متى سينتهى مسلسل حوادث كورنيش الاسكندرية

**amr.elsayed** · 01-06-2010 07:03 PM

الف سلامة عليكى يا بسكوتة ولما تيجى تعدى البحر ويكون الطريق لا يسمح
اركبى تاكسى يلف بيكى من اول يو تيرن ... العمر مش بعزقة

المشاركة الأصلية كتبت بواسطة solycar

الحاجة المشتركة بين كل قائدى الكورنيش فى اسكندرية انهم معندهمش ثقافة الالتزام بالحارة المرورية

الطريق يلف و هو فى طريقه ملوش دعوة

انا مش بعرف اعدى بسبب حاجة زى دى خصوصا فى المنحنيات

ببساطة شديدة لو فكرت مجرد تفكير انك تلتزم بحارتك حتعمل حادثة فى اول ملف وغالبا حيكون مع ميكروباص
فا علشان نحكم على قائدى الكورنيش انهم ماعندهمش ثقافة الالتزام بالحارة اعتقد ان دة ظلم ليهم
لان دة وضع واتفرض عليهم ... انا مش بقول انه وضع صح لكن ما باليد حيلة
.......................................

**بحري** · 01-06-2010 09:04 PM

الكورنيش كارثة ومشروع انتحار يومي بالفعل أحمل همه بمجرد أن أصل إلى بدايته عند الشيراتون يوميا
الحلول العملية
- كباري علوية بسلالم كهربية
- إشارات بطول الكورنيش
- رادارات بطول الكورنيش
- عقوبات رادعة للمارة المخالفين

**Samah AbdAllah** · 01-06-2010 10:48 PM

المشاركة الأصلية كتبت بواسطة ringoo

الف سلامة عليكى يا بسكوتة ولما تيجى تعدى البحر ويكون الطريق لا يسمح
اركبى تاكسى يلف بيكى من اول يو تيرن ... العمر مش بعزقة

الله يسلمك يا رينجو انا اتعلمت الدرس خلاص
اللى يخلينى ما افكرش اعدى الكورنيش اصلا ولا اتمشى عليه حتى
بس فعلا صعبت عليا البنت اللى عاوزة تعدى وواقفة مرعوبة بدون مبالغة كانت فاضل شوية وتعيط
تخيل
يعنى يوصل بينا الحال لكده
ماهو انا لو ظروفى تسمح اركب عربية او تاكسى مش كل الناس ظروفها تسمح
ما احنا لازم ناخد فى اعتبارنا المواطن العادى محدود الدخل اللى بيركب الميكروباص لا وكمان اللى بيركبوا الباصات عشان يوفروا مش هيروحوا ياخدوا تاكسى يعدى بيهم الناحية التانية

ده حتى ارتفاع الرصيف مبالغ فيه
لقيت واحدة ست عجوزة بتكلمنى وانا مش سامعة بتقولى ايه فى الاول خفت انت عارف مفيش امان بعد شوية لقيتها بتقولى خدى ايدى طلعينى الرصيف !!!!!

**Samah AbdAllah** · 01-06-2010 10:55 PM

المشاركة الأصلية كتبت بواسطة misoalex

الحل فى الكبارى ام سلالم كهربا ده انسب حل
محدش حيلتزم بأشارات ولا مطبات ولا عساكر مرور متنسوش ان احنا فى مصر انتو نسيتو لا ايه
ده عواميد النور بتتسرق
والحديد بتاع المطباط بيتسرق عاوزين اشارات
ده غير انتم عارفين العربيات بتاعه الباشاوات ال vip دى مبيهمهاش حد
والانفاق صعب تنفيذها وتكلفه وموت يا حمار عقبال ميعملوها
هى الكبارى ام سلالم كهربا والى يعدى الطريق يبقى مهدور دمه ومسئول عن روحه

والحل لحد مايحلو المشكله دى اى حد عاوز يعدى البحر لازم من الانفاق ولو حكمت تركب مشروع (مكروباص ) بنص جنيه لحد النفق لو بعيد بلاش تاكس

وحمد الله على سلامتك يا بسكوته وبعد كده تركبى مشروع لحد اقرب نفق او لو حتركبى تاكس يبقى من غير متعدى السكه هو حيعدى بيكى غصب عنه
ولو حتنزلى فى مكان الصف التانى برضه تخليه يعديكى الصف التانى

الله يسلمك منا كل مرة بعمل كده
بس بصراحة قولت اخوض التجربة رغم انى كنت لسة شايفة حادثة قبلها وبعدى وانا مرعوبة
بس يا جماعة انتوا ليه مش واخدين بالكوا انى مش بتكلم عن نفسى وعلى على فئة المجتمع اللى تقدر تركب تاكسى او مشروع حتى لحد النفق وترجع تعدى النفق وبعدين تركب تانى لحد مكان مشوارهم
احنا فى مصر حيث التفاوت الطبقى الرهيب
فى ناس دخلهم الشهرى لا يتعدى 200 و 300 جنيه
مش كل الشعب زى اعضاء نايل موتورز

يعنى الناس دى تموت ولا ماتروحش مشاوير ولا تروح لدكاترة ولا تروح مصالحها
ده اساسا فيش اماكن لعبور المشاة بشكل كافى

**Samah AbdAllah** · 01-06-2010 11:27 PM

المشاركة الأصلية كتبت بواسطة abou_ruqi

سؤال بأسأله لكل سكندري
الشخص القعيد أو الأم اللي معاها طفلها في عربية أطفال , يعدوا إزاي للناحية التانية لو حبوا يتمشوا ويشموا هوا ؟؟؟

لا يا افندم مش من حقهم طبعا يتمشوا ولا يشموا هوا
ما داموا مش معاهم عربية
تصدق بالله انا كنت بنزل بعربية البيبى دى النفق واطلع بيها مرمطة يعنى
بس مكنتش اقدر اجازف واعدى الشارع ولا اجازف واسوق عربية وبيبى جمبى خصوصا لو لسة عمره شهور

اللى خطط الطريق والانفاق بالشكل ده مفكرش فى ناس كتير
بس احنا سكتنا كتير بقا وكفاية سكوت لحد كده

**بحري** · 01-06-2010 11:38 PM

المشاركة الأصلية كتبت بواسطة baskota

اللى خطط الطريق والانفاق بالشكل ده مفكرش فى ناس كتير
بس احنا سكتنا كتير بقا وكفاية سكوت لحد كده

البلد كلها تدار بعقلية قمعية عسكرية..تستخدم أهل الثقة في كافة المناصب وتستبعد أهل الكفاءة
المحجوب كان عسكري ولكنه كان ضابط مخابرات ويعنيه بدرجة كبيرة فكرة (الرأي العام) واستقراره..عشان كده لما الناس حبته وكانت فترة هناك إشاعة بنقله حدثت اعتراضات كثيرة وكلام وصخب في الإعلام واتعلقت يفط كتير تنادي ببقاء المحجوب (المحبوب) ودي كانت نهايته بالضبط زي شعبان لما عمل مع عمرو موسى

جابوا بداله عادل باشا (مدير قطاع أمن الدولة في الإسكندرية والبحيرة ومطروح سابقا)...يعني (مش عاوز أسمع صوتك يا مواطن منك له له لها)
يحفر الشوارع براحته يعدل الاتجاهات براحته يرجع في كلامه تاني براحته ومش مشكلة الناس تعرف إيه اللي بيحصل
الإسكندرية العاصمة الثانية ولكن لأن بها نشاط ديني واسع يبقى الحل عندهم يمسكوها للأمن المركزي...وطالما العصاية والبيادة هي اللي بتتكلم يبقى مفيش فايدة

**abou_ruqi** · 01-06-2010 11:38 PM

المشاركة الأصلية كتبت بواسطة baskota

تصدق بالله انا كنت بنزل بعربية البيبى دى النفق واطلع بيها مرمطة يعنى

لا بهدلة ما مجرب و عارف

المشاركة الأصلية كتبت بواسطة baskota

بس احنا سكتنا كتير بقا وكفاية سكوت لحد كده

صح إحنا سكتنا كتير .............. ننام بقه !!!

المشاركة الأصلية كتبت بواسطة ringoo

يا ابو رقية احنا لسة مش عارفين الشخص السليم يعدى ازاى

..................................
ايه يا جماعة محدش فى البلد عارف ينظم حتة شارع مفيش مسؤول يحس بينا
..................................
على فكرة يا ابو رقية توقيعك فيه شبه كبير جدا من طريق كورنيش اسكندرية
بس الكورنيش على عدد حارات اكتر

على فكرة كل توقيعاتي متاخده من كورنيش اسكندرية , أدخل على الموضوع و اتفرج على عشرين غلطه بنشوفها كل يوم

-

الموضوع: متى سينتهى مسلسل حوادث كورنيش الاسكندرية

LinkBack

أدوات الموضوع

عرض

-

-

-

المواضيع المتشابهه

تقرير بسيط عن طريق الموت (كورنيش الاسكندرية القاتل)+صور

خبراء السواقة في السير علي كورنيش الاسكندرية

كورنيش النيل - الاسكندرية

رحلتي الاخيرة الي الاسكندرية و نجاتي من ثلاث حوادث في العودة

الكلمات الدلالية لهذا الموضوع

المفضلات

المفضلات

ضوابط المشاركة