الموضوع: هل فشلت الانسر شارك فى مصر؟

المشاركة الأصلية كتبت بواسطة som3aa

لو كنت قريت الكلام الى خلانى اكتب كدا ان اللى رد قبلى قال ان الصاج اللى بيطبق دى تكنولوجيا حديثة عند ميتسوبيشى لانها من اكبر مصنعى الفايبر و كدا!!!
يعنى العربية واحد يريح عليها يكسر الاكصدام تكنولوجيا حديثة؟ فرديت قلت طيب التكنولوجيا دى مش موجودة ليه فى العربيات الغالية زى المرسيدس و الbmw ؟
فهمت الفكرة انا برد بس على اللى بيقول ان ضعف الصاج الشديد بتاع اللانسر دى تكنولوجيا.
انا معاك ان عربيات كتير صاجها ضعيق فى نفس الفئة السعرية بس مش بدرجة اللانسر نهائيا لان مشهور عن اللانسر ان اى ترييحة و انت بتركن حتى بتبوظ الاكصدام لانه بيطبق! , العربية صاجها ضعيف جدا و اضعف من كل العربيات اللى بتمنها و دى عن تجربة الشعب المصرى كله و احنا كان عندنا لانسر اى لمسة الاكصدام بيطبق!!!
اما عن الورد مفيهوش عيوب احب اوضح تانى ان التوكيل معندوش موديل 2010 لان لسه عنده 2009 و 2008 مانيوال و الكيا السيراتو ال2011 تحجز و تستلم بعدها بشهور!! يبقى ازاى مفيش عيب و احمر الخدين

اولا : كل العربيات الحديثه ماعدا الميرسيدس والبي ام والاودي والحاجات العاليه الي احنا ما لينا دعوة بيها صاجها ورق والبادي تبعها حساس من اي خبطات والكلام ده على مسؤوليتي وانا مش عارف وبستغرب جدا من الناس الي حتى الان بتكلم على قوة صاج العربيات دلوقتي الكلام ده انتهى موضته مثلا من 20 سنه بدون مبالغه ودلوقتي العربيات بتتقارن وبنحسب افضلية كل واحدة عن التانيه بوسائل الامان المتوفره في كل عربيه والحقيقه اصحبت تكنولوجيه وسائل الامان الي ما ليها حدود افضل بكثير من عوامل قوة الصاج , انا واحد معايا العربيه وبعترف ان صاجها مش حلو بس انا عارف ان كل العربيات كده وعمري ما هصدق ان فيه عربيات غير كده بس انا في الوقت نفسه ركزت على عوامل الامان وانها لازم تكون متوفره بالعربيه .,,,, ان العربيه لسه منها موديلات 2009 وكده ولا يوجد موديلات 2010 ده لا يعيب العربيه بحد ذاتها ولكن يعيب السياسية التسويقيه الفاشله من الجحش الي اسمه الرواس والكلام في النقطه دي كترررررررررررررررر اوي وممكن حضرتك تراجع المواضيع الموجوده في القسم

المشاركة الأصلية كتبت بواسطة C500

للأسف مفيش حيادية فى الكلام كل واحد بيتكلم على نوع عربيته انها الافضل
يعنى القرد فى عين امه غزال
انا لما اتكلمت على الانسر قولت عيوبها ومميزاتها
وبعدين انا كنت راكب المانى
BMW 316 i 2005 يعنى لا كورولا ولا برولا ولا يابانى وخد عنوانى
وجبت اللانسر علشان شكلها عجبنى وعلى قد ظروفى الحالية لغاية لما ربنا يعدلها يعنى اسف جدا ولا لانسر ولا ماذدا ولا كورولا ............... الخ اساسا عربية بالنسبة لى
ومعلش اللى مركبش المانى يقول عدس
واللى ماي يعرفش يبقى مركبش عربيات
امثال معكوسة

انا واحد ركبت الماني وياباني عالي زي (الكامري-الاكورد-هوندا CRV,MRV civic ) وبقولك ان اللانسر عربية محترمة جداااااااااااااا ومن افضل العربيات الياباني وتقفيل ياباني 100% والشكاوي منها قليلة جدا الحمد لله واحب اضيف ان دلوقتي الياباني اصبح يضاهي الالماني وعن تجربه

انا بصراحه مش راكب لانسر شارك بس شايف انها روشه جدا احلى بمرااااااااحل من الشكل القديم بس مشكلتها انها واخده من كذا عربيه

المشاركة الأصلية كتبت بواسطة shanoo

انا عندى شارك2008ومشلاقى ليها سربنتينا استعمال ولا مساعد استعمال وحاجات تانيه كتير مش موجوده خالص فى اسكندريه ولا حتى بور سعيد مش عارف ليه لحد دلوقتى محدش بيبيع قطع غيار الاستعمال بتاعتها واعتقد ان ده سبب من اسباب عدم نجاحها بالشكل المطلوب زى البوما

أنزل الحرفيين هتلاقى كل حاجتها

والله يا جماعة الشكل روعة و من أجمل تصميمات ميتسوبيشي و الدليل انها كملت بنفس التصميم مع اوتلاندر الجديدة

بس لو بيتتكلم عن اللانسر مش الايفو

أنا جربتها لأسبوع كده و مكنتش راضي عن أدائها خالص (صوت عالفاضي من غير شد) و ماتستاهلش سعرها

دانا كنت متوقع أداء اكتر من ميتسوبيشي 1500 سي سي و خاصة للشكل السوبر رياضي و اللي فعلا سبورشيك

بس عن الايفو ( هي الدي اللي تستاهل فلوسها لانها اخدت نفس الشكل الشيك بميزات و اداء ممتاز)

المشاركة الأصلية كتبت بواسطة hesham_7amza

انا مش عارف ليه الناس مش قادره تستوعب ان اللانسر شارك فئه والسيراتو والتيدا فئه تانيه ,,,
السيراتو والتيدا ( وكل العربيات فى الفئه دى ) فئه اللانسر البومه ومينفعش نقارنهم بالشارك ,,,
اما الشارك فهى فئه الكورولا والمازدا 3 ( القديمه ) وهكذا ...

واضح ان حضرتك عندك تعريف شخصي للـفئه

كل العربيات اللي حضرتك ذكرتها فوق هي من نفس الرتبة
ان كان في احسن او اوحش (و الفروق قريبة جدا) أو أغلى أرخص علشان في توكيلات بتحاول تفرض أمر واقع و فروق وهمية بفرض اسعار مبالغ فيها للخروج من المنافسة مع سيارات بعينها فده لن ينفي حقيقة ان كب هذه السيارات من نفس الرتبة . Category C .

ولو مش مصدقني اعمل سيرش على كل واحدة و شوف فئاتهم وكمان اسعارهم برا متقاربه ازاي

دايما اغلاهم الهوندا بس بفروق لا تتعدي الألفين دولار يعني في مصر لا يجب ان تتعدى الأربعة ألآف دولار يعني عشرين الف مثلا (ده أقصى رقم ممكن تلاقيه بين التجهيزات المتماثلة)

أما ان كنت حضرتك بتقيس الفئه بالسعر يبقى حضرتك اللي مش قادر تستوعب كويس