ب500 جنيه والسماعات من 250 كين وود لحد 2000

وفي النهاية عاوز اقول حاجه للأمانه وعار ان في ناس كتير مش حيعجبها كلامي ... مفيش عربيه في مصر مجهزة للجري الا قليل جداااً ... والجري دا له أصول و دروس وفي ناس بتعيش سنين تاخد كورسات ازاي تجري بالعربيه .. بس انتم عارفين عندنا هنا في مصر الام بي سي 2 ماثرة علينا شوية

والسلام عليكم ورحمة الله

**misoalex** · 04-06-2010 10:26 PM

المشاركة الأصلية كتبت بواسطة stancc

وفي النهاية عاوز اقول حاجه للأمانه وعار ان في ناس كتير مش حيعجبها كلامي ... مفيش عربيه في مصر مجهزة للجري الا قليل جداااً ... والجري دا له أصول و دروس وفي ناس بتعيش سنين تاخد كورسات ازاي تجري بالعربيه .. [gdwl]
بس انتم عارفين عندنا هنا في مصر الام بي سي 2 ماثرة علينا شوية

[/gdwl]والسلام عليكم ورحمة الله

وهو الجرى والشد والاتو كروس مظهرش فى مصر غير بعد mbc 2 !!!!!!

فى حاجه من زمان اوى اسمها رياضه السيارات ورخصه رياضيه من سنين السنين