كابتن عصام أبن الحضري أتهزم يارجالة - وقف 4 شهور و 800 الف دولار

**A.Lotfy** · 02-06-2010 10:08 AM

تصحيح

الغرامة 796500 على نادي سيون مش على الحضري

**النوبي** · 02-06-2010 10:18 AM

المشاركة الأصلية كتبت بواسطة amah_totala

تصحيح

الغرامة 796500 على نادي سيون مش على الحضري

ياخساره

**mohamedrabia** · 02-06-2010 10:48 AM

احسن بجد الطمع يقل ما جمع كان هينهي حياتة في نادي محترم وياخد شقله فلوس وهو خارج بس الواضح ان كل حراس الاهلي كده والسابق شوشو كان كبير العصابه لا شماتة بس الجشع اسو شي وكمان دخل مراتة معاه في لعبة لم الفلوس بالاعلانت حضري البطيخة حسبنا الله

**aif** · 02-06-2010 11:38 AM

هو الكلام ده مش على عصام الحضري حارس المرمى ولا حد تاني ؟؟؟؟؟؟
مش عصام الحضري ده اللي شال الاهلى اكتر من 12 سنين و كان السبب الرئيسي في حضصول الاهلي على عشرات البطولات ؟؟؟؟؟
مش هو برضه اللي ساهم بشدة مع المنتخب من 1996 وحتى الآن في الحصول على 4 بطولات افريقية ؟؟؟؟؟؟؟
ليه ماحدش بيفتكرله غير الموقف الوحش اللي عمله بس ...... العدل بيقول اننا نفتكرله الحلو والمر .... مش المر بس
...
عصام الحضري غلط اكيد وماحدش ينكر ده
لكن ليه ماحدش بيفتكرله امجاد حققها للأهي ..... في وقت كان هو السبب الرئيسي في انتصارات الاهلي
مش هو ده اللي كانت الصحف بتسمية أسد الحضري .... السد العالي

الاهلي نادي الاخلاق والمبادئ ... ده صحيح
لكن دي مش مبادئ ...... دي قسوة
لما ابني يغلط ممكن اضربه .... أأدبه ... اعاقبة
لكن لو قتلته .................... ابقى مش أب ولا بأعرف اربي ......... ولا ح أربيه بعد ما يموت
انا حاسس ان ادارة الاهلي نفسها تسحله وتعلقة على عمود النور اللي على باب النادي وكل واحد معدي يضربة طوبة

الاهلي مش عاوز يقبل اعتذاره ويرجعه ...... هو حر ..... لكن كل شيء له حدود
الشيء اللي يزيد عن حده بينقلب الى ضده
انا اول مرة احس برائحة الشماته في الاهلي ...... الاهلي مكانش كدة .... ولا ادارة الاهلي بتحاول تثبت ان الاهلي بتاع صالح سليم لسة بنفس القوة ...... القوة حاجة ..... والقساوة حاجة تانية
الاهلي كدة ...... اذا خاصم فجر
...
انا باتكلم عن الحضري حارس المرمى
ماليش دعوة ببيته ولا اسرته

**ahmed4000** · 02-06-2010 11:58 AM

وفى الشغل لو موظف سابنى بدون سابق انذار ومن غير استذان ولا حعبره ولو كان اخر موظف فى الدنيا

**aliabutaleb** · 02-06-2010 12:10 PM

المشاركة الأصلية كتبت بواسطة kareem_a

الفكرة ان الكورة مبقتش لعبة رياضية بس , الكورة تحولت لبزنس و فلوس رايحة و فلوس جاية

و لما يبقى في بزنس و فلوس يبقى في قسوة و مفيش رحمة

بس الأخبار اللي اتكتبت إن الأصوات المؤيدة لعودة الحضري من داخل مجلس إدارة النادي الأهلي أكثر من الأصوات اللي بترفض عودته خصوصاً بعد القلق الأهلاوي المتزايد من سوء حالة حراسة المرمى في الفريق

انا رأيي الحضري غلط
ومادام غلط يتبقى يتقبل العقوبة

**Kareem_A** · 02-06-2010 12:18 PM

المشاركة الأصلية كتبت بواسطة أبو حمزة

بس الأخبار اللي اتكتبت إن الأصوات المؤيدة لعودة الحضري من داخل مجلس إدارة النادي الأهلي أكثر من الأصوات اللي بترفض عودته خصوصاً بعد القلق الأهلاوي المتزايد من سوء حالة حراسة المرمى في الفريق

انا رأيي الحضري غلط
ومادام غلط يتبقى يتقبل العقوبة

القسوة الانا بتكلم عليها مش من الجماهير انما من النادي

من الكلام الادارة على حالة الحضري , الواحد بقى حاسس ان النادي مستعد يخسر الدوري بس ميرجعش الحضري

**aif** · 02-06-2010 12:20 PM

المشاركة الأصلية كتبت بواسطة kareem_a

الفكرة ان الكورة مبقتش لعبة رياضية بس , الكورة تحولت لبزنس و فلوس رايحة و فلوس جاية

و لما يبقى في بزنس و فلوس يبقى في قسوة و مفيش رحمة

و غلطت الشاطر بألف

و دي حاجة في طبيعة الانسان , ان لما حد يعمل حاجة غلط اروح افتكرله كل الحاجات الوحشة العاملها

المفروض ان الاهلي بالذات مش بزنس زي ما حضرتك بتقول
انا اللي اعرفه ان الاهلى مؤسسة رياضية اجتماعية تربوية ..... هدفها مش الربح .... هدفها اسمى من كدة بكتير
ممكن اللي بتقوله ده يكون في اندية تانية كتيييير
لكن المفروووووووووض انه مش في الاهلي
وبعدين هو الحضري بس اللي بيغلط
الغلطات كتييير
آخرها موضوع الاعلانات اللي كلف الاهلى فلوس كتير
والاستغناء المفتوح عن حسين ياسر
.....
محدش قطع رقبة حسام البدري وقال غلطة الشاطر بالف
الموضوع فيه شماتة وتشفي وانتقام وحاجات المفروض الاهلى ما يعملهاش
ده الاهلي

-

-

الموضوع: كابتن عصام أبن الحضري أتهزم يارجالة - وقف 4 شهور و 800 الف دولار

LinkBack

أدوات الموضوع

عرض

-

-

-

-

-

-

-

-

المواضيع المتشابهه

50 الف 10الاف كل 6 شهور مع التخليقى- دلوقتى 5 الاف كل 6 شهور اغير معدنى ولا لأ?.

يحدث الآن في جمهورية عصام الحضري (مصر سابقا)

الكلمات الدلالية لهذا الموضوع

المفضلات

المفضلات

ضوابط المشاركة