مشكله فى توكيل غمره فى صيانه الـ5000!!!!!

السلام عليكم

انا معايا سكودا فانتازيا 2010 و كنت دخلت على القسم من كام يوم و عملت موضوع بستفسر فيه عن شويه حاجات بخصوص صيانه ال 5000 و نصحنى الأخ الفاضل inspiron بإنى اروح توكيل غمره و انا عملت بنصيحته و بعت العربيه مع السواق النهارده الساعه 9 لتوكيل غمره

والمفأجاه الكبرى!!!!!!!!!!!!!!!!!!!!!!!!!!!!!!!!!!

التوكيل يرفض دخول العربيه مع انها ضمان الوكيل ارتوك و السواق كان معاه كتيب الضمان بتاع العربيه
بحجه ان اول صيانه هى ال 10000 و مفيش حاجه اسمها صيانه ال 5000
علما بانى سألت فى مركز خدمه كارتك إلى فى العبور و قالى ان اول صيانه هى ال5000 و بتكون عباره عن فحص مجانى شامل للعربيه و تربيط العفشه

فليه بقى التوكيل عمل كده النهارده
بإنتظار ردكم و شكرا على اهتمامكم

إزاي المهذلة دي..حضرتك لازم تروح بنفسك ومتسبهومش غير لما يدخلولك العربية حتي لو وصلت إنك تقابل أكبر راس هناك.ده حقك..

ما هو ده إلى هيحصل إن شاء الله والدى هيروح بنفسه التوكيل ويشوف الموضوع ده معاهم و شكرا على اهتمامك

والعربيه بتاعه حضرتك اخبارها ايه خلصت ولا لسه ؟؟

هو فعلا مفيش حاجة فى صيانة 5000 الا لو فى حاجة بس مفيش تغير زيت ولا حاجة
و كمان هما بيشفو الرخصة و البطاقة او تفويض لو المالك مش موجود يمكن دية المشكلة

اول صيانة لاسكودا اوكتافيا علي 10000 كيلو وده كلام التوكيل وعلي فكره الزيت اللي فيها المفروض يتغير علي 15000 مش عشرة بس هنا بيغيروه بدري وبعض مراكز الصيانة المعتمدة بتقول اني في صيانة علي 5000 مجانية مش بيعملوا فيها حاجة غير جر رجل العميل

صيانة لاسكودا اوكتافيا علي 10000 كيلو

ولو العميل له ملاحظات قبل ال 10 الاف كم ما يفحصوهاش ؟

توكيل غمرة بيطلب توكيل او تفويض من صاحب العربية للسائق علشان يرضى يدخل العربية .. والمفروض صيانة العربية كل 15000 كم بس هما بيعملوها كل 10000 بيقولوا جو مصر مختلف وكلام كدة .. بس جميع لامراكز المعتمدة بيعملوا صيانة 5000 ببلاش .. على العموم كان المفروض تتصل بيهم قبل لما تودى الراجل .. حصل خير جرب بقي الناس اللي انت كنت بتقول عليهم اللي جمب السندباد وقلنا رايك اية .. بس برضة اتصل بيهم الاول وشوف الدنيا هتمشي اذاي