اقتباس:
المشاركة الأصلية كتبت بواسطة medonoda
الف شكر عي اهتمامكم يا جماعة بس الغطاء بتاع القربة فيه فايظ من فوق وكان ناطر ميه جوه العربية لان المفروض يبقي ليه خرطوم واصل لتحت بس مش موجود لان الريداتير مبيخدش هوا زي باقي العربيات ده كلام ميكانيكي وبعدين انا بحط ايدي علي الريداتير بارد جدا قدام المروحة وبعدين مفيش سخونة وانا النهاردة لاقيت مفيش غليان بس صوت المياه اللي راجعة من الريداتير للقربة كانه صوت غليان فهل ده طبيعي ؟
اسف علي الاطالة
معلش....
عايز أتناقش مع حضرتك فى النقطة دي....
يعنى إيه الرادياتير مبيخدتش هوا...
المفروض إن فيه طلمبة ميه هي اللي بتسحب الميه من الرادياتير...
ولو سحبت هوا....الطلمبه ممكن تتحرق بعد وقت قصير...
طبيعي إن يكون في القربه فايظ...
لأن دول القربه هو إستلام الفايظ من الرادياتير...عشان الرادياتير ميكونش تحت ضغط وعرضه للإنفجار...
و ده باين من الغطا بتاع الرادياتير إنه فيه سوسته...السوسته دي متعايره إنها عند ضغط معين تفتح..وتعدي المياه من الراديايتير أو البخار..للقربه...
كنوع من التنفيس...
وده الخرطوم اللي طالع من الرادياتير جمب الغطا...
المهم
انا عايز حضرتك تتأكد من إن المروحه بتشتغل....
لأن مفيش مبرر إن مية القربه تغلى..إلا لو كانت الميه سخنه...
شوف الثرموستات..
أو الفيوز..