استفسار بعيد عن العربيات الكل يشارك
السلام عليكم
انا محتار في موضوع هو بعيد عن العربيات بس لاني استفدت جدا من نصائحكم الغاليه بموضوع شراء العربيه قلت برضه استشير اخواني وهم لن يبخلو بالنصيحه
الموضوع ناوي اشتري جهاز lcd سامسونج 32 بوصه series 4
لقيت سعره في راديو شاك و بي تك بحدود 3200 جنيه طبعا تجميع مصري وضمان سنه للوكيل اعتقد اسمه (منصور)
المهم اليوم كنت بشارع عبدالعزيز بالصدفه فقلت اسال برضه مش خسران لقيت نفس الجهاز ب 3000 بس صناعه ماليزي (مكتوب عليه) وبيقولو ضمان سنه على المحل؟؟؟ انا بصراحه محتار لو هو فعلا ماليزي اكيد يبقى احسن من المصري؟؟ والا ايه رايكم؟؟؟ وازاي يبقى ماليزي وارخص من المصري ؟؟؟ والا هي اجهزه مزوره ومضروبه؟؟؟؟؟
ياريت رأيكم ونصائحكم
وربنا لايحرمنا منكم ومن منتدانا الغالي