مهندس طارق -- تغيير قواعد موتور لانسر مكواة مانيوال

مهندس طارق

كنت عايز أسأل على تغيير قاعدة موتور للانسر مكواة موديل 2002 مانيوال
تتكلف كام و تاخد وقت قد ايه؟
ينفع اعملها يوم الاحد القادم؟ فى أى مركز خدمة؟؟

اهلا يا باشمهندس محمد

هو فيه 4 قواعد للمحرك : قاعدة امامية - قاعدة خلفية - قاعدة باور - قاعدة فتيس

سعرهم الأربعة حوالي 1400 جنيه وتكلفة تركيبهم حوالي 200 جنيه وتاخد وقت حوالي ساعتين

يوم الأحد مناسب في مركز الخدمة الرئيسي بقليوب انما جسر السويس لازم حجز

لو فيه قاعدة محددة هي بس اللي هتتغير ارجو كتابة رقم الشاسيه لتحديد السعر بالظبط

ألف شكر يا باشمهندس
انا مش فاكر انهى واحدة هية اللى محتاجة تتغير
ال 1400 جنيه دى تقريبا سعر واحدة ولا سعر الاربعة؟؟

لأ ..سعر الأربعة طبعا

طيب يابشمهندس طارف
لو تسمح
إيه أعراض تلف أو كسر في قواعد المكنة؟؟؟؟
وإيه أعراض تلف أو (بوش) المقصات؟؟؟؟
وإيه أعراض تلف المساعدين والعربية ماشية؟؟؟؟

ألف شكر يا باشمهندس
ان شاء الله يوم السبت أو الاثنين هاروح المركز الرئيسى (يارب يكون فيه وقت بس)