-
اكسنت موديل 99 1500سس
السلام عليكم ورحمه الله وبراكاته
طبعاا فى البدايه كنت عاوز اوضح ان المنتدى ده من اروع المنتديات فى عالم السيارات والاعضاء فيه متعاونين جدااا وده احسن حاجه :B4_388:
ابتدى بئه اوضح مشكلتى باختصار
معايه اكسنت 1500سس وبحطلها بنزين 80 من كام يوم وانا مسافر لمبه(cheak ingen نورت عندى لمده 10 ثوانى وبعد كده طفت وبعد مسافه طويله اوى اشتغلت تانى بس بعد حوالى 100 كيلو, مع العلم تنى مغير زيت والميه تمام ومفيش اى حاجهتانى غير ان المتور خفيف وبيبتدى يدخن
ارجو الرد عشان اقدر احل المشكله بسرعه عشان الموضوع ميكبرش
-
المفروض حضرتك تحطها على جهاز كشف الأعطال وسهلة إن شاء الله
-
شكرا جدا على اهتمامك و ردك وان شاء الله هعمل كده و بقول ان الدنيا لسه بخير وحد رد عليه
-
الشكر لله
ومعلش هو عموما هنا في القسم نشاط المالكين للهيونداي القديم محدود مش عارف ليه مع إن القسم عموما من أكبر أقسام المنتدى والهيونداي القديم من أكثر السيارات انتشارا لكن يمكن عشان الاهتمام هنا متركز على الموديلات الجديدة فمالكي القديمة بيكسلوا يشاركوا
-
هو مش البنزين 80 وحش للعربيه بيبقى فيه شوائب و نسبة رصاص عاليه ممكن تكون بتاثر على الانجكشن عندك او حاجه
ده اعتقادى
-
بالنسبة للشوائب فكله زي بعض
بالنسبة للأوكتان فالأنسب فعلا الـ ٩٠ والـ٩٢ أفضل كمان
لكن فرق السعر ممكن يكون عامل مهم لاسيما إن العربية بتمشي بالـ ٨٠ كويس من غير مشاكل على الأقل على مدى طويل...ممكن ده في النهاية يقلل عمر الموتور لكن الموضوع محتاج موازنة حسب الإمكانيات والظروف
Content Relevant URLs by
vBSEO 3.6.0 PL2