حكمة لو نفهمها ونعقلها كلنا هانرتاح

**mina_ramsis** · 02-06-2010 11:51 AM

المشاركة الأصلية كتبت بواسطة cyborg_ift

طب ممكن حضرتك تقسملي الـ 24 قيراط بتوع 128

جايبها ب 15 الف بس من 100 و 150 الف
بتحطلها بنزين 80
لما بتتخبط لا قدر الله بتصلحها ب 20 جنيه
عاوز تانى و لا كفاية

**amr5500** · 02-06-2010 12:35 PM

القناعه والرضا سبب السعادة الحقيقيه
يعني ممكن واحد راكب سيات 133 ومقتنع بيها وبيحمد ربنا علي فضله
وواحد تاني راكب مرسيدس ومش راضي بيها ونفسه في موديل اعلي او ماركه افضل

**elsherif_2000** · 02-06-2010 12:49 PM

المشاركة الأصلية كتبت بواسطة mina_ramsis

جايبها ب 15 الف بس من 100 و 150 الف
بتحطلها بنزين 80
لما بتتخبط لا قدر الله بتصلحها ب 20 جنيه
عاوز تانى و لا كفاية

و يحمد ربنا انه بيروح مشوارة بالعربية و بيرجع سليم

**jisso82** · 02-06-2010 02:10 PM

المشاركة الأصلية كتبت بواسطة mina_ramsis

جايبها ب 15 الف بس من 100 و 150 الف
بتحطلها بنزين 80
لما بتتخبط لا قدر الله بتصلحها ب 20 جنيه
عاوز تانى و لا كفاية

و احب أزود عللى كلام حضرتك
إن قطع غيارها قربت تبقى موجوده عند السوبر و المينى ماركت و أرخص قطع غيار فى مصر و الميكانيكا بتاعتها سهلة جدا أى حد بيفهم فيها بيصلحها بسهولة لا مرتبطة بوكيل و لا غيره و سعر إعادة بيع ممتاز يعنى ممكن تستثمر فيها فلوسك
كده كويس ولا لسه عايز قراريط كمان

**cyborg_ift** · 02-06-2010 02:59 PM

المشاركة الأصلية كتبت بواسطة mina_ramsis

جايبها ب 15 الف بس من 100 و 150 الف
بتحطلها بنزين 80
لما بتتخبط لا قدر الله بتصلحها ب 20 جنيه
عاوز تانى و لا كفاية

أه عاوز تاني

وعلى فكره أنا مبتبطرش وبحمد ربنا على كل شىء بس بجد عاوز أعرف تقسيمة الـ 24 قيراط إيه يعني ايه القياسات اللي بتتقسم عليهه

وبعدين خبطة إيه اللي بتتصلح بعشرين جنيه ده على كده الصنايعيه طيبين أوي

**cyborg_ift** · 02-06-2010 03:10 PM

يا جماعه فيه فرق بين القراريط اللي ربنا قسيمهلنا كبشر من صحه ومال وزريه صالحه وغيره كتير وبين اللي بتقولوه ده على كده كان الكل إشترا أرخص عربيه في الكون ........... أعتقد إن الكلام ده ميطبقش على العربيات وديه وجهة نظري

**masryxt** · 02-06-2010 03:33 PM

[center][center][center]

الرضا بقضاء الله

الإمام الشافعي

ورزقك ليس ينقصـه التأني

وليس يزيد في الرزق العناء

ولا حزن يدوم ولا سـرور

ولا بؤس عليك ولا رخــاء

إذا مــا كنت ذا قلب قنوع

فأنت ومالك الدنيا ســـواء

ومن نزلت بساحته المنايــا

فلا أرض تقيه ولا سمـــاء

وأرض الله واسعــة ولكن

إذا نزل القضا ضاق الفضـاء

**masryxt** · 02-06-2010 03:58 PM

المشاركة الأصلية كتبت بواسطة cyborg_ift

يا جماعه فيه فرق بين القراريط اللي ربنا قسيمهلنا كبشر من صحه ومال وزريه صالحه وغيره كتير وبين اللي بتقولوه ده على كده كان الكل إشترا أرخص عربيه في الكون ........... أعتقد إن الكلام ده ميطبقش على العربيات وديه وجهة نظري

اخي العزيز من ردك الاخير انا فهمت وجهة نظرك في تسألك

المقصود الجدال الدائر حول السيراتو وعيوبها الكروز والمشاكل اي حاجة بتشتريها لازم نفكر فيها بنفس الاسلوب

انا معايا كام
اية طلباتي في الشئ اللي احب اشترية

اشوف انسب حاجة ليا بما يناسب امكانياتي ومتطلباتي

مافيش حاجة كاملة
كل شي مصنوع لة عيوب

تختلف نسبة العيوب علي حسب سعر المنتج

بما اننا في منتدي سيارات
فالاختلاف هنا في جودة التصنيع مابين شركة واخري
يعني اضرب مثال بعربية حضرتك
انت جبت 128
ماديا تناسبك بتوصلك مكان ما انتا عاوز
اعادة البيع مجزية

انما مش هاتناقش وتقول ال 128 وحشة علشان مافيهاش تكييف او مش اوتوماتيك مثلا

طب النقاش اللي بيدور علي عربيات زي السيراتو علي سبيل المثال
اخ فاضل يقول الخامات الداخلية وحشة ؟؟؟ طب ماهي لو خامات فاخرة مش هاتبقي بالتمن دة
وفجأى تلاقي الحوار بقي دي عربية زبالة وعفشتها مش عارف اية وفتيسها مادرك اية وتكييفها ابصر اية

ويبدا كل واحد مالك للعربية يدافع عنها كأن حد عاب في شرفة مثلا

النقاش لو يدور عن مزايا عربية معينة واكيد اي عربية فيها مزايا وعن العيوب اللي اكيد كل العربات فيها نوع من العيوب

يبقي انا لما اختار وانا عارف ماديا اقدر اجيب اية يبقي مقاراناتي تدور في نطاق المزايا اللي انا عاوزها والعيوب اللي مأقدرس اقبلها
هو دة المقصود من ال 24 قيراط

فية واحد عاوز جنوط- التاني عاوز ABS ,Airbag ومستعد للتنازل عن مزايا تانية وهكذا
واحد تاني عاوز جنوط 18 بالرغم من انة متأكد ان العفشة هاتبقي ناشفة ومش هاتعمر بس هو عاوز كدة

مثال تاني الكروز ناس طالعة بيها السما كأنها بي ام وناس تقولك دي فيها عيوب تصنيع مالهاش علاج
ماحدش يناقش الموضوع بعقلانية ويقول ان اي انتاج كمي لابد انة فية نسبة خطاء
يعني مرسيدس نسبة العيوب قليلة جدا بس تمنها كام والصيني نسبة العيوب كتيير بس بكام

وعلي فكرة ممكن يكون واحد اشتري ارخص عربية في الكون مع انة يقدر يجيب واحدة احسن بكتيير بس لأنة شاف ان قطع الغيار احسن او انة شايف ان العربية ماهي الا 4 كاوتشات ينقلوة من مكان لمكان وخلاص , هي وجهة نظر تحترم

انا طولت قوي سامحوني بس ياريت اكون قدرت اوصل اللي عاوز اقولة

وشكرا ليكم

**magomago** · 02-06-2010 04:06 PM

المشاركة الأصلية كتبت بواسطة masryxt

اخي العزيز من ردك الاخير انا فهمت وجهة نظرك في تسألك

المقصود الجدال الدائر حول السيراتو وعيوبها الكروز والمشاكل ا

ايه اللى دخل موضوع السيراتو فى موضوع القراريط

هى العربيه داخله فى كل حوار كده

.

**cyborg_ift** · 02-06-2010 04:08 PM

شكرا للتوضيح

الموضوع: حكمة لو نفهمها ونعقلها كلنا هانرتاح

LinkBack

أدوات الموضوع

عرض

-

-

-

-

-

-

-

المواضيع المتشابهه

حاجات كنا بنسمعها او نفهمها غلط

لا يشرفني ان نكون كلنا ( خ.س ) و كلنا عارفين

يلا نفيد كلنا ونستفاد كلنا

الكلمات الدلالية لهذا الموضوع

المفضلات

المفضلات

ضوابط المشاركة