يا جماعة ساعدوووووني بالنسبة للالنترا 2010 المانيوال

**mazikaty888** · 01-06-2010 05:49 PM

انا الحمد لله دفعت مقدم النترا مانيوال 2010 امبارح
بس سمعت النهاردة ان غبور هينزل سعر العربية 3 الاف جنيه في معرض اوتوماك !!!
فهل الكلام ده حقيقي و لا ايــــــــــــه ؟؟؟؟
ياريت لو حد عارف حاجة اكيدة عن الكلام ده يقولي عشان الحق انزل اقفش في بتاع المعرض
و معلش في استفسار كمان --- عايز اعرف ايه الحاجات اللي لازم اخد بالي منها و انا بستلم العربية ؟؟؟
و هل الكاسيت mp3 ولا لأ ؟ و سمعت ان بييجي معاه وصلة USB ؟؟؟؟
اسف علي الاطالة بس دا لثقتي في الاعضاء المحترمين للمنتدي و اعذروني , اخوكم مستجد بأه

**mazikaty888** · 02-06-2010 12:28 AM

لو سمحتو يا جماعة اللي عندو معلومة ياريت يفيدني , انا عارف ان ملاك الالنترا هنا في المنتدي كتير و اكيد قبل مايشترو بردو سألو و احتاجو مساعدة .

فياريت ميبخلوش بالمعلومات و يردو عليا , و شكرا مقدما

ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة
تم تغيير اللون ويرجى مراجعة قوانين المنتدى

2/6/2010
2:00 pm

مشرف 12 ب

**dr_abooody** · 02-06-2010 01:09 AM

المشاركة الأصلية كتبت بواسطة mazikaty888

لو سمحتو يا جماعة اللي عندو معلومة ياريت يفيدني , انا عارف ان ملاك الالنترا هنا في المنتدي كتير و اكيد قبل مايشترو بردو سألو و احتاجو مساعدة .

فياريت ميبخلوش بالمعلومات و يردو عليا , و شكرا مقدما

بص يا باشا

اول حاجة اللون الاحمر دة الادارة بتستخدمة فقط هيتعملك تنبية دلوقتي من الادارة

انا من ملاك الالنترا بس موديل 2009

الكاسيت سي دي و mp3 usb وصلة

و صوتة حلو بس مش ممتاز اوي لان دة مش الكاسيت الاصلي للاسف بيتشال و بتركب غيرة هنا في مصر تقريبا دة شبه بتاع ال i 10 عشان غبور باشا بيسترخص

بس مش وحش على الاقل فيه usb

هتستلم مع العربية الضمان و الاستبن و الكوريك و مفك العجل كلهم موجودين ورا في الشنطة و منظمين و حطين معاهم مفك عادي و مفك للعجل

هتستلم الكاتالوج بتاع العربية و الكاسيت

اهم حاجة تستلم العربية في النهار عشان لو في اي حاجة تشوفها لو مخبوطة او في خرابيش بيتعمل محضر بيهم

العربية ممتازة و كلها تقفيل كوري ماعدا سرينة الانذار اللي خربت عندي عشان مصري و غبور باشا حاطط سرينة بتاعت موتوسيكل صيني

و اهم حاجة اول 1000 كيلو دول تليين براحة و ما تسغلش فيهم التكييف عشان تلين براحتها

و ربنا يباركلك فيها

**mazikaty888** · 02-06-2010 01:50 AM

بجد مش عارف أقولك ايه يا دكترة , شكرا علي كل معلومة و حقيقي استفدت جدا من كلامك و خصوصا انك طمنتي علي موضوع ال usb
و بالنسبة للانذار فمش مشكلة اوي , كده كده الحرامية قلبهم ميت و مبيفرقش معاهم الحاجات دي --- ربنا يسترها علينا و عليك (,")
وبجد بسم الله ما شاء الله علي عربيتك , متظبطة بشياكة ربنا يباركلك فيها
وشكرا علي ذوقك مرة تانية :)

**mazikaty888** · 02-06-2010 01:55 AM

ياريت يا جماعة لو حد عارف حاجة عن ان سعر العربية هينزل 3 الاف جنيه يفيدني بردو ,,,, وشكرا (,")

**midosalah** · 02-06-2010 09:05 AM

بص انا اللى اعرفه ان فى المعرض بيبقى فى عروض من اغلب الشركات واولهم غبور والعروض بتبقى تخفيضات من الف الى 3 الاف جنية
فممكن يكون فعلا اللى انتا بتقوله صح بس الخبر الاكيد محدش هيعرفه الا فى المعرض