فى واحد عندنا اخد غرامه 2500 جنيه علشان عامل مطب بس ده كان عمود نور فى الشارع مش مطب
عرض للطباعة
فى واحد عندنا اخد غرامه 2500 جنيه علشان عامل مطب بس ده كان عمود نور فى الشارع مش مطب
ما دي اسمها يا جماعه " ثقافة الشعب " زي ما بنلاقي ناس بترمي الزبالة في الارض وزي ما بنشوف الناس بتعوم في مياة النيل والترع وزي ما بنشوف الناس عندها عدم اكتراث بصحتها من خلال تلوث البيئه والجو وزي ما بنشوف ناس ماشية على كافيها في الشوارع والطرق وزي وزي وزي في حاجات للاسف الحكومة ما ليها ذنب فيها
لما شفت المطب ده كانو عملو نصه كنت بفكر ادخل فيه جامد بعربيتي (كان لسه طري) اكسره
هي النقطة اني سافرت والله لو كنت قاعد كنت رحت اشتكيت للحي
حسبنا الله ونعم الوكيل
صدقوني الناس بتعمل كدة من غلبها يعني لو شارع واسع و متسفلت كويس الناس مش بتحمد ربنا و تمشي فيه كويس لا بتطير و لازم طفل يموت او يتخبط لا قدر الله فبيبقي قدام الواحد خيارين يعمل مطب مع نفسة ملوش حل يأما كل اسبوع حد يتخبط بعربيه
هي ثقافه شعب في تشويه كل حاجة جميله + ثقافه سائقين راكبين عربيات من ارخص العربيات في العالم و معندهمشي دم و لا ضمير بيطيروا في شوارع سكنيه
حلها الناس تلتزم سائقين و سكان شارع الدنيا هتبقي جميله جداااااااااااااا
المطبات ده زي الفل امال العبشجيه هيشتغلوا ازاي وضبط الزوايا وكمان بتاع قطع الغيار البلد حاسه بالناس ده فبتساعدهم فيهم الخير والله
عجبنى قوى اقتراح يافطة قبل المطب ب500 متر
هنا بيتم وضع اليافطة على المطب وناقص يكتبو عليها مبروك كلت المطب
هههههههههههههههههههه والله عندك حق المفروض اساسا لو عندنا حد بيفهم على الاقل واضعف الايمان يلون المطب بلون مثلا اصفر (على اعتبار ان الطول الموجي تبعه عالي ويتشاف من على بعض في الظلام الدامس) مش طالبين اكتر من كده , والمشكله لو المسؤولين تبع التخطيط شغلوا مخهم شوي وعملوا الحاجة من اول مره وبضمير كان زمانهم وفروا وقت ومجهود وفلوس وراحة لكل الناس
انما نعمل ايه مكتوووووووووووووووووب علينا :I_angr1[1]: :I_angr1[1]:
انا كنت باتدايق اوى لما القي مطب صناعى من صنع الاهالي
واقعد اشتم لما العربية تترزع
لكن من شهرين سفلتوا الشارع اللى فيه مدرسة بنتى وصغروا الرصيف فالشارع وسع وبقي زى الفل
والنتيجة ان العربيات حولته لطريق سريع
ومش هقولك مايكروباص ولا توك توك لاء الملاكي هما اللى طايرين
لحد ما واحد خبط بنت من المدرسة موتها
ساعتها بس عملوا مطب قبل المدرسة
ومن الوقت ده وانا لما بادخل في مطب والعربية تترزع اقول في داهية العربيات المهم ارواح الناس
------------------------
محمد سالم