ايه أحسن فى العيشة؟ المدن الجديدة و لا القديمة
أخباركم ايه جميعا؟؟ :Y_hi_3[1]:
أكيد أغلبنا بيحب الحياة الهادية مش السريعة و الهدوء و بيكره الزحمة
موضوع كده جه على بالى و قلت أسمع الأراء فيه.
هو الأحسن لو الواحد يسكن فى مدن زي القاهرة و أسكندرية ؟ طبعا هيعانى من الزحمة الرهيبة و مشوار ال10 دقايق مشى بيوصله فى ساعة بالعربية اللى أستحالة يلاقيلها باركينج و الطوابير عند العيادات و المدارس و الأفران و ..و .. و الناس اللى أعصابها أصلا تعبانة من الزحمة و الخنقة. بس فى مقابل وجود خدمات أفضل و مولات و حياة عمار برضه
و لا يعيش فى مدن زي المدن الجديدة أو المدن الأصغر شويه اللى مش هتحس فيها حاجة زي أضواء القاهرة بالليل و خدمات كويسة مقارنة بالعاصمة بس هدوء و سهولة فى الحركة و رتم أبطأ شويه ؟
هنفرض أن الشغل متوافر فى المكانين عشان نستبعده من المقارنة.
كمان ممكن اللى يقرأ الموضوع يشاركنا ايه المدينة اللى فى مصر يتمنى يعيش فيها (حاسس ان فى ناس هتقول مفيش:C_laugh[1]: ) بس بجد يختارها و يقول بيحلم يعيش فيها ليه ؟