طلب تسعير كيا سيفيا " عاجل"

**meg2006** · 02-06-2010 08:42 AM

السلام عليكم

أنا محتاج مساعدة ضروري جدا من وحوش السيفيا في تسعير العربية دي
سيفيا موديل 2000
فابريقةبرة و جوه ( بس من برة محتاجة سمكرة كتير في البابين اليمين و الرفرف الشمال و حتة في الشنطة و الإكصدامين و أكيد هتترش)
عاملة حوالي90000km
حالتها العامة جيد جدا
أول يد
من جوة التابلوة مش وحش بس الكاست مش شغال و الأريال الكهرباء و المرايا اليمين مش شغالة و محتاجة فرش
من تحت لسة هرفعها

بصراحه العربية عجبتني و انا زهقت من كتر التدوير و إن شاء الله هخلص فيها بس كنت عاوز أعرف السعر العادل لها كام ( صاحبها طالب 42000 نهائي)
و إن شاء الله لو خدتها كنت عاوز أعرف كل الشغل اللي فيها ( سمكرة ودوكو و خلافة) يتكلف كام كمان نقل الملكية و الترخيص حوالي كام

أرجو الإهتمام و سرعة الرد

عذرا على الإطالة بس أخوكم مش خبرة ودي هتكون أول عربية ليا
و إن شاء الله أنضم لوحوش السيفيا

**Esam Mosaad** · 02-06-2010 11:24 AM

مدام هتاخد العريبه سمكره يعنى اعتبر انك هترشها وش نظافه كاملا
وده بيقلل من سعر العريبه اكيد

اهم حاجه العفشه والماتور لو فى مقدره تكشف توكيل يكون احسن
مترحش ترفعها فى بنزينه وبس
لازم ميكانيكى وعفشجى يبصوا عليها كويس اوى لان البنزينه اغلبيتهم معندهمش خبره
عن تجربه
متكنش عامله حوادث
بالنسبه للكاسيت والاريل ديه كلها حجات بسيطه
اهم حاجه ان العريبه متكنش متهانه
اونت بتقول محتاجه سمكره كتير من الجمب وده معناه ان صاحبها مكنش مهتم بيها ومتهانا معاه
انصحك انك تستنى تانى وتدور فى عربيات بالسعر ده احسن بكتير ادخل على
car100100.com
وشوف
انا عارض عريبتى للبيع بس بسعر اعلى لانىصارف عليها كتير بصراحه
وصيانتى فى التوكيل الحجات البسيطه زى الفرامل بتكون عن ميكانيكى او بايدى انا
بس لسه بصراحه مادتش ده وياريت تصب شويه وتشوف الاحسن
عشان متندمش
وعلى الفكره السعر عالى 40000 حلو عليها بما انك لسه هتصرف عليها حوالى 2000 على الى انت بتقوله الله اعلم
بقى احاله الماتور والعافشه

**max_ziro** · 02-06-2010 03:23 PM

بعون الله تكون من السيفياوية
اولا استخير ربنا فى الموضوع دة
ثانيا
العربية لو برة و جوة بتتباع غالية عشان بس اسمها برة و جوة

و محتاج وش نضافة و سمكرة فى حدود 2000 جنية
و عطلة للعربية بتاع اسبوعين
و لف و دوخة على الصنايعية و بعد كل دة محتاج بتاع 500 جنية تانيين للسرفيس و سيور و تيول و تشييك على التكيف و خلافة

ف غير كدة العربية عاملة كيلو قليل و دى ميزة جميلة جد ا يعنى مثلا انا عربيتى عاملة 186000 و شوية فوقهم
ف حضرتك شيك لعى العفشة و الماتور قيس كبسة
و لو كل دة تمام
يبقى توكل على الله
العربية سعرها حلو على حالتها و خصوصا لانك هتركبها مش هتتاجر فيها يعنى بتدور على النضيف و الى يريحك و الله الموفق
و اى استفسار انا فى الخدمة ..

**Esam Mosaad** · 04-06-2010 11:22 AM

روح توكيل كيا القديم فى دار السلام بعد كورنيش المعادى
ده كان توكيل معتمد بس مبقاش معتمد
بس بسه فىه المهندسين وكل حاجه زى الاول وخدمه كيا ليه فيه
وعلى فكره هوا بقى معتمد لهيونداى بس الناس هناك محترمه
انا كنت بتعامل معاهم وغير الكف على العريبه لو سالت المهندس
على حالتها هيقولك اه او لا
لو حد يقولك اى مكان تانى برضوا وشوف الاريح ليك
المهم ان حالتك النفسيه مرتاحه للعريبه

وافتكر انك محتاج عريبه عشان تحط فيها المفتاح وتشمى مش عشان تدى وش سمكره ودوكوا والله اعلم بالباقى

**smartman2009** · 04-06-2010 08:43 PM

اهم حاجة تكشف بعد الاساسايات على الموتور لانو لوتعبات هيتعبك اوى على ميتظبط ومهم اوى حالة الصالون لانو الحاجة الوحيدة اللى مبتظبطش تانى واكشف على العفشة و علبة الدركسيون
و نقل الملكية حوالى 700 و تجديدي الرخصة و الفحص حوالى 700 واستخيروربنا يكرمك