تصحيح بسيط يا باشمهندس خالد...
السيارة هي الجيتا و ليس الباسات...
و المصنع في المكسيك و ليس البرازيل..
البسات ألماني 100%
:satelite:
يبقى ان اضيف مسألة بسيطة من واقع 15 سنة تجارب مع السيارات و17 سيارة غيرتهم، منذ بدأت شراء وركوب السيارات وحكايه(الجمارك هتنزل فى شهر 7 ) و (العربيات هترخص فى شهر 1) دى حكاية سنوية عدت عليا 30 مرة بالتمام والكمال على مدى 15 سنة، وكل سنة لسبب شكل، مره علشان توصيات البنك الدولى، ومرة علشان اتفاقية ال"جات" اللى بقالها ميت سنة ولسة"مجاتش" ومرة علشان اتفاقية اليورو وان، ومرة علشان الدولا نزل، ومن الآخر مافيش عربيات بترخص غير مناسبات نادرة جدا لما يطلع وكيل مستبيع ينزل عربية بكواليتى عالية وسعر رخيص يمسح بيها السوق زى ما حسام ابو الفتوح عمل بالعربية اللانوس، بس فىالنهاية كان مصيره السجن بعد ما بقى الوكلاء تكالبوا عليه، وحاليا فيه عربية مثبتة سعر السوق فى فئة تحت ال 100 ألف هى الصنى اللى حاطة حدود لرغبات وكلاء الماركات الأخرى فى رفع اسعار سياراتهم من الفئات الأدنى وربنا يستر باه على محمد سعودى من السجن، لكن غير كدة من سنة 1995 لحد النهاردة والعربيات بتغلى ، لا جات نافعة معاها ولا يورو وان مأثر فيها، متحلموش كتير واللى عايز يجيب عربية يجيبها ديلوقتى
وربنا وربنا انا قلت انى غلطان :) حقكم عليا :) انا سرحت بس وانا بكتب اصلى بصراحة كنت متحمس جدا للرد لأنى كنت مختلف مع كل ما جاء فى الموضوع تقريبا(مش هقول ان الموضوع الأصلى غلط لأن وجهات النظر مافيهاش صح وغلط، لكن نتائج تجربتى مع الحياه تخلينى اختلف مع كل كلمة جائت فى هذا الموضوع)
توضيح
احب اوضح ليكم يا جماعه انه فى سوء تفاهم عند الناس
وهى ان الاتفاقيه بتقول ان التخفيض هيتم على السيارات الوارده من اوروبا.
يعنى ده هيخدم فئه معينه من الناس مش لكل.
زى الالمانى والفرنسى وهكذا.
يبقى فى الاخر التخفيض هيبىقى فى مصلحه مييييين.
يارب نكون فهمنا.يعنى الكل يشيل من دماغه تويوتا كيا هيونداى وكده يعنى.
يارب اكون قدرت اوضح لأخوتى الكرام فى المنتدى.
وربنا يعين كل واحد ويركب عربيه محترمه.
الفيات كسسسسسسسر العضمتين.
(الحمد لله)
ممكن بعد مايخفض الجمارك يخترع أي رسوم تانية داخلية
يبقى من ناحية طبق الاتفاقية ومن الناحية التانية طبق على نفسنا
شكرا على الخبر
أنا على حد علمي ان تخفيض الجمارك سنويا على السيارات المصنعة في أوروبا يكون وفقا لاتفاقية الشراكة مع الاتحاد الأوروبي وليس الجات ..... ودي بيتم فيها تخفيض قيمة الجمرك 10% كل عام حتى تصبح 0% عام 2019... وهذا التخفيض يسري في شهر يناير من كل عام وليس اعتبارا من أي شهر آخر ....
وده حصل بالفعل السنة دي في يناير اللي فات إن قيمة الجمرك على السيارات حتى 1600 سي سي أصبحت 36% بعد ما كنت 40% .... والسيارات أكتر من 1600 سي سي بقت 121.5% بدلا من 135% ......
عشان كده أعتقد ان الموضوع لا يتعدى كونه اشاعة لأن التخفيض القادم لجمارك السيارات الأوروبية حيبقى في يناير القادم ثم يناير اللي بعده وهكذا .... ولن يكون هناك أي تخفيض للجمارك إلا لو كان راجعا لأسباب أخرى .... زي مثلا ان الحكومة ربنا يهديها وتمن علينا بتخفيض الجمارك على كل السيارات بالنسب التي تراها .....