الموضوع: لو فى رقم بيعاكس على الموبايل اية الحل

المشاركة الأصلية كتبت بواسطة بحري

في ناس مريضة بتحب إنها تسمع الشتم والسب، فالأسلوب ده غير مجدي
وأيضا أسلوب أنا المقدم أدهم صبري هو الآخر غير مجدي لأن نص البلد دلوقتي بتعمل نفسها ضباط والنص التاني قرايب الضباط دول
الموضوع اتكرر معايا أكتر من مرة
والحل الناجح دائما بفضل الله هو الكلام بهدوء والتخويف بالله ومحاولة إعادة احترامه لنفسه لأنه غالبا بيكون عنده خلل نفسي
وإن لم ينجح الحل السابق وكان من عينة (يخاف ولا يستحي)
فأيضا الكلام بنبرة هادئة أن هناك ما يدعى مباحث التليفونات وإنهم ممكن يجيبوه بسهولة شديدة وإنه ممكن يتأكد من ده بنفسه حتى لو غير الخط أو الجهاز وإنه من هنا ورايح ممكن يعاكس براحته بس يحاول يشوف محامي كويس عشان يتابع معاه القضية...كده يعني..كلام هادئ بيخليه يحس إنك فعلا ممكن تعمل معاه كده بخلاف الكلام المنفعل اللي بيخليه يتأكد من ضعف موقفك وإن آخرك الزعيق في التليفون

+9999999999

انا كنت حاطط برنامج بلاك ليست وكان فية خصية ان ممكن اخلى البرنامج يفتح على رقم معين
هو يرن والبرنامج يفتح علية قعد يومين رصيدة خلص بطل يعاكس

انا مره حصل معايا موقف زي كده وكان من المحمول لرقم البيت وقال كلام وسخ لبنتي الصغيرة 8 سنين لدرجة البنت مكنتش عارفة تتكلم من الكلام الوسخ ال قاله بصراحة كنت عايز اشوفة واقتله وطبعا كل ما أتصل علي الرقم مقفول اتصلت بشركة المحمول علشان اعرف اي بيانات عن الرقم ده طبعا الشركة لا تعطي اي بيانات لاي حد الا عن طريق النيابه رحت داخل موقع وزارة الداخلية بند شكاوي المواطنين وحكاية الحايه وبعد يومين لاقيت القسم ال انا تابع لية بيكلمني وعايز ارح القسم لعمل محضر بذل رحت القسم وعملنا المحضر وذكر نا فيه الرقم ال بيعاكس وتم ارسال المحضر الي مباحث التليفونات لعمل اللازم وايضا مفيش اسبوعين لاقيت مكالمه من أمين شرطة من المباحث عايزني علشان في جديد في الموضوع رحت لقتهم جابو كل الارقام ال الرقم ال بيعاكس اتصل بيهم واخد تليفوني المحمول علشان يجرب اي رقم من ال في البيان يمكن يكون فيهم رقم اعرفهم ولكن لم يجد ولا رقم اعرفهم وكانت الاجابة ان الرقم المعاكس غير مسجل .
لكن مسكتش اتصلت بجهار تنظيم الاتصالات وحكتلهم في التليفون الحكاية وان مباحث التليفونات قالت ان هذا الرقم غير مسجل علي الشبكة قالي المسئول اكتب هذا الكلام في خطاب رسمي باسم رئيس الهيئة وارساله علي رقم فاكس داخل الهيئة واحنا حرد عليك وبعدها بحوالي شهر لقيت فاكس باسمي بانه تم معرفة اسم الشخص الذي يقوم بهذا العمل وتم ارسال هذة البيانات الي مباحث التليفونات وعليه التوجه لهم بهذا الخطاب لاستكمال هذا المحضر ومعرفة هذا الشخص