المساعدة يا جماعة : فتيس الميجان 2

**heha** · 01-06-2010 02:56 PM

المشاركة الأصلية كتبت بواسطة human12

ماعتقدش فيه حاجه اسمها فيشه فاصلها
لو هو فاصلها طيب ليه ماركبهاش قبل ما يبيع و لو هيه بسيطه طيب ليه سايبها و لما اى كهربائى يبقى اخاف انه كان بيسيب ناس تعك فى العربيه
انا قلقت و مش قصدى اقلقك بس شوف اى مركز معتمد يبص عليها

++++++++++++++++++1

**gazzar91** · 01-06-2010 03:10 PM

المشاركة الأصلية كتبت بواسطة ahmed a.maksoud

فرنش موتورز فى الرحاب و عين شمس
الميكانيكيون العرب فى شارع السندباد

أستنى برضه رد من الأخ gaazar91 لأنه كان أتدرب فترة فى الميكانيكيون.....جايز يكون عنده علم بالموضوع ده

أنا هاكلم واحد من المهندسين هناك بس أنا حاسس إنه مش حوار فيشة لأن فتيس الميجان الـ dp0 ماهواش بالبساطة دي بس ممكن فعلاً يطلع الموضوع بسيط و أنا أتمنّى كدة..... و الله أعلم
إستنوا مني رد و إن شاء الله أحاول أفيد...
في رعاية الله..............

**gazzar91** · 01-06-2010 03:17 PM

أنا لسة قافل مع المهندس محمد فاروق على التليفون و قاللي "أي مشكلة في Electronics في الفتيس الـ DP0 بتاع الميجان ممكن تبوظ نقلات المانيوال"
و لما قلتله على حوار الفيشة دي قاللي "حاسس إنها إشتغالة" و أنا أشاركه في نفس الرأي
أنا لو منّك هاقلّه "طيب ممكن توديني عند الصنايعي اللي فكهالك علشان أركبها".... بس كده.. شوف و طمنا
في رعاية الله..

**Ahmed Selim** · 01-06-2010 03:27 PM

المشاركة الأصلية كتبت بواسطة ahmed a.maksoud

بالظبط يا باشا

أنا بس خايف يكون فيها أشتغالة من نوع ما

المشاركة الأصلية كتبت بواسطة gazzar91

و لما قلتله على حوار الفيشة دي قاللي "حاسس إنها إشتغالة" و أنا أشاركه في نفس الرأي

ده اللى أنا خايف منه برضه...........

الحل فعلاً أنك تكلمه تسأله على الراجل اللى فكها عشان تركبها عنده و شوف رد فعله هيكون عامل أزاى.

**gazzar91** · 01-06-2010 03:52 PM

المشاركة الأصلية كتبت بواسطة hondaaaa

بص يا باشا عايز افهمك حاجة الاول ..مشاكل الفتيس الاتوماتيك وخصوصا الاستربتونيك بتنقسم لمشكلتين 1- مشاكل فى الكهربا او بمعنى اصح الحساسات ..ودى بتبقى بسيطة وبتتحل عن طريق تغير الحساسات او برمجة 2- مشاكل ميكانيكية ودى بتبقى خاصة بالاجزاء الا جوا الفتيس زى طلمبة الزيت وزى راس البلوف وزى الكلاتشات ودى بتبقى مشاكلها جامدة واحيانا مبتتصلحش زى مثلا ان يكون الفتيس فى تفويت او تهريب زيت من البلوف ودى ملهاش حل الا تغير الفتيس بالكامل ....بس متقلقش انا اعتقد ان مشكلة الفتيس عندك فى الكهربا او حساس لان الفتيس عندك بيشتغل على الاتوماتيك كويس لكن على الاستربتونك مبشتغلش كويس وعند تجربة كان حصل نفس المشكلة دى معاية بس الفرق انة كان مبيشتغلش لا على الاتوماتيك او الاستربتونيك وطلعت المشكلة ان فى ترس فى طلمبة الزيت بلاستيك انكسر ووقف عملية النقل ...فمشكلتك مش مكانيكية خالص دا مشكلة كهربا

+111111111111111111

**د.محمود صلاح** · 01-06-2010 06:48 PM

حضرتك mazenameen مطلوب توضيح النقطة دي : -

المفروض لما تقلب على المانيوال على الاول وانت واقف >>> تتحرك شوية بالعربية لحد سرعة 20 مثلا وبعدين تزق الفتيس للأمام ينقل للثاني وهكذا ...

ولكن لو انت واقف وحطيت على الأول >>> وحبيت وانت واقف تنقل للتاني >>> الفتيس مش هينقل عشان العربية ما اتحركتش ..

ده اللي بيحصل عندك ؟

**mazenameen** · 01-06-2010 09:38 PM

فعلا أنا مجربتش أمشي و بعدين أنقل. بس أنا كلمت مهندس و قالي ان دي مشكلة في كارت الفتيس و حلها بسيط. هاروح مركز الصيانة و أطمنكؤ يا رجاله. فعلا ألف شكر الواحد فعلا مطمن علشان وحوش الميجان هنا.