من فضلك استخدم مزيل العرق

**M.Zaher** · 01-06-2010 08:00 PM

السلام عليكم ورحمة الله و بركاته

اولا محدش يدخل يقولي ايه الموضوع اللى ريحته وحشه ده

تاني حاجة بمناسبة الصيف بقى و الحر و الجو الجميل ده قولت اقولكم على معاناتي

طبعا كلنا عارفين بقى الروايح الجامده و الخطيره جدا المنتشرة اليومين دول بسبب العرق
و يسلام بقى لو ركبت مواصلات ولا مترو ولا اي حاجة فيها احتكاك بالناس
يبقى طبعا الكمامه اسلم
الحمد لله ان ربنا تاب عليا من المواصلات دي كان الواحد بيتخنق جدا

دلوقتي بقى
هل ممكن تقول لواحد لو سمحت ممكن تستخدم مزيل عرق ؟؟؟

**heshamzaky** · 01-06-2010 08:07 PM

لو قوليلة كدة حا يزعل ممكن تلفت انتباهة بصورة غير مباشرة مثل سمعت عن مزيل العرق الماركة الفلانية دة حكاية انا جلابتة و ريحتة حلوة جدا م سعرة ممتاز بكدة تكون قد بأت فى كسر الحاجز النفسى بينك و بينة و بدأت فى محاورتة و النتيجة 90 بالمائة ايجابية

**bassemali** · 01-06-2010 08:29 PM

أعتقد أن البني أدم لازم يكون من نفسه مهتم بنظافته الشخصيه والنظافه العامه في بيته وفي مكتبه وفي عربيته...إلخ
لكن اللي بيسيب نفسه كده ... يبقى سوري يعني ... بني أدم معفن ...وحتى لو قولتله إستخدم مزيل عرق .... لأ دا أنت لو جبتله مزيل عرق هديه برضه مش هيستعمله... لإنه معفن .

**ابو فرح** · 01-06-2010 08:48 PM

المشاركة الأصلية كتبت بواسطة bassemali

أعتقد أن البني أدم لازم يكون من نفسه مهتم بنظافته الشخصيه والنظافه العامه في بيته وفي مكتبه وفي عربيته...إلخ
لكن اللي بيسيب نفسه كده ... يبقى سوري يعني ... بني أدم معفن ...وحتى لو قولتله إستخدم مزيل عرق .... لأ دا أنت لو جبتله مزيل عرق هديه برضه مش هيستعمله... لإنه معفن .

هههههههههههههههه عندك حق والله

**tabeb** · 01-06-2010 08:48 PM

المشاركة الأصلية كتبت بواسطة bassemali

أعتقد أن البني أدم لازم يكون من نفسه مهتم بنظافته الشخصيه والنظافه العامه في بيته وفي مكتبه وفي عربيته...إلخ
لكن اللي بيسيب نفسه كده ... يبقى سوري يعني ... بني أدم معفن ...وحتى لو قولتله إستخدم مزيل عرق .... لأ دا أنت لو جبتله مزيل عرق هديه برضه مش هيستعمله... لإنه معفن .

كلامك صح
الانسان علي مااتعود وهو صغير

**أبو إياد** · 01-06-2010 08:54 PM

انا شوفت ناس بتواجه ناس بكده ودى بتكون حسب نوع العلاقه اللى بينهم

انا عن نفسى استحااااااااااااااااااااا ااااله اقدر اقول او انوه عن حاجه زى كده حتى فى غياب الشخص ماينفعش اعلق على حاجه زى كده

فى واحد اعرفه من زمان رائحه عرقه مش لطيفه خالص وبالرغم من ان كان فى ناس بتنبه من حاجه زى كده بشكل مباشر وبغيره الا ان الكلام ده ماكنش ليه اى تاثير ... لدرجه انى حللت رد فعله ده عند مع الناس ... بس انا ماليش دعوه دى حاجه تدينه هو وخصوصا انه عرف رد فعل الناس من الموضوع ده
تدووووووووووووووور الايام واقابله بعد سنين كتيررررررررر وعرفت منه انه تزوج بس الغريب فى الموضوع انك لو واقف معاه على بعد مترين تشم رائحه بارفان جميله (سبحان مغير الاحوال)

**Abo_Lina** · 01-06-2010 09:13 PM

أنا مع الرأي القائل إنك ما ينفعش تنصح واحد يستحمى مثلا ..
و على فكرة بعض المزيلات مش غالية و الأسعار تتراوح بين ٤ أو ٥ جنيه ( تمن علبة كيلوباترا التي لا تفارق جيب محدودي الدخل ) ..إلى ٢٤ جنيه ل نيفيا men الألماني الصنع ..

**heshamzaky** · 01-06-2010 09:14 PM

مع ان النظافة من الايمان الصابونة ب 75 قرش او 2 جنية بس فية ناس الوساخة من طبعها بيكرهو النظافة

**Hossam_Hassan** · 01-06-2010 09:22 PM

بقول لناس كتير خصوصا فى الشغل، اصل ما ينفعش يبقى شغال فى فندق 5 نجوم و ريحته عرق، المقرف بقى لما يبقى مدير و قدوة، صحيح مالوش تعامل مع النزلاء، بس بسم الله ماشاء الله مرتبه فوق ال 10000 و ييجى كل يوم الساعة 8 صباحا من غرفته اللى بتبعد 30 متر عن مكتبه و ريحته عرق و مش غاسل سنانه و بقه مقبرة، معنى كده انه يا اما ما استحماش الصبح يا اما لابس قميص كذا يوم، يبقى ماينفعش السكوت، المصيبة انه ما بيهتمش بكلام الناس و غالبا لما ييجى تجديد عقده مش هوافق و يارب ياخدوا برأيى علشان قربت اطفش من محافظة البحر الأحمر كلها بسبب ريحته.

الموضوع: من فضلك استخدم مزيل العرق

LinkBack

أدوات الموضوع

عرض

من فضلك استخدم مزيل العرق - انشر الموضوع فى :

-

-

-

-

-

المواضيع المتشابهه

الصيف بدا فاحذر مزيل العرق

مزيلات العرق تشكل خطرا فى الاصابة بسرطان الثدى

العرق من الوجه

عاوز حلا الى مشكله العرق الكرسى

وصفات طبيعية للتخلص من رائحة العرق

الكلمات الدلالية لهذا الموضوع

المفضلات

المفضلات

ضوابط المشاركة