خبطة فى الاكصدام

**Dr.lancer** · 31-05-2010 11:00 PM

أسرع خابطة ممكن تحصل.النهاردة المدام و هى راجعة من المرور خبطت فى الرصيف جامد. لاأظن أن الإكصدام بالحالة دى ينفع يتصلح (شوف الصورة) يا ترى حل المشكلة دى ايه؟ ده فيه حته كاملة طارت من الإكصدام بس معايا فى الشنطة. هل ينفع فيه تصليح؟ علشان أنا متوقع المزيد من الخبطات قريبا و مستحرم أجيب جديد. ولو حجيب جديد من فين أبدأ رحلة البحث عن الإكصدامات وبكام تقريبا؟ برجاء المساعدة بسرعة من أصحاب الكانشل. شكرا

**NoRmAl** · 31-05-2010 11:54 PM

أولا الحمد لله على قد كده
ومش عارف أحساسك أيه لما مراتك تخبط العربيه :)) بس أنا بتعصب أوى من الحكايه دة "مع أنى مش متجوز اساسا :))))"
بهدى النفوس أنا :))
المهم أنا كان عندى شاهين كنت بلحم الاكصدام وكان بيبقى كويس مش عارف هينفع تلحمه ولا لأ
على العموم الحمد لله
وربنا معاك يا دوك

**nab!l** · 01-06-2010 12:00 AM

سيبه شويه يمكن المدام تكملك عليه وتعمله مره واحده
طالما بتقول انك متوقع المزيد سيبه شويه بجد

**Dr.lancer** · 01-06-2010 12:08 AM

المشاركة الأصلية كتبت بواسطة NoRmAl

ومش عارف أحساسك أيه لما مراتك تخبط العربيه :)) بس أنا بتعصب أوى من الحكايه دة "مع أنى مش متجوز اساسا :))))"

يا حبيبى كلنا بنتنرفز بس لما تتجوز حتلاقى نفسك بتغلى من جوه و أنت بتقولها ولا يهمك كسرى وأنا أصلح

علشان كده الرجالة بيجيلها و أمراض القلب.

المشاركة الأصلية كتبت بواسطة nab!l

سيبه شويه يمكن المدام تكملك عليه وتعمله مره واحده
طالما بتقول انك متوقع المزيد سيبه شويه بجد

انا ممكن أسيبه بس متهيألى ممكن يعملها مشكلة فى اللجان.

**eslameoo** · 01-06-2010 12:46 AM

الف سلامه يا دكتور وربنا معاك
علي فكره انا عملت حادثه اكبر من كده وصلهته في الحرفيين عند بتاع الفيبر وشغال زي الفل
وعلي فكره ه
الاقصدام موجود جديد عند اوشين بتاع الحرفيين بس مش فاكر جديد عامل كام بس مستعمل انا لفيته ب 400 ج عند ديهاتسوا لاند وربنا يعوض عليك

**Dr.lancer** · 01-06-2010 03:41 PM

المشاركة الأصلية كتبت بواسطة eslameoo

الف سلامه يا دكتور وربنا معاك
علي فكره انا عملت حادثه اكبر من كده وصلهته في الحرفيين عند بتاع الفيبر وشغال زي الفل
وعلي فكره ه
الاقصدام موجود جديد عند اوشين بتاع الحرفيين بس مش فاكر جديد عامل كام بس مستعمل انا لفيته ب 400 ج عند ديهاتسوا لاند وربنا يعوض عليك

ألف ألف شكر يا eslameoo أنا رحت الحرفيين النهارده و لقيت عند أوشين الإكصدام الأمامى بالشكل الجديد و بصراحة تحفة و جبت كمان الشبكة الاستانليس بتاعته و للأسف مالقيتش فوانيس الإشارة فرحت للتوكيل و جبت الإثنين. إن شاء الرحمن سوف أعمل مشاركة كاملة بالتفصيل بعد التركيب. شكرا للمساعدة

**NoRmAl** · 03-06-2010 05:17 AM

المشاركة الأصلية كتبت بواسطة د-شريف

ألف ألف شكر يا eslameoo أنا رحت الحرفيين النهارده و لقيت عند أوشين الإكصدام الأمامى بالشكل الجديد و بصراحة تحفة و جبت كمان الشبكة الاستانليس بتاعته و للأسف مالقيتش فوانيس الإشارة فرحت للتوكيل و جبت الإثنين. إن شاء الرحمن سوف أعمل مشاركة كاملة بالتفصيل بعد التركيب. شكرا للمساعدة

مبروك يا دكتور

**Ahmed Galal** · 03-06-2010 01:58 PM

الحمد لله على كل شىء حضرتك هاتجيب اكصدام استيراد لان ده خلاص مش هاينفع و لو بلون العربية و لقيته يبقا مش هاترش و لو تعرف بقا تركب لها الدعامة الامامية بتاعت العربيات الجيب اللى بتركب على الماتريكس عشان ممكن تركب عندك كنوع من الحماية و ربنا يستر طريقك لان فعلا توقع المزيد من الترزيع طالما ابتدت بخبط الارصفة

**Dr.lancer** · 05-06-2010 10:59 PM

المشاركة الأصلية كتبت بواسطة ahmed galal

الحمد لله على كل شىء حضرتك هاتجيب اكصدام استيراد لان ده خلاص مش هاينفع و لو بلون العربية و لقيته يبقا مش هاترش و لو تعرف بقا تركب لها الدعامة الامامية بتاعت العربيات الجيب اللى بتركب على الماتريكس عشان ممكن تركب عندك كنوع من الحماية و ربنا يستر طريقك لان فعلا توقع المزيد من الترزيع طالما ابتدت بخبط الارصفة

شفتها فى توكيل هاشم بص بس كان شكلها مش حلو كانت كبيرة على الكانشل. و غالية 400 جنية.