غيرت شوية حاجات فى التيدا برا التوكيل عند ميكانيكى ممتاز + اسعار قطع غيار
السلام عليكم ورحمة الله وبركاته
الاخوة الاعزاء ملاك نيسان
الحمد لله ربنا وفقنى و قدرت اعرف ميكانيكى كويس بيشتغل فى النيسان
هو شغال فى اليابانى عموما و فولكس فاجن
انا اخر مرة لما عملت فحص للعربية فى التوكيل كان نتيجة الفحص ان العربية محتاجة
2 مساعد امامى
طنابير
تيل فرامل امامى
فلتر هواء
المهم انا مرضتش اغير الحاجات دى فى التوكيل
رحت اشتريت قطع الغيار من محمد جابر موزع معتمد لنيسان ليه كذا فرع موجودين على موقع نيسان ايجيبت
انا رحت فرع الحرفيين و سألت على القطع دى
2 مساعد امامى 1700 جنيه
طنابير 1500 جنيه
تيل فرامل امامى 425 جنيه
فلتر هواء 145 جنيه
قربة مياه ردياتير 450 جنيه
قربة مساحات 375 جنيه
زجاج امامى 1800 جنيه الاصلى
فيه جريش مصرى بـ 300 جنيه
كمان سألت على القطعتين الفبر اللى موجودين على الزجاج الامامى قالى موجودين بس بيتباعوا بالفبرة الطويلة دى اللى تحت المساحات اسمها توربيدو بسعر 400 جنيه
فبرة الصدر بـ 600 جنيه
جميع قطع الغيار اصلية و محفور عليها نيسان NISSAN
المهم اشتريت الحاجات اللى محتاجها و طلعت على احمد الميكانيكى شخصية محترمة جدا
هو ورشته موجودة ورا مستشفى سوزان مبارك فى المهندسين نمرته 0122887028
اللى عايز يروحله يتصل بيه عشان انا فاشل فى وصف الطريق
ركبت المساعدين الامامى و طلع عينه لحد مطلعهم لانه عشان يطلع المساعدين فك التوربيدو كلها بالمساحات عشان فيه صموله فوق كل مساعد متهيقلى لو كنت روحت لميكانيكى مايعرفش العربية ماكنش هايعرف يفكهم
و غيرت التيل و لما شاف الطنابير قالى مين اللى قالك تجيب طنابير قلتله التوكيل قالى اة على فكرة الطنابير زى الفل و مافهاش حاجة قالى انتا بتحس برعشة فى الفرامل قلتله لاء خالص قالى عموما هى محتاجة تتخرط حاجة بسيطة قوى عشان التيل يتحط على نضافة و قالى خلى الطنابير اللى معاك احتياطى
فيه خراط جمبه عملهم و ركب الطنابير و التيل و كله بقى تمام و ركبنا فلتر الهواء و العربية فاقت الحمد لله و الفرامل اتحسنت كتير انا عجبنى شغله جدا و انا هناك كانت عنده عربية صنى برضو شغال فيها و بعد كدة جت عربية تيدا برضو
ياريت اكون قدرت افيدكوا و اى استفسار انا تحت امركم :satelite:
