الاخوه الافاضل
استخدام العربيه بشكل يومي للمسافات القريبه 2-3 كم هل ده مضر بالعربيه ؟ اصلي بذهب بيها للشغل يومي و الشغل قريب 2 كم ذهاب واياب.
عارف انه المشي احسن بص بصراحه العربيه كانت بطاريتها زمان بتموت اذا تركتها بدون تشغيل و كمان الامر المهم انه العيال العفاريت ببهدلوا العربيه لو تركتها قدام البيت و رحت للشغل :_Alshmokh08[1]:
حاول كل اسبوع مثلا تاخدها مشوار اكبر شويه علشان دا قليل جدا برضوا
الاستهلاك دة يندرج تحت بند الاستخدام القاسى حسب تصنيف الاستخدام الموجود فى كتالوج العربية
MMamdouh
طيب انا النوبيرا عندي بقالها 3 شهور واقفة يا دوب بدورها كل اسبوع او اتنين شوية عشان البطارية ايه المشاكل اللي ممكن تحصل من كدة
اقتباس:
المشاركة الأصلية كتبت بواسطة mmamdouh
مستشارنا ابو يوسف.
ايه رأيك اني اسيبها واقفه أحسن ؟ الرجاء النصح
لو حتسيبها واقفة يبقى كل اسبوع تاخدها مشوار 25 الى 30 كيلو و يفضل طريق سريع... ركنة العربية بدون حركة خالص مش صح برضة
MMamdouh
شكرا ليك يا باشا و شكرا يا أحمد باشااقتباس:
المشاركة الأصلية كتبت بواسطة mmamdouh
طب ممكن ايضاح اكثر للاشياء اللى ممكن تتأثر من الركنة. وشكرااقتباس:
المشاركة الأصلية كتبت بواسطة mmamdouh
متابع............
كل المكونات الكاوتش... سيور و اويل سيلات و خلافة... الاجزاء المعدنة بتصاب بالصداء... مية التبريد و الزيت ممكن تركيبهم يتغير بمرور الزمناقتباس:
المشاركة الأصلية كتبت بواسطة dr.hany
الموضوع اشبة بالانسان اللى بيجيلة تيبس فى العضلات نتيجة عدم الحركة
MMamdouh
ايه الاثار المترتبه من ركنه العربيهاقتباس:
المشاركة الأصلية كتبت بواسطة mmamdouh
:Ta_clap[1]::Ta_clap[1]:الف شكراقتباس:
المشاركة الأصلية كتبت بواسطة MMamdouh
من المهم أنك تطلع بالعربية مشوار طويل كل مدة ويستحسن يكون على سرعات عالية
أنا برضه عاوزه أعرف هو فيه مشكله من سواقة العربيه مسافات قصيره زى ماصاحب المشاركه سأل لأن أغلب مشاويرى قصيره جدا هل يضر بالسياره مش المهم إنها بتتحرك أحسن من الركنه؟ أرجو التوضيح
السير ببطء و قطع مسافات قصيرة بيطول الفترة اللى المكنة بتشتغل فيها فى وضعية التسخين و دى بيتحرق فيها بنزين كتير اكتر من المطلوب بهدف تسخين المكنة لكن بيبقى ليها نواتج ضارة بتتجمع فى الزيت و تاثر على فاعليتة فى تزييت الموتور و كمان بتتفاعل معاه و تسبب رواسب بتتراكم على مجارى الزيت و مع مرور الوقت ممكن تسدها
عدم السير بالسيارة مسافة كبيرة او بسرعات عالية بيمنع الزيت من الوصول الى درجة حرارة التشغيل الطبيعية اللى بتساعد على تبخير اى كمية من الوقود الغير كامل الاحتراق اللى امتصها الزيت فى فترة التسخين و دة بيبان احيانا لما واحد يقطع مشوار محترم فى سفر مثلا بعد ما كان معظم مشاويرة فى مسافات قليلة و يلاقى الزيت قل بشكل ملحوظ... هو الزيت مقلش... هو بس اتبخر منة كل المواد اللى امتصها قبل كدة و بالتالى ظهر مستوى الزيت الحقيقى
طبعا لو طبقنا الكلام دة على العربيات اللى فى صفحة الاعلانات بتاعت الجرنال و مكتوب تحتها "استخدام طبيب" حنلاقى ان دى اكتر مواتير متبهدلة بالرغم من ان العربية ممكن متكونش ماشية كتير
MMamdouh
مشكورين على المعلومات الرائعه
وانا عن نفسي لما بركن العربيه زياده عن 5 ايام برود بيها الشغل حوالى 25 كيلوا رايح و زيهم وانا جى و طريق يرسع على شان تيبس الكاوتش والعفشه وغيره
متشكره جدا جدا على توضيح حضرتك وعلى فكره أنا أول مره أعرف حكاية إن كلمة "إستخدام طبيب "دى عيب مش ميزه يعنى الواحد لما يشترى عربيه استخدام طبيب أو سيده يبعد عنها أحسن أو يعمل حسابه على شوية متاعب مع الموتوراقتباس:
المشاركة الأصلية كتبت بواسطة mmamdouh
والله الواحد ياخد باله بعد كده
أحسن حاجه فى المنتدى ده إن الواحد بيعرف معلومات جديده فى وسط الكلام عمره ماكان هيعرفها لوحده شكرا جزيلا
و أنا ظروفي متشابهة مع الزميل و يبقى السؤال ( عند هذة الحالة )اقتباس:
المشاركة الأصلية كتبت بواسطة lobna_yaseen
كل قد أيه نطلع بالعربية لمشاوير بعيدة بسرعات عالية
(((( أسبوع برضه و لا ممكن اكتر شهر مثلا ))))