استلمت الساجا اخيرا

**khaledstorm** · 01-06-2010 11:47 AM

السلام عليكم ورحمة الله وبركاته

أخيرا استلمت الساجا

بصراحة تستاهل شهر ونص انتظار

عربية ما شاء الله جامدة جدا

كنت امبارح وانا بستلمها من المصرية للسيارات واحد تانى جنبى كان بيستلم لانوس

فا كان بيبص على الساجا وبعدين سأل مندوب المعرض على سعر الساجا بكام؟؟

فا مندوب المعرض توه الكلام ومرضاش يقول السعر وبعدين قالى اصلى لو قلتله على سعرها وعرف انها اوتوماتيك مش هيرضى يستلم ال لانوس وهيشبط فى الساجا

وبعدين قالى بصراحة العربية اجمد بكتير من العربيات فى نفس الفئة السعرية بس احنا مبنسوقهاش عشان التوكيل بيذلهم عشان يسلمهم عربيات فا بتحصل عطلة والعملاء بيعملو مشاكل

لحد دلوقتى معنديش ملاحظات سلبية عليها

سحبها حلو وناعمة جدا وتكيفها كويس ما شاء الله

ولو حد عنده أسئلة تانية ممكن اجاوبه ان شاء الله

سلام عليكم

**mosho1985** · 01-06-2010 12:19 PM

الف مبرووووووووووووووك ياباشا وربنا يباركلك فيها
بس خدتها بكام من هناك بالسعر القديم ولا الجديد

**د.محمود صلاح** · 01-06-2010 12:44 PM

الف مبروك وأحسنت الإختيار .. ربنا يحفظهالك من شر الطريق ..
بمناسبة الزبون التاني .. أنا ما بحبش النوعية دي من الناس المترددة في اتخاذ القرار ... اذا عزمت فتوكل وما تدورش على اللي في يد غيرك

**mo7hamedemad** · 01-06-2010 01:09 PM

مبرووووووك من الاعماق والى الامام وبالتوفيق يارب
ووالبنسبة للتكيف من المستحب انك متشغلوش اول 1000 كيلو
لو عايز اى معومة او اى حاجة نايل موتورز كلة هفيدك بيها

دة ياكد ان الموزعين بداؤا يسلموا العربية عشان كان فى واحد اتصل بية وقالى ان المعرض بتاعة مش عايز يسلمة العربية
بس هوة حضرتك اخدها ع السعر القديم ولا الجديد وياترى مانويل ولا اوتو
مبروووووووووووووووووووووو وووووووووك