المرايا عندى حصل فيها حاجه غريبه

**Galilioz** · 01-06-2010 09:30 PM

انهارده وانا ماشى باللوجان الصبح رايح الشغل فماشى بسرعه مش كبيره يعنى وسط ممكن 60 مثلا المهم لقيت راجل ماشى على شمالى راح داخل يمين سنه عليه فى لحظه مكان واحد معاه عربيه وزنق عليه من اليمين المهم الراجل خبط فى المرايا بتاعتى الشمال بدراعه المهم صوت الخابطه كان جامد بس المهم شويه وانا ماشى ببص لقيت المرايا مهزوزه من المجره نفسها وبعدين المرايا زى ما هى بتتقفل وتتفتح والسوسته فيها شغاله وبترجعها بس مش بترجع لمكانها لا بترجع وقعه شويه وده مخليها خفيفه شويتين دلوقتى الهواء بيخليها تتهز
مش فاهم فيه حاجه اتكسرت جوه وله ايه مع انى بصيت كده بينها وبين المرايا اليمين مفيش فرق تقريبا فى الحاجات اللى جوه نفس الشكل مفيش حاجه شكلها مكسور مش عارف ايه اللى باظ فيها وياترى ممكن اروح التوكيل عشان الموضوع ده وله ايه مع العلم انى عامل بالعربيه حوالى 360 كيلو بس وياترى موضوع زى ده هيكلفنى لانى اعرف موضوع المرايا ده مكلف فى اللوجان
ياريت الافاده من عباقرت اللوجان

**ahemamy** · 01-06-2010 10:09 PM

السلام عليكم ورحمة الله وبركاته
انا فى مره ضميت المرايا الشمال وبعدين جيت افتحتها فردت منى بسرعة لقيت زجاج المرايا طلع من مكانة بس ربنا ستر فيه سلك واصل بين الزجاج وجسم المرايا ولقيت 3 كلبسات رجعت الزجاججة مكانها مع الضغط والحمد لله رجعت كويسه ممكن تكون واحده من 3 كلبسات اتكسرت

**Galilioz** · 01-06-2010 10:19 PM

المشاركة الأصلية كتبت بواسطة ahemamy

السلام عليكم ورحمة الله وبركاته
انا فى مره ضميت المرايا الشمال وبعدين جيت افتحتها فردت منى بسرعة لقيت زجاج المرايا طلع من مكانة بس ربنا ستر فيه سلك واصل بين الزجاج وجسم المرايا ولقيت 3 كلبسات رجعت الزجاججة مكانها مع الضغط والحمد لله رجعت كويسه ممكن تكون واحده من 3 كلبسات اتكسرت

هو تقريبا فى حاجه اتكسرت بس مش باينه اصل الراجل تقريبا بيلعب كمال اجسام المرايا التقيله دى عمل فيها كده
بس مش عارف ممكن اقدر اروح التوكيل عشان الموضوع ده وله ايه وهيتكلف كتير وله لا ؟؟؟

**bishoy02010** · 01-06-2010 11:07 PM

المشاركة الأصلية كتبت بواسطة galilioz

هو تقريبا فى حاجه اتكسرت بس مش باينه اصل الراجل تقريبا بيلعب كمال اجسام المرايا التقيله دى عمل فيها كده
بس مش عارف ممكن اقدر اروح التوكيل عشان الموضوع ده وله ايه وهيتكلف كتير وله لا ؟؟؟

بص عدى على التوكيل واطمن فيها إيه مش شرط تعملها يعنى وممكن يطلع مفيهاش حاجة وفيه حاجة عايزة تتظبط بس وتطلع بسيطه بدل متروح لأى حد بره يكسرها ولا يعك حاجة يخرب بيها الدنيا يعنى

وكده كده مش هنخسر حاجة لو عدينا على التوكيل عرفنا فيها إيه

**Galilioz** · 01-06-2010 11:11 PM

المشاركة الأصلية كتبت بواسطة bishoy02010

بص عدى على التوكيل واطمن فيها إيه مش شرط تعملها يعنى وممكن يطلع مفيهاش حاجة وفيه حاجة عايزة تتظبط بس وتطلع بسيطه بدل متروح لأى حد بره يكسرها ولا يعك حاجة يخرب بيها الدنيا يعنى

وكده كده مش هنخسر حاجة لو عدينا على التوكيل عرفنا فيها إيه

مش التوكيل لازم بمعاد سابق برضوا

**cementman** · 03-06-2010 09:10 AM

المشاركة الأصلية كتبت بواسطة galilioz

مش التوكيل لازم بمعاد سابق برضوا

مفيش مشكلة خدلك معاد

**Galilioz** · 08-06-2010 10:19 PM

الغريبه بقه انهارده الصبح نزلت لقيت المرايا رجعت لمكانها وبقت مظبوطه

تقريبا راكبها عفريت من نفسها معرفش ازاى ممكن يكون حد خدمنى وظبطهالى او البواب وهو بينظف العربيه الصبح حاول معاها وظبطها معرفش ازاى بس المهم الحمد لله رجعت زى الاول ومعلش صدعتكم على الفاضى