طب تفتكرى فى الحالة دى هتمتع بضمان وكيل العربية هنا لو حصلها حاجة ورحت للوكيل هيقولى رجعها بلدها تانى يصلحوها ولا هيكون التصرف ازاى؟
لحسن نقع فى مشكلة العربيات الخليجى اللى التوكيلات بترفض صيانتها
ما انت بتوفر فرق سعر - فى المقابل هتعمل صيانه على حسابك
انت تحسبها وتشوف ايهما اوفر ؟
تدفع سعر غالى للسيارة وتعمل صيانه ببلاش لفتره؟ ولا تدفع سعر رخيص للسيارة وتعمل صيانه على حسابك من الاول؟
وكدا كدا بعد فترة الضمان (نادرة المشاكل) هتبقى الصيانه على حسابك
فى مثال حى حصل مع احدى الزميلات
اشترت تويوتا كرولا ، وكان امامها خياران
1- تويوتا كورولا يابانى اصلى بدون ضمان (وسعرها أغلى شويا)
2- تويوتا كورولا تجميع مش يابانى - وضمان الوكيل فى مصر (وسعرها أقل)
هى اختارت اليابانى بدون ضمان
لما ظهرت مشكلة دواسة البنزين بتاعت تويوتا
اليابانى الاصلى الوحيده هى الى كانت خاليه من العيوب
أقصد أن العربية الاصلية بتكون مرت بـ 100 أختبار قبل ما تخرج من المصنع
الجمارك تنخفض من ناحية والضرائب ترتفع من ناحية أخرى
ربنا يباركلها فيها بس خدى بالك موش كل عربية أصلية بتتجرب هوا بس بتكون فى نسبة يعنى مثلا فى مصانع بتجرب 10% ومصانع 2% و هكذا ومن هنا بتيجى السمعة الكويسة وقلت العيوب
بس انا عن نفسى موش احب أخاطر بأنى اجيب عربية من غير ما أعاينها و أطمن انها كويسة بدل ما تتبهدل فى المينة او أثناء الشحن
كفاية انى ناوى أخاطر و أجيب بريلليانس صينى وبواجه انتقادات ومعارضة من طوب الأرض:b4_592:
السلام عليكم,
واحدة من النقاط التي لاتجعلنا نشعر بهذا الخفض في الجمارك هو تغيير موديل السيارة وكمالياتها..فمن سنة لسنة لن تجد أبدا نفس السيارة في الوكيل...يعني حد راح يشتري جيتا 2009 وعرف سعرها وبعد كده راح يشتري جيتا 2010 نفس الفئة مع ثبات كل المتغيرات من المواصفات وهكذا...أو فانتازيا 2009 و 2010...
الملاحظ أن التوكيلات بدلا من عمل خفض للاسعار..رفعوا الكماليات بطريقة لن يشعر معها أحد بأي انخفاض في السعر...علي العكس البيس لين في هذه السيارات أصبح أغلي من ذي قبل..بس مواصفاته أعلي...
التوكيلات مكسبها يزيد مع زيادة سعر العربية..يعني مكسب الباسات مش زي المكسب في الجيتا ...فمش من مصلحتهم انخفاض سعر نفس الموديل...
لن نشعر بالتخفيض الا بعد سنتين كمان أو أكثر لما الجمارك تقل بأكثر من 10% ..يعني تنزل ل 30% أو أقل...طبعا لل 1600..
والله أعلم..
حكاية تخفيض جمارك السيارات المصنعة فى اوروبا(وناخد بالنا اوى من كلمة مصنعة فىاوروبا دى، يعنى فولكس فاجن مصنعة فى البرازيل او مرسيدس مصنعة فى مصر او رينو مصنعة فى تركيا او بيجو مصنعة فى ايران لا يسرى عليها هذا القرار) بنسبة 10% بدأت بالفعل العام الماضى وتم تخفيض 10% على جمارك الأوروبى ولم يستفد بها فعليا من السيارات المنتشرة فى السوق سوى الأوكتافيا والتى بالفعل طرح وكيلها الموديل الجديد مناه(فانتازيا) بسعر يقل بشكل بسيط ن الموديل القديم وهو ما ادى الى الضغط اسعار عدة موديلات مقاربة فى السعر مثل الكورولا والسيفيك، والانخفاض كان فى حدود من 5 الى 10 ألاف جنيه فى سعر الموديلات دى، لكن التأثير لم يمتد اكثر من ذلك لأن فئات السيارات الأقل من ذلك مافيهاش سيارات مصنعة فى اوروبا حتى الماركات الأوربية لأن كلها بتتصنع فى تركيا والبرازيل والصين
وبالتالى ماتبنوش احلام فى الهواء على موضوع التخفيض ده لمدة 5 سنوات على الأقل ، بعد خمس سنوات هتبقىالفرصة متاحة ان المستوردين يجيبوا عربيات مصنعة داخل اوروبا لتنافس فى فئة 100 الف +/- ، لكن حاليا انسوا
1- مشكلة دواسة البنزين لم تظهر فى اى سيارة تويوتا فى مصر سواء يابانى او غير يابانى
2- كلمة (اصلى) ليس معناها ان المنتج خرج من بلد المنشأ لكن معناها ان المنتج خرج من مصانع الشركة، يعنى مثلا سونى حاليا ليس لديها اى منتج مصنوع خارج الصين، فهل معنى ذلك ان منتجات سونى كلها غير اصلية، لا يوجد جهاز كومبيوتر اتش بى واحد مصنوع فى امريكا فهل هذا معناه انه مافيش اتش بى اصلى؟ الشركات العالمية لديها اختبارات جودة موحدة ايا كان بلد المنشأ فعلى سبيل المثال كل سيارات الباسات الجديدة التى تسد عين الشمس فى مصر صناعة برازيلى، هل عمرنا سمعنا حد بيقول عليها انها(مش اصلى ) علشان مصنوعة فى البرازيل؟
لن يفلح هذا فى تخفيض سعر السيارة ، لأن انا لو اشتريت عربية جديدة من برة بحاسب عليها جمارك بسعر الجدول، يعنى بناء على قائمة الاسعار المعلنة من الشركة فى بلد المنشأ ، لكن الوكيل بيحاسب عليها جمارك طبقا للفاتورة التى اشترى بها من المصنع والى بتكون بناء على سعر الوكيل وهو دائما اقل بنسبة محترمة من سعر المستهلك مما ينعكس بشدة على قيمة الجمارك وضريبة المبيعات المدفوعة على السيارة، والوكيل دايما بيكون حاسبها بحث انه يحط سعره بفارق غير مغرى عن محاولة شراء السيارة من الخارج علشان اللى يفكر يجيبها من برة يلاقى انه لم يوفر سوة 5 او 10 آلاف جنيه بالكتير مقابل خسارته للضمان والصيانة، وإلا كانت الناس كلها راحت اشترت عربيات من برة، مفيش حد اهبل فى البلد دى