| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 47

  1. #1

    الصورة الرمزية OlaOsman

    رقم العضوية : 3891

    تاريخ التسجيل : 29Dec2007

    المشاركات : 3,655

    النوع : انثى

    الاقامة : القاهرة

    السيارة: لا يوجد

    السيارة[2]: Daihatsu Sirion GLX 2008

    الحالة : OlaOsman غير متواجد حالياً

    افتراضي وحيدة في منتدى معظمه من الرجال - Facebook Twitter whatsapp انشر الموضوع فى :

    hasad">

    أول ما دخلت المنتدى هنا كان عن طريق بحث في جوجل على معلومات عن سيارات عشان نويت اشتري عربية و بدأت البحث من النت.. دخلت اقسام السيارات المختلفة و شاركت فيها.. بعد كده سحبني القسم العام و الاجتماعي لموضوعاته.. عجبتني اوي روح الاحترام و المودة بين الأعضاء.. بدأت أشارك بفعالية كأني عضوة من زمان و اني في وسط اخواتي و اهلي اللي اعرفهم من زمان.

    انما لاحظة حاجة.. اني الوحيدة البنت اللي بشارك في المنتديات العامة و المنتدى الاجتماعي.. باقي البنات العضوات في المنتدى الرائع ده بيشاركوا بس عشان يسألوا عن السيارات.. انا الوحيدة اللي دايسة في مواضيع كل المشاركين فيها رجال و لا هاممني

    مش عارفة هل الحكاية دي ملحوظة اوي و الناس بيتعاملوا معايا بحذر عشان انا بنت؟ و لا عادي؟

    هو انا آه مش جديدة على المنتديات و بقالي 6 سنين عضوة في منتدى تاني محترم برضه و ما فرقتش معايا باتكلم مع حد نوعه ايه و انا في نقاش.. انما هنا الوضع مختلف.. هناك في خليط من النوعين يكاد يكون متساوي.. انما هنا.. ال"هو" طاغي اوي :o

    على كل الأحوال انا سعيدة بوجودي في وسطيكوا و في رعاية إدارة محترمة زي إدارة نايل موتورز :)

    و سواء كام مرحب بية ام لا.. فلكم مني كل الود :)


  2. #2

    الصورة الرمزية eng_elnaggar

    رقم العضوية : 747

    تاريخ التسجيل : 20May2007

    المشاركات : 574

    النوع : ذكر

    الاقامة : الهرم

    السيارة: daeoo nubira

    السيارة[2]: proton waja

    الحالة : eng_elnaggar غير متواجد حالياً

    افتراضي -

    اهلا بيكي اخت فاضلة في منتدانا ... وفعلا نايل موتورز منتدى محترم يجمع صفوة متميزة من الشخصيات المحترمة ...

    Abou Ahmed سابقا

    "There are many people around you during summer, but when the rain starts falling, Only the umbrella protects you!!!"


  3. #3

    الصورة الرمزية Ahmed Hassan

    رقم العضوية : 388

    تاريخ التسجيل : 01May2007

    المشاركات : 5,576

    النوع : ذكر

    الاقامة : Port Said

    السيارة: N/A

    السيارة[2]: BMW 330i

    دراجة بخارية: N/A

    الحالة : Ahmed Hassan غير متواجد حالياً

    افتراضي -

    ايه دا يا عُلا... معقول زحمه المهندسين بتطلع الكلام الكبير دا!!
    طبيعي انك تلاقي عدد اكبر بكتير من نوع "هو" لأن المنتدى خاص بالسيارات و هي من اهتمامات الرجال اكثر من السيدات.... يعني لو كان المنتدى عن الطبخ او الموضه كنتي هتلاقي الوضع معكوس اكيد :)
    عموما طبعا مرحب بيكي في الممنتدى دايما.

    Thanks
    Ahmed Hassan
    When all you have is a hammer, everything looks like a nail


  4. #4

    الصورة الرمزية MMamdouh

    رقم العضوية : 102

    تاريخ التسجيل : 23Apr2007

    المشاركات : 34,229

    النوع : ذكر

    الاقامة : Downtown - Cairo, Egypt

    السيارة: Daewoo Lanos I 1999

    السيارة[2]: Daewoo Lanos II 2001

    دراجة بخارية: N/A

    الحالة : MMamdouh غير متواجد حالياً

    افتراضي -

    اكيد احنا بنرحب بيكى و بكل الاعضاء... مش عشان انتى بنت لكن عشان انتى عضو محترم فى مجتمعنا قبل كل شىء

    يمكن لان العربيات من اهتمامات الجنس الخشن اكتر من الجنس الناعم فا كان طبيعى ان عدد البنات يبقى قليل... و غالبا زى ما قلتى البنات بتخش عشان تسال سؤال و بس فا مشاركتهم مش حتبقى كتير زى الرجال و بالتالى ممكن يبان ان مشاركتهم هامشية لكن هى فى الحقيقة مشاركة متلقى اكتر منها مشاركة ملقى

    على فكرة القصة دى موجودة فى معظم منتديات السيارات مش نايل موتورز بس او فى مصر بس... انا افتكر فى السنين اللى فاتت كان فيه بنتين فقط فى دايوتك فورم و بنت واحدة على دايو تك ياهو جروب... و دول البنات اللى كانوا بيشاركوا فى المواضيع و يكتبوا رايهم و كدة لكن معم البنات التانية مكنش حد بيكتب الا لو عندة مشكلة

    زى ما قلت دة اكيد راجع لطبيعة المنتدى اللى مرتبطة بالسيارات و بالتالى الجنس الناعم مبيبقاش مهتم اوى... حتى انتى اعجبتى بالروح اللى فى العام و الاجتماعى اكتر من المواضيع الفنية مثلا و كدة... و دا عادى و يمكن دة المنتدى الوحيد اللى لقيت فيه منتدى عام و اجتماعى و فيه هذا الكم من النشاط... يمكن عشان طبيعتنا كا مصريين او لسبب اخر بس فعلا دة المكان الوحيد اللى علاقة افرادة ببعض مش معتمدة على علاقة صاحب سؤال و مجيب للسؤال

    انا شخصيا حسيت بكدة لما حصلتلى حادثة و بمكالمة تليفون لقيت الناس كلها جنبى و تليفوناتهم لم تنقطع للسؤال عنى بالرغم انى عمر ما شفت حد فيهم وجها لوجة و الحقيقة دة اكبر دليل على ان الرابط بينا مش عربيات و بس و دى حاجة كويسة

    اما موضوع المعاملة بحذر و كدة فا دة ملوش علاقة بيكى لان الناس هنا محترمة بطبعها و دا العادى بتاعهم بغض النظر انتى بنت ولا لا... بالعكس انا لاحظت ان لو فيه موضوع عاملاه واحدة بنت بيبقى فيه ردود كتير و مساعدات كتير و دى طبيعة المصرى اللى بيبقى دايما شهم مع الجنس الناعم... لكن هما برضة جدعان اوى مع الرجالة

    فى النهايه احب اقولك اهلا بيكى فى المنتدى و متحطيش فى دماغك اى فروق فى المعاملة و كدة لاننا كلنا اخوات فى الاول و الاخر

    MMamdouh

    What is the difference between ignorance and apathy?...I don't know & I don't care



    [marq="3;right;3;scroll"]اللى ميعرفش... يقول هجس[/marq]

    [marq="Error"]what goes around... comes around[/marq]





  5. #5

    الصورة الرمزية mada121977

    رقم العضوية : 198

    تاريخ التسجيل : 25Apr2007

    المشاركات : 2,429

    النوع : ذكر

    الحالة : mada121977 غير متواجد حالياً

    افتراضي -

    اختى الفاضله طبعا انتى مرحب بيكى دائما وبأى اخت مهتمه بالسيارت وكون عدد السيدات قليل فى المنتدى ده لا يمنع انك عندك تجارب او خبرات سواء فى مجال السيارات او فى الحياه بصفه عامه ممكن تفيد اى حد فينا ... المشكله ان عدد السيدات المهتمات بمجال السيارات فى مصر او الوطن العربى يعتبر قليل جدااا عن عدد الرجال المهتمين بنفس المجال لان السيدات غالبا لديهم اهتمامات اخرى كمنتديات الاسره او الاكلات او الاكسسوارات وما الى ذلك :)


  6. #6

    الصورة الرمزية Karim_Monir

    رقم العضوية : 32

    تاريخ التسجيل : 17Apr2007

    المشاركات : 26,316

    النوع : ذكر

    الاقامة : جسر السويس-القاهرة

    السيارة: BMW E90

    السيارة[2]: Jeep KK 2009

    دراجة بخارية: لا يوجد

    الحالة : Karim_Monir غير متواجد حالياً

    افتراضي -

    أخت علا اسمحيلي ارحب بيكي
    واحب اوضحلك ان عندنا عضوات كتير فعلا واكثرهم متابع فقط ويستفيد لان معظ البنات او ال هي معلوماتهم عن فنيات السيارت قليل
    فده اللي بيخليهم يدوسوا في العام والاجتماعي وكان ده سبب انشانا للقسمين دول(مش عشان ال هي) لاء عشان كل اللي معلوماته قليلة في مجال العربيات بس عايز يتشارك ويكون عضو فعال وايجابي مش عضو سلبي وتطفلي بيبخل حتى بكلمة شكرا على اللي بيفيده
    اعتقد عندنا حوالي 5 عضوات فعالات زيك بس كون انك بتدخلي في نقاشات ده مش غريب على شخص عضو مؤسس في (زدني ) زي ما بتقولي معلش اصلنا زملاء بس من بعيد (صحبة خير-وفاء وامل-تقوى الله -اذكر الله-كفاية-بص وطل-خرابيش-زدني-وغيرهم واكيد انتي ادرى بالباقي
    اما عن نايل موتورز وعلاقة الادارة بالاعضاء لو تاخد باللك اننا ادارة ديموقراطية جدا والحمد لله واول ادارة كانت مخفية عن الاعضاء لعدم اثارة اي حساسية يسببها منصب لعضو ويكفي اني اقول اني عضو في نايل موتورز بدون مؤسس ولا مشرف ولا رئيس مجلس الادارة والعضو المنتدب والمنتخب كمان بالاكراه زي منتديات تانية بدون ذكر اسماء
    واول منتدى حسس اعضاءة ان المنتدي بتاعهم ماديا ومعنويا عن طريق المساهمة في المنتدي مباشرة
    ولكل الاسباب دي تلاقي عشان الغالبية هنا مثقفة وواعية وعلى قدر كبير من التحضر تلاقي الاعضاء اللي مش ولا بد ما بيلاقولهمش مكان وسطنا ونايل موتورز ككيان وجسد واحد بيلفظهم براه
    اهلا بيكي
    اخوكي في الله
    كريم منير


    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  7. #7

    الصورة الرمزية وائل عطية

    رقم العضوية : 306

    تاريخ التسجيل : 28Apr2007

    المشاركات : 3,303

    النوع : ذكر

    الاقامة : Cairo

    السيارة: فورد فوكاس

    السيارة[2]: سيينا - سبيرانزا

    الحالة : وائل عطية غير متواجد حالياً

    افتراضي -

    مع احترامي لحضرتك ولكل الناس
    بس انتي مكبره الموضوع زيادة عن اللازم
    احنا كلنا بيربطنا الاحترام والأخوه، ولا مجال للاستهجان أو الاستغراب ..
    أنا حتى أول مرة ألاحظ إن حضرتك بنت ..يعني اتعاملي بطبيعتك زي ماكلنا بنتعامل بطبيعتنا



    ------------------------------


    مع خالـــــــــص حبـــــــــي وتقديــــــــري


    وائل عطـــــــــــــــــــــــ ـية


    "Je pense; donc je suis"


    "أنا أفكر إذاً أنا موجـــــــــــــــــــود"


  8. #8

    الصورة الرمزية electroman

    رقم العضوية : 3016

    تاريخ التسجيل : 05Nov2007

    المشاركات : 157

    الحالة : electroman غير متواجد حالياً

    Unhappy -

    معلش الممتمع المصرى كله تحول ليصبح مجتمع ذكورى خناشيرى و اصبحت الثقافة الواردة من دول
    الخليج هى السائدة .. كان زمان فى الجاهلية واد البنات الاناث دلوقتى مطلوب وأدهم احياء و لا عزاء للتحضر و المدنية ..
    اصبح الواحد مبيشوفش الجنس اللطيف الرقيق الجميل الا فى افلام زمان !!!
    مرحب بيكى انتى و غيرك و حاولوا تشاركو فى كل شئ و ارغام المجتمع على التغيير .. حرام
    نشوف انديرا غاندى و بنازير بوتو و غيرهم واحنا تراجعنا فى كل شئ ..


  9. #9

    الصورة الرمزية TAG_Turbo0

    رقم العضوية : 47

    تاريخ التسجيل : 18Apr2007

    المشاركات : 2,871

    النوع : ذكر

    الاقامة : Al Monofeya

    السيارة: Proton Wira

    السيارة[2]: Lada 2015

    دراجة بخارية: no

    الحالة : TAG_Turbo0 غير متواجد حالياً

    افتراضي -

    يا أخت علا متزعليش نفسك أوى كده
    هو يعنى مثلا لو دخلتى على منتدى متخصص فى الأمور المنزليه أو الموضه مثلاً مش هتلائي 2 أو 3 بالكتر رجاله
    وأهلا بيكى طبعاً معنا
    ومستنين كا جديد منك




  10. #10

    الصورة الرمزية وائل السويفي

    رقم العضوية : 954

    تاريخ التسجيل : 14Jun2007

    المشاركات : 324

    النوع : ذكر

    الاقامة : القاهرة

    السيارة: دايو لانوس موديل 2008

    السيارة[2]: نصر 127 موديل 1982

    الحالة : وائل السويفي غير متواجد حالياً

    Thumbs up -

    hasad">

    اقتباس المشاركة الأصلية كتبت بواسطة electroman مشاهدة المشاركة
    حرام نشوف انديرا غاندى و بنازير بوتو و غيرهم واحنا تراجعنا فى كل شئ ..
    يا راجل خلصت الامثلة الناجحة من الجنس الناعم متلقيش غير الاتنين اللي اتقتلوا..ههههه

    اهلا بيكي يا اخت علا معانا وكويس انك اتأثرتي بالمنتدى لدرجة انك بتدوسي في المواضيع بس اوعي يكون معاكيش فرامل.

    اللهم أهدنا فيمن هديت

    أخوكم وائل السويفي - أبو جومانة



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. سيارة وحيدة تجمع بين الثبات الالمانى + القوة الامريكية
    بواسطة elzaeem_00 في المنتدى بيـــع و شــــراء
    مشاركات: 1
    آخر مشاركة: 10-04-2012, 02:13 AM
  2. رأيك في التجنيد ....الجيش مصنع الرجال أم مصرع الرجال
    بواسطة Ahmed Samy في المنتدى المنتــــــدى الاجتمــاعى
    مشاركات: 61
    آخر مشاركة: 02-03-2009, 11:44 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2