فين ارأكم يا جماعه
عرض للطباعة
فين ارأكم يا جماعه
فى فرق اما تعمل العمرة او طقم الشنبر فى الصيف او الشتاء ؟؟؟؟!!!!! انا اول مرة اسمع الحكاية دى ياريت حد من الاعضاء يفيدنا ؟
بص يا باشا المدرسة القديمة بتقول ان احسن عمرة تعملها فى الشتاء مش بالصيف علشان و انت بتلين العربية ما تسخنش منك جامد و تلين براحتك فطبعا فى الشتاء الجو بارد انت ذات نفسك مش حا تتسلق من الحر الى بقينا فية على طول و الله الواحد بيتنفس بالعافية من الحر و بقينا عايشين على خط الاستواء و بالنسبة للعربية الشميز و البساتم حا تطبع مع بعض فى جميع الاحوال سواء صيف ام شتاء بس الشتاء أرحم للعربية و لنفسك ( بص انا معرفش حاجة علمية للنظرية دى بس لراحتك انت و للعربية )
شكرا على الردود وبالنسبة لصوت الخشونه انا متاكد من انه جاى من الفتيس عشان رفعت العربيه على كوريك وجرينا العجل وسمعنا الصوت جاى من الفتيس ومش عارف اطنشه ولا اعمل ايه عشان بتاع الفتيس قالى لازم يتحل ويرحله
توكل على الله
وأعمل شغل الفتيس والشنبر بالمره
خير البر عاجله
أكيد بتاع الفتيس هيقولك لازم يتحل، انت مستنى يقولك ايه غير كده! بس انا عايز اقولك حل الفتيس انا مش بحبزه اطلاقاً الا لو كان عيب موقف العربية يعنى ميقبلش غيار بينط فى غيار بيعمل صوت ونة جامدة وهيا واخده غيار انما لو تقدر تستحمل الصوت فبلاش تدخل فى دوامة الفتيس ومصاريف انت فى غنى عنها وحاجة متستاهلش من وجه نظرى والفتيس فى عمرة الافتراضى ليه يتحل مرة او اتنين على اقصى تقدير وقطع غيارة غالية ومصنعيتة برضو فانت اصبر على الفتيس واستحمل الصوت خصوصاً انه بيجى من التموير وجرب كده تحط زيت تقيل شوية وممكن الصوت يروح.
شكرا على الرد يا جماعه وشكرا يا مهندس سمير ربنا يسهل انا هسبها للظروف لو حسيت ان الصوت زاد هعملها ولو استحمل معايا لحد الشتاء هعملهم فى الشتاء مع بعض انا بس ليا سؤال لو مشيت على الفتيس كده ممكن حاجه تحصل للفتيس يبوظ خالص مثلا
طيب مايمكن يكون عيب بلى عجل ومش عيب فى الفتيساقتباس:
وسبب انى عايز احل الفتيس ان فى صوت خشونه لما ببقى ماشى سريع ومور وملوش دعوه بالدبرياج
فهل أختبرت بلى العجل
علشان تفصل العيب عن بلى عجل السياره
مهو انا رفعتها على الكوريك وسمعنا انا والميكانيكى ان الصوت جاى من الفتيس