عرض للطباعة
انا لازم انزل لورشة عبد الله اوبل دى لان عندى مشكله كبيره فى ماستر الفرامل
ان الزيت مش بيقعد فى الاربه 48 ساعه على بعض بضطر اعبى كل يوم او كل يومين
فمحتاج انزل بكره ضرورى والصراحه انا مش فاهم عنوانه ده
انا من ساكنى سته اكتوبر و
ارجو حد يقولى اسهل طريقه للوصول ليه
وللعلم انى كلمته وموبايله مقفول
شاكر افضالكو
العملية بقت سهله قوى من اكتوبر
عارف الدائرى اللى يوصلك على الوصله الجديده
فيه منزل اتعمل قبلها على طول ينزلك قريب قوى منه
و اللى يشرحلك اكتر محمد هلالى
و مع احترامى لو هى دى المشكله الوحيده اى ميكانيكى يكشف عليها يجيب العيب
العيب يا اما خرطوم يا لما ماستر عجل و غالباً من ماستر ورا
اى ميكانيكى يفك الأربع عجلات و يكشف كويس
تمااام ... محمد قال المفيد
الله ينور
بس ع فكره العربيه دي ما شاء الله كانت مع والدي من 20 سنه ةهيا خلتني اعشق الاوبل
لا الزيت بينزل من عند السيرفو بالظبط
مكان الصاموله الى رابطه الماستر بالسيرفو
هل فعلا العيب كبير ولا صغير
مع العلم ان واحد قلى هاتضطر تغير الماستر كلو وواحد تانى قلى لا جلب ماستر وجوان سيرفو بس
فنا خايف من موضوع المستر كلو ده لانه gm امريكانى وبييجى من بره بالطلب
اقتباس:
المشاركة الأصلية كتبت بواسطة n.a.j.d
منا بردو لسه مش فاهم حجم العيب
وعلى كلامك فعلا العربيه دى جميله ماشاء الله وانا بموووووت فيها واستحاله هافرط فيها
هتغير السيرفو على بعضه و لا الماستر و لا هيتعمله طقم جلد اصلاح
و اعتقد ان فيه منه استيراد
اسهل حاجه من على جوجل ايرث تجيبه بالضبط
كانت من شهر المشكله دي عندي ,,,هتغير الماستر اللى راكب عالسيرفو
مفيش جلب ماستر للفيكترا ايه يبقي أكيد مفيش جلب ماستر للريكورداقتباس:
المشاركة الأصلية كتبت بواسطة opel_rekord
انت هتغير الماستر وتركبه عالسيرفو اللى عندك وان شاء الله هتتحل المشكله
بس برده خد رأي الميكانيكي قبلها
الحمد لله ياشباب انهيت من المشكله النهارده
وكان الموضوع كلو جلب مستر فعلا كانت مهربه الزيت مع كبس السيرفو
الميكانيكى فكلى الماستر وخدته ونزلت بيه عالتوفيقيه لواحد مشهور بتاع جلب وجوانات بس اسمه لهيطه
فكو وركبلى الطقم بتاعه الالمانى وبقى تمام زى الفل الحمد لله
شاكر ليكو افضاالكو واهتمامكو بالموضوع
تقبلوا تحياتى جميعا
زى ما انا قلت هتغير جلب ماستر
http://www.nilemotors.net/Nile/138631-a.htmlاقتباس:
المشاركة الأصلية كتبت بواسطة tananybasha
انا تحت امرك اعضاء المنتدى
و بلغنا بالاخبار
بعد ايه يا دكتور ما الراجل خلص
هههههههههههههههههههاقتباس:
المشاركة الأصلية كتبت بواسطة tananybasha
هى العربيات هتبطل تبوظ يا طنانى
مش كدة و لا كلامى غلط ؟
هو اللى فيه طبع بيبطله
ولا ايه يا دكتور
ايه ياجدعاااااااااااااااااااا ن انتو بتفولو عليا لييييييييييييييييه
ايه يادكتور ماتصلى عالنبى كده ههههههههه
اولا انا طبعا بشكرك على مجهودك فى مساعدتنا للوصول لعبد الله اوبل
ثانيابس انا وصلتلو فعلا اول امبارح لما حبيت اغير الجلب بس للاسف لما لقانى ريكورد اعتذر بكل أدب انه مش بيشتغل فى القديم
ومشيت من عنده وروحت عالميكانيكى الى كنت شغال معاه قبل كده
وبالمناسبه انا لمحت عربيه تشبه لمواصفات عربيتك بالظبط كانت واقفه قودام المحل
فيكترا 98 نبيتى
انا كنت هناك يوم التلات على الساعه حوالى 11 ونص او 12
تقبلوا تحياتى جميعا
قصدك على مين اللى عربيته نبيتى و كانت يوم التلات من الساعه 11.30 : 12 ؟اقتباس:
المشاركة الأصلية كتبت بواسطة opel_rekord
افصح - اجز - اذكر
اه سورى سورى
اصلى قريبت فى موضوع عبد الله اوبل ده
انك بتقول فكترا 98 نبيتى
بس اضطح انها 95 نبيتى
لامؤخذه يادكتور العتاب عالكشافات هههههههه
غير اللمض ب اوسرام 200/240 طبق 3 ريشه
ههههههههههههههههههههه
طب والله انت فكرتنى بجد
انا نفسى احط طقم لمبات بس مش الزينون الاصلى
انا سمعت ان فيه لمبات صينى بتركب عادى مكان العاديه بس نورها ازرق حلو
مش زى الوينون الى بيعمى الناس ده
زى الزفت و لا هتشوف منها حاجة
منظر بس
طب خلاص خلينا فى الالمانى بتوعها
احسن مليون مره
موديل 96 لو سمحت . هتاكلنى فى سنة بحالهااقتباس:
المشاركة الأصلية كتبت بواسطة opel_rekord
مشيها 96 ولا يهمك
انت جيت فى جمل
ولا الفيل راكن على الناصية
انت راجل راكب اوبل
هههههههههههههههه
الدكتور بيحب يدقق فى كلامه زى مابيدقق فى شغله بالظبط اكيد
دكتور بقه
ياباشا نخليها 97 كمان احتياطى ومالو
لأ خليها 96 لأحسن كده تبقى بى