لماذا لا يكون هناك اشراف على السيارات ؟؟؟؟؟؟

**kemoelord** · 02-06-2010 01:20 PM

السلام عليكم :_

انا دائما بسال نفسي سؤال , هو ليه السيارات الي بتتجمع خارج بلد المنشأ مش بيكون عليها اشراف كامل من بلد المنشأ نفسه ؟ ولو ذكرنا بالاخص دولة زي مصر يوجد فيها سياراة بتتقفل في مصر زي المرسيدس و bmw (وطبعا اكيد بيبقى عليهم اشراف ) . لكن شركات زي هيونداي ونيسان وبعض العربيات الصيني والدايو ليه ما يكون عليهم اشراف من الشركة الام في بلد المنشأ على الاقل مش كنا هنشوف المشاكل وعيوب الصناعه " الغريبه جدا والبعض منها بيعتبر بتوصل للكوارث "
ويبقى حتى من باب الحفاظ على سمعة الشركة وعدم تشويها او التقليل منها في الاسواق التنافسيه ولازم نلاحظ فروقات شاسعه بين السيارة الي متقفلة في بلدها والسيارة الي متقفله خارج بلدها والامثله كتييييييييييييييير .

وليه دائما اسعار السيارات في مصر مرتبط بالتقفيل فاذا كان التقفيل " مصري " فالسعر بيكون منخفض عن مثيلتها الي بتتقفل في بلد المنشأ ؟ ما هو ممكن استخدام اجود انواع الخامات في التقفيل والبيع بسعر اعلى شوي وبكده هيكون كسب ثقة التقفيل " المحلي "

**AMA** · 02-06-2010 03:44 PM

يتهئ لى كوجهة نظر شخصية أن مفيش أشراف نهائى
و لو كان فيه أشراف كانت فيه شركات و مصانع كبيرة لصنع السيارات أحتجت على سعر البيع لأن الزيادة فى سعر البيع وزيادة مكسب الوكيل هيضر أسم المصنع و أسم الماركة نفسها لأنها هتفقد ميزتها التجارية فى العالم و دا هيقلل من تواجدها و تواجد الماركة وشهرتها تعتبر مكسب أخر غير المكاسب الماديه

**Scuderia.M** · 02-06-2010 05:18 PM

المشاركة الأصلية كتبت بواسطة kemoelord

وليه دائما اسعار السيارات في مصر مرتبط بالتقفيل فاذا كان التقفيل " مصري " فالسعر بيكون منخفض عن مثيلتها الي بتتقفل في بلد المنشأ ؟ ما هو ممكن استخدام اجود انواع الخامات في التقفيل والبيع بسعر اعلى شوي وبكده هيكون كسب ثقة التقفيل " المحلي "

هو السعر بيبقى أقل عشان الجمارك طبعا... وهو العيوب اللي في العربيات اللي متقفلة في مصر مش عيوب خامات على قد ماهية عيوب تقفيل. مفيش دقة ولا ضمير....وبعدين هو كده كده بيبعها غالية قوي عن قيمتها الحقيقيه.
وطبعا BMW في اشرف من بره خصوصا ال750i وال740i عشان أصلا مش بيتجمعوا في حتة تانية بره ألمانيا غير في مصر. عشان كده مينفعش يبقى فيهم غلطة.

هأقول لحضرتك على حاجة تانية... في مصنع النصر بيتجمع الفيرنا والمرسيدس S-Class.
الإتنين في مصنع واحد بس طبعا ده خط انتاج وده خط تاني, المهم, الفرنة والشاهين والحاجات دي العمال جوه بيركبهم وماشيين بيهم بطول المصنع وعرضه... طبعا الS-Class محدش بيهوب نحيتها! تبقى المشكلة مشكلة ضمير وعلى قد فلوسك..