الحق شوف مفاجأت جنرال موتورز في اوتو ماك !!!!(منقول)

GM والمنصور يكشفان عن "فولت" في أوتوماك


http://contactcars.com/Images/News/L...FRRRRRRRR1.jpg
"فولت" جذابة في شكلها
تلقى ContactCars.com دعوة رسمية من شركتي "جـنـرال موتورز مصر والمنصور للسيارات" لحضور مؤتمر صحفي سيعقده راجيف شابا رئيس مجلس الإدارة والعضو المنتدب لشركة "جنرال موتورز مصر" وعادل خضر العضو المنتدب لشركة "المنصور للسيارات".

وحددت الشركتان موعد ومكان المؤتمر الصحفي في اليوم الافتتاحي لمعرض "أوتـومـاك أخبار اليوم 2010" الخميس المقبل داخل قاعة العرض الخاصة بموديلات "شيفروليه وأوبل".


فولت إحدى المفاجآت

وسوف يكشف شابا وخضر عن أهم ما تقدمه الشركتان خلال المعرض، والمفاجآت التي علم ContactCars.com أن إحدها هو عرض السيارة "شيفروليه فولت" لأول مرة في مصر.

وتعُد "فولت" الأمل في صناعة السيارات الصديقة للبيئة، إذ تستهلك لترا واحدا فقط لكل 100كيلومتر أثناء القيادة داخل المدينة وذلك وفقا للاختبارات الأولية.

وتتميز "فولت" التي تعمل بمحرك هجين من الوقود والكهرباء بأنها قادرة على السير بسرعة نحو 60 كيلومترا باستخدام البطارية الكهربائية وحدها.

كما يمكن لمحرك البنزين الذي يتصل بخزان وقود سعته 55 لترا أن يعيد شحن البطارية أثناء القيادة لتتمكن السيارة من السير لمسافة تصل إلى 1000 كيلومتر، كما يمكن إعادة شحن البطارية خلال الليل من خلال وضع قابس السيارة في الكهرباء.
http://contactcars.com/Images/News/m...hFRRRRRRRR.jpg ومميزة في توفيرها للطاقة

وتعتبر "جنرال موتورز مصر "من أهم الشركات العاملة في السوق المصرية، وتحقق كل عام أرقام مبيعات مرتفعة وفقا لتقرير مركز معلومات مسوقي السيارات"أميك".

يذكر أن أول مصنع أنشئته الشركة في مصر يرجع إلى عام 1983، وذلك في مدينة 6 أكتوبر، وقد بدأ الإنتاج الفعلي للمصنع في نفس العام بسيارات النقل وتلا ذلك سيارات الركوب وتعمل جميع خطوط الإنتاج تحت إشراف فني مدرب ونظم التصنيع العالمية التي تتميز بها جميع مصانع "جنرال موتورز" حول العام.

المفروض العربية دي لو نزلت تبقى رخيصة
موتورها سعته صغيرة + عليها اعفاء جمركي 25%
بس التابلو بتاعها وهمممممممممممممممممم
YouTube - First Drive: 2011 Chevy Volt

اخييراً أول عربية هجين في مصر ... وهيعرفوا يعملوا لها صيانة على كده ؟

منصور يعمل صيانة لعربية هجين مستحيل طبعا

لما تروح نقلوا العربية مبتشحنش يقلك انت بتشحن بشاحن رفيع ولا تخين

يا جدعان ده منصور يعني بهدلة العربيات الاوبل و الشيفروليه في مصر

يا جماعة العربية وهمممممممممممم و فيها تكنولوجيا عالية جدا
و كمان ديه شيفروليه أمريكا مش كوريا صح ؟؟؟
و فى إعتقادى لو نزلت هاتبقى بماتور 1600 بنزين بس و تابلوه عادى مش خيالى زى ده و هاتبقى غالية برده

العربيه فعلا شكلها جميل بس ياتري ممكن نتزل بكام

عربية زاى دي لو نزلت تحت ٢٠٠ الف , هتوقف السوق كله مفيش عربية هتبيع غيرها و هنخلص انتاج جنرال موتورز من العربية دي ههههههههههههههههه

تنزل ايه بس ياجماعه :) العربيه لسه مانزلتش فى امريكا اصلا هاتنزل أخر السنه دى

اكيد منصور هايجيبها للعرض فقط

زى ماجاب الكامارو فى المعرض اللى فات

وزى ماجاب الكروز للعرض فقط من سنه ونص

يا جدعان إحنا بيضحك علينا والله
شايفين العربية عاملة إزاى دى طيارة مش عربية و إحنا عمالين نتخانق العرية ديه فيها فوج لايتس ولا لأ ولا جنزط ولا لأ ومش عارف إيه

بجد عندهم إحترام للعميل و معاملة آدمية طبيعية جدا ياعنى مثلا منزّلين فيها جنط 17 تجهيز قياسى مع إن ممكن عادى اللى يشتريها واحدة ست و باتعديش سرعة 100 مثلا ياعنى أنا أقصد إن فى أمانة فى التجارة و خلاص
هنفضل كده لغاية إمتى يا بلد ؟؟؟

اقتباس:

---

المشاركة الأصلية كتبت بواسطة gebreel

لما تروح نقلوا العربية مبتشحنش يقلك انت بتشحن بشاحن رفيع ولا تخين

---

:C_laugh[1]::C_laugh[1]::C_laugh[1]::C_laugh[1]:

استاذ على حسنى ممكن توضح ليه هتاخد اعفاء 25 % ؟

يا جماعة يا ريت نحاول نحسب سعر العربية دى كام و هتتحسب جماركها ازاى ؟

هى سعرها تقريبا 30 الف دولار يعنى حوالى 170 الف جنيه

فيها محركين

واحد كهربائى بقدرة 111 كيلو وات بيطلع 149 hp
واحد عادى سعة 1.4 لتر بيطلع 71 hp

جمرك العادى هيبقى 60 %

طيب جمرك الكهربائى كااااام ؟؟

بعدين لو فرضنا اضافة ال 60 % بس هيطلع 272 الف و ضيف عليهم مكسب الوكيل دخلنا فى 300 الف جنيه

العربية دى لو نزلت ب 200 الف هتبيع كتييييييييييييييييييييييي ييييييييييييييييييييييييي ييييييييييييييييييييييييي ر

اقتباس:

---

المشاركة الأصلية كتبت بواسطة rsarabia

استاذ على حسنى ممكن توضح ليه هتاخد اعفاء 25 % ؟

---

اعفاء 25٪ لأنها عربية كهربائية (هايبريد)

لو نزلت ال1.4 البنزين يبقى جماركها زاى اي عربية تانية

اقتباس:

---

المشاركة الأصلية كتبت بواسطة Kareem_A

اعفاء 25٪ لأنها عربية كهربائية (هايبريد)

لو نزلت ال1.4 البنزين يبقى جماركها زاى اي عربية تانية

---

تمام اوى دا معناه انها هتاخد اعفاء 25 من ال 60 يعنى هيبقى عليها جمارك 35 %

سعرها 170 الف جنيه
جمارك 60 الف جنيه
مكسب وكيل قول 20 الف جنيه

يعنى 250 الف جنيه العربية الواحدة :majd(4):
غالية ....

اقتباس:

---

المشاركة الأصلية كتبت بواسطة hosam_optrawy

تنزل ايه بس ياجماعه :) العربيه لسه مانزلتش فى امريكا اصلا هاتنزل أخر السنه دى

اكيد منصور هايجيبها للعرض فقط

زى ماجاب الكامارو فى المعرض اللى فات

وزى ماجاب الكروز للعرض فقط من سنه ونص

---

الفكرة لو جابها عشان هينزلها زي الكروز ميجبهاش عرض بس زي الكامارو والكورفت
يعني يعرضها السنادي وينزلها كمان سنة

اقتباس:

---

المشاركة الأصلية كتبت بواسطة rsarabia

استاذ على حسنى ممكن توضح ليه هتاخد اعفاء 25 % ؟

يا جماعة يا ريت نحاول نحسب سعر العربية دى كام و هتتحسب جماركها ازاى ؟

هى سعرها تقريبا 30 الف دولار يعنى حوالى 170 الف جنيه

فيها محركين

واحد كهربائى بقدرة 111 كيلو وات بيطلع 149 hp
واحد عادى سعة 1.4 لتر بيطلع 71 hp

جمرك العادى هيبقى 60 %

طيب جمرك الكهربائى كااااام ؟؟

بعدين لو فرضنا اضافة ال 60 % بس هيطلع 272 الف و ضيف عليهم مكسب الوكيل دخلنا فى 300 الف جنيه

العربية دى لو نزلت ب 200 الف هتبيع كتييييييييييييييييييييييي ييييييييييييييييييييييييي ييييييييييييييييييييييييي ر

---

العربيات الهايبرد عليها اعفاء جمركي
ودي الكهربائية فيها معاها موتور بنزين عشان يشحن الكهربا وهتتجمرك على اساس الموتور دا و هيبقى عليها ال25 % الاعفاء
بالنسبة للبنزين ف هو 143 حصان وفي 2 شاحن توربيني

اقتباس:

---

المشاركة الأصلية كتبت بواسطة kareem_a

اعفاء 25٪ لأنها عربية كهربائية (هايبريد)

لو نزلت ال1.4 البنزين يبقى جماركها زاى اي عربية تانية

---

بالظبط كدا
ولو في عربية كهربائية بس"مبتخدش بنزين خالص" مبيبقاش في جمارك عليها الرسوم بس

حسب ما شوفت سعرها هيبقى من 30 الى 35 الف دولار يعني في كل الاحوال بعد الجمارك هتعدي ال 250 مصري
دا غير ان دا نفس رينج سعر الكامارو هناك
يعني بتهيالي كدا هتخشلها في سكة 300

الصين عاملة دعم 7500 دولار للمواطن اللى يشترى عربية بالكهرباااا و احنا ربنا يتولاانا برحمته

منصور الي مش عارف يغير طنابير ؟؟؟ سلملي علي الهجين
يس يصراحه العربيه تحفه و بمناسبة التابلوه الجامد معلش انا عايزكوا تشوفوا الفيديو ده ياريت
YouTube - 2010 XJ Technology from Jaguar of Tampa

[QUOTE=Rsarabia;3872719644]

جمرك العادى هيبقى 60 %

جمرك العادي 40%

اقتباس:

---

المشاركة الأصلية كتبت بواسطة Kareem_A

اعفاء 25٪ لأنها عربية كهربائية (هايبريد)

لو نزلت ال1.4 البنزين يبقى جماركها زاى اي عربية تانية

---

العربيه الهايبرد ماينفعش نقول عليها كهربائيه, العربيه الهايبرد هجين , مختلفه تماما عن الكهربائيه

اقتباس:

---

المشاركة الأصلية كتبت بواسطة bebo_abdeldayem

العربيه الهايبرد ماينفعش نقول عليها كهربائيه, العربيه الهايبرد هجين , مختلفه تماما عن الكهربائيه

---

مش مختلفة تماما

العربية الهايبريد هي عربية تعتمد على موتور كهربائي (او هيدروجين) في الاساس , و بها محرك بنزين عشان يشغل لما الاول يفضى و دة عشان العربية تقطع كيلومترات اكتر و تبقى قابلة للاستخدام اليومي

و دي نوعية العربيات العليها 25٪ تخفيض

اما العربيات الكهربائية تماما , فمفيش منها غير سيارة واحدة و لم يتم انتاجها بعد و هي النيسان ليف Nissan Leaf

[QUOTE=bebo_abdeldayem;3872721006]

اقتباس:

---

المشاركة الأصلية كتبت بواسطة Rsarabia

العربيه الهايبرد ماينفعش نقول عليها كهربائيه, العربيه الهايبرد هجين , مختلفه تماما عن الكهربائيه

---

التخيض بالفعل على الهايبرد 25 % و ليس على الكهربائية
مفيش حتى الاّن سيارة كهربائية تماما الا تقريبا واحدة من انتاج بى واى دى الصينية و سيارة اخرى نسيان تقريبا او تويوتا

[QUOTE=Rsarabia;3872721196]

اقتباس:

---

المشاركة الأصلية كتبت بواسطة bebo_abdeldayem

التخيض بالفعل على الهايبرد 25 % و ليس على الكهربائية
مفيش حتى الاّن سيارة كهربائية تماما الا تقريبا واحدة من انتاج بى واى دى الصينية و سيارة اخرى نسيان تقريبا او تويوتا

---

لا اكتر من كدا شوية
في من فترة عربيات كهربائية بالكامل

شوفو دي
YouTube - Building an electric car - Top Gear - BBC

في فعلا عربيات بالكامل كهرباء و في شركة و ماركه معروفه اسمها تسلا لانتاج العربيات الكهربا و نازل منها كذا عربيه و بقالها كذا سنه بتنتج و بتبيع , و في ناس كتير جدا عندهم العربيه دي, و اساميهم كلهم متسجله علي موقع الشركه , و منهم ارنولد بتاع كايفورنيا و طبعا نجم هوليود, عربيه ب 100 الف دولار , بتمشي 200 ميل بالشحن الكهرباء فقط
YouTube - 2008 Tesla Roadster: This Electric Sports Car Is the Real Thing
و التسارع بتاعها من 0-100 في اقل من 3 ثواني , و ده طبعا عشان معروف عن المواتير الكهربا ان العزم بيطلع عند عدد لفات قليل جدا , زي بالظبط العربيات الي برموت الي كانت عندنا واحنا صغيرين اول ما تدوس علي الزرار تلاقي العربيه جابت اخرها علطول و تقريبا مابتلاحظش فترة ال تسارع بتاعها

اقتباس:

---

المشاركة الأصلية كتبت بواسطة bebo_abdeldayem

في فعلا عربيات بالكامل كهرباء و في شركة و ماركه معروفه اسمها تسلا لانتاج العربيات الكهربا و نازل منها كذا عربيه و بقالها كذا سنه بتنتج و بتبيع , و في ناس كتير جدا عندهم العربيه دي, و اساميهم كلهم متسجله علي موقع الشركه , و منهم ارنولد بتاع كايفورنيا و طبعا نجم هوليود, عربيه ب 100 الف دولار , بتمشي 200 ميل بالشحن الكهرباء فقط
YouTube - 2008 Tesla Roadster: This Electric Sports Car Is the Real Thing
و التسارع بتاعها من 0-100 في اقل من 3 ثواني , و ده طبعا عشان معروف عن المواتير الكهربا ان العزم بيطلع عند عدد لفات قليل جدا , زي بالظبط العربيات الي برموت الي كانت عندنا واحنا صغيرين اول ما تدوس علي الزرار تلاقي العربيه جابت اخرها علطول و تقريبا مابتلاحظش فترة ال تسارع بتاعها

---

ارجو ان حضرتك تشوف الفيديو دة من توب جير على نفس العربية

YouTube - Top Gear Tesla

العربية على التراك بتاعهم عملت 55 ميل بس مش 200 زاى ما بيقولوا , مع انهم قالوا 200 لو بتسوق بسرعة

غير كدة , العربية عشان تشحنها من سوكت عادي زاى الكل الناس بتستخدمه , بتحتاج 16 ساعة !!!!!!!!

بيقولك يعني من انجلترا لسكوتلندا في اكتر من 3 ايام !!!!!!!! , غير كدة الكهربا جاية من مصانع بتحرق بترول برده

و لو عايز تشحنها بطاقة الرياح , الهوا windmill هتاخد 600 ساعة !!!!!!!

يعني عربية لا تصلح للاستخدام اليومي تماماااااا

اقتباس:

---

المشاركة الأصلية كتبت بواسطة Kareem_A

ارجو ان حضرتك تشوف الفيديو دة من توب جير على نفس العربية

YouTube - Top Gear Tesla

العربية على التراك بتاعهم عملت 55 ميل بس مش 200 زاى ما بيقولوا , مع انهم قالوا 200 لو بتسوق بسرعة

غير كدة , العربية عشان تشحنها من سوكت عادي زاى الكل الناس بتستخدمه , بتحتاج 16 ساعة !!!!!!!!

بيقولك يعني من انجلترا لسكوتلندا في اكتر من 3 ايام !!!!!!!! , غير كدة الكهربا جاية من مصانع بتحرق بترول برده

و لو عايز تشحنها بطاقة الرياح , الهوا windmill هتاخد 600 ساعة !!!!!!!

يعني عربية لا تصلح للاستخدام اليومي تماماااااا

---

يالهوي؟؟؟؟؟؟؟؟؟؟
ده غير الكلام الي مكتوب علي الموقع بتاع العربيه خااااالص,, بس طبعا التجربه غير كلام التسويق و الاعلانات,, :B4_592:
بس اكيد لازم يكونوا مخترعنلها حاجه غير السوكت العادي ده كده الواحد حايشحن العربيه اكتر ما بيتحرك بيها ,, و بعدين 55 ميل ده قليل اوي , عشان كده العربيات الهايبرد هيا الحل :10D5C8w1107:

بس يديني و يديك بقي طولة العمر يا أستاذ كريم لغاية ما نشوفها في مصرنا الحبيبه :B4_039:

اقتباس:

---

المشاركة الأصلية كتبت بواسطة bebo_abdeldayem

يالهوي؟؟؟؟؟؟؟؟؟؟
ده غير الكلام الي مكتوب علي الموقع بتاع العربيه خااااالص,, بس طبعا التجربه غير كلام التسويق و الاعلانات,, :B4_592:
بس اكيد لازم يكونوا مخترعنلها حاجه غير السوكت العادي ده كده الواحد حايشحن العربيه اكتر ما بيتحرك بيها ,, و بعدين 55 ميل ده قليل اوي , عشان كده العربيات الهايبرد هيا الحل :10D5C8w1107:

بس يديني و يديك بقي طولة العمر يا أستاذ كريم لغاية ما نشوفها في مصرنا الحبيبه :B4_039:

---

الحلقة دي قديمة
وكانت ايام ما لسه العربية دي concept وكانو بعتنلهالهم يتفرجو عليها ويجربوها
بتهيالي اتعدلت كتيير وبتمشي فعلا 200 ميل

اقتباس:

---

المشاركة الأصلية كتبت بواسطة aly_hosny

الحلقة دي قديمة
وكانت ايام ما لسه العربية دي concept وكانو بعتنلهالهم يتفرجو عليها ويجربوها
بتهيالي اتعدلت كتيير وبتمشي فعلا 200 ميل

---

انا شايف ان 200 ميل ده كويس جدا لو بجد,,يعني الواحد يمشي من القاهرة لاسكندريه بشحنة كهرباء :10D5C8w1107:
يا سلام بقي لو اتعدل وقت الشحن كمان .. و يا سلام بقي لو تنزل مصر ... و يا سلام بقي لو تبقي سعرها كويس....

اقتباس:

---

المشاركة الأصلية كتبت بواسطة bebo_abdeldayem

يالهوي؟؟؟؟؟؟؟؟؟؟
ده غير الكلام الي مكتوب علي الموقع بتاع العربيه خااااالص,, بس طبعا التجربه غير كلام التسويق و الاعلانات,, :b4_592:
بس اكيد لازم يكونوا مخترعنلها حاجه غير السوكت العادي ده كده الواحد حايشحن العربيه اكتر ما بيتحرك بيها ,, و بعدين 55 ميل ده قليل اوي , عشان كده العربيات الهايبرد هيا الحل :10d5c8w1107:

بس يديني و يديك بقي طولة العمر يا أستاذ كريم لغاية ما نشوفها في مصرنا الحبيبه :b4_039:

---

هههههههههههه لا يا باشا , دي مصر التنزلها مش هي التنزل مصر ههههههههه

بس حتى لو العيوب دي اتعدلت , هيبقى في مشكلة !!

حضرتك بتقول ياريت تنزل و يبقى سعرها كويس , بس للأسف هي سعرها بره حتى مش كويس

العربية تمنها في انجلترا 90 الف استرليني !!!!!!!!!!!!!

دي الاودي r8 في حدود ال80 الف سترليني !!!!!!!!!!!!!!

اقتباس:

---

المشاركة الأصلية كتبت بواسطة hosam_optrawy

تنزل ايه بس ياجماعه :) العربيه لسه مانزلتش فى امريكا اصلا هاتنزل أخر السنه دى

اكيد منصور هايجيبها للعرض فقط

زى ماجاب الكامارو فى المعرض اللى فات

وزى ماجاب الكروز للعرض فقط من سنه ونص

---

+1111111111111111111111111111111
الله ينور عليك يا حسام باشا

اسف لتاخري في شكر السيد المحترم مشرف القسم لتطوير الموضوع وجعله بالشكل الائق وشكرا جزيلا
بالنسبه للسياره ماعتقدش انها تنفع في مصر عاشان هاتستهلك كهربه كتير بالاضافه انها مش هاتاخد اقل من بنزين 95 واحنا بندور علي اقل استهلاك ثم الاداء