الموضوع: المرأة التي حلمت برؤيتها !! (وائل عطية)

يلهووووووى .... إنتوا عرفتوا نقطة ضعفى :p

توم و جيرى ده إدمااااااااان ...... بجد بقعد أتفرج عليه و لما ألاقى حد جاى ناحيتى أروح مغير بسرعة عشان متفضحش :D .... قال يعنى ..... بس مرة إتقفشت و هاتك يا تريقة بقى :o... بس برضه مش هبطل :D

انا مش جايب دش في البيت لاعتبارات كتير أهمها إني عمري ما شفت واحد عنده دش بيتفرخ على حاجة، دايما طول الوقت عمال يغير القنوات ومابيركزش في حاجة. انا بقى مسستم نفسي، نشرة 9 ومسلسل من قناة الدراما اشوفه مع المدام واتفرج على 24 ساعة (بقى اسمها الواحدة صباحاً) وانام.
المهم، حمايا بقى عنده الدش، وفي أول جوازنا كنا عندهم وحرمي المصون كانت بتقلب فيه (تقليب بدون هدف كعادة حائزي الدش) فجابت الـ MBC3 وكان عليها توم وجيري وفجأة عيني لزقت في الشاشة وقلتلها بصرامة "ماتحوليش" بصت لي في تساؤل فرديت "طول الوقت عمالة تقلبي، اثبتي على حاجة نشوفها" وهنا نادت حماتي على زوجتي فخرجت لها وقلت لنفسي "جالك الفرج" وتمنيت ألا تكون قد لاحظت شغفي بالكارتون.

المهم يا محترم روحنا وقالتلي زوجتي العزيزة "انا ماكنتش اعرف إنك بتحب توم وجيري كدة" رفعت حاجبي وقلتلها "هو كان باين علي قوي كدة؟؟" قالتلي "انت كان صوتك عالي قوي وانت بتضحك، كان شكلك مبسوط قوي" يادي الفضايح، قد كدة كان صوتي واضح برة في الصالة؟!
من ساعتها مابقتش أداري ميولي الكارتونية ..
بالمناسبة اسم TaoTao نفسه شخصية كارتونية من فيلم فرنساوي كان بييجي على القناة الثالثة قبل الإرسال (أيام ما كان فيه تبادل ثقافي)