يا جماعة انا سمعت ان طريق مصر اسكندرية الصحراوى بقى سرعة غير محدودة و بقى طريق جديد وواسع
وواحد صحبى لسة جاى من السادات على طريق اسكندرية مفيش ردارات و كل السيارات ماشية سرييع
هل الكلام ده صح ولا غلط ؟؟؟؟؟
عرض للطباعة
يا جماعة انا سمعت ان طريق مصر اسكندرية الصحراوى بقى سرعة غير محدودة و بقى طريق جديد وواسع
وواحد صحبى لسة جاى من السادات على طريق اسكندرية مفيش ردارات و كل السيارات ماشية سرييع
هل الكلام ده صح ولا غلط ؟؟؟؟؟
غلط طبعا الطريق كله تحويلات و السرعة 100
اكيد لا امال الحكومة تجيب مخالفات منين دة الطريق السريع المصدر الاول فى المخالفات
انا بقول برضو ازاى !!!
بس فى واحد قالى برضو قالوا فى الراديو ان الطريق بقى حر !! و الله و اعلم
ContactCars | تشغيل طريق (مصر- إسكندرية) الحُر
عشان تصدقو بس
Max Speed 120 KM
حر فى مصر معناها لا يوجد به تقاطعات ... عشان كده حتلاقو كبالرى مش يو ترن....
أما السرعه محدوده و حتبقى لما يخلص 120... دلوقتى لسه 100 على ما أعتقد
أظن أصلا صعب يبقى عندنا طريق حلا فى السرعه ... الحمدلله محدش أصلا بيرحم... أمال لو فتحوها الناس حتعمل ايه....
لازم الاول نتعلم ازاى نسوق فى حارتنا و لما ناخد حاره تانيه ندى اشاره.... و ده طبعا صعب التعود عليه داخل مصر حاليا :)
فعلا حر عندنا يعني مفهوش تقاطعات ويوتيرنات.....
طيب الكلام مكتوب كدة ..
( وقال فهمي إن العمل بالطريق سيتوقف حتى نهاية الصيف مع الاكتفاء بالعمل في الطرق الجانبية منه فقط منعاً لأي ارتباك مروري، حسب صحيفة "المساء" يوم الأربعاء. )
يعنى الطريق شغال بس لفترة الصيف ولا ايه !! ؟؟
ياريت يكون الخبر صحيح
الطريق فيه تحويلات والسرعه فيها 60 و باقى الطريق السرعه 100 ودة من اسبوعين
طريق حر في مصر يعني الحكومه حره تحدد في المخالفات والغرامات حتي لو السواق معملش مخالفات
مفيش طريق غير محدد السرعة ولو حصل يبقى القانونى انك تمشى على السرعة الاقل.
بلاش تاخدو بالكلام ده لان اى لجنة رادار هتلم لم محصلش.
وربنا ينفخ فى صورتهم ويصلحو المنطقة اللى قبل بوابة اسكندرية (بين قرية الاسد و البوابة) لانها خربانة جدا
انا لسة جاى من السادات امبارح الطريق مفهوش تحويلات
لكن و انا خارج من السادات (حوالى الساعة 4 عصرا وباخد اليوترن المتجه للقاهرة لقيت لجنة ردار وعاملة احلى شغل و البركة فى التصريحات الوردية
فخلو بالكو يا شباب و ربنا يسترها على الجميع
يا جماعة التحويلات إتلغت من 1-6...علشان الكثافة المرورية بتبقى عالية جداً في فصل الصيف..و بالتالي تم إلغاء التحويلات مؤقتاً على ان تعود مع بداية فصل الشتاء
هما حالياً خلصوا أجزاء كبيرة من الطريق...و مستواها من التشطيب ممتاز..
السرعة القصوى مازالت 100...
الشغل حالياَ في اليوترنات الحره...و دي عبارة عن كباري منتشرة بطول الطريق و منها تقدر تلف الناحية التانية بكل سهولة و يسر بدون أي خوف أو دربكة..
و شغالين أيضاً في الحوائط الخرسانية على جانبي الطريق
و الطرق الخدمية على جانبي الطريق أيضاً و دي عبارة عن طرق بإتجاهين على كل جانب من الطريق
لازم تاخذوا بالكم لأن ساعات العمال بكونوا شغالين في جنب من الطريق و بكونوا حاطين أقماع قبلها...
و أخيراً...رجاء ...إلتزموا بالسرعة القانونية...و لا داعي للتهور...
بالضبط كده
زى السنه الماضية 3 شهور الصيف يرجعو ا الطريق بدون تحويلات
يوم الجمعه اللى فات كانو كاتبين ان الاجزاء اللى انتهو منها هتبقى السرعه عليها 120 ك/م والطريق كله هيخلص اخر السنه اللى جايه وتكون السرعه على الطريق كله 120
الطريق كاتبين انوة لسة 100 كم و لما يخلصوة كلة اخر تاسنة الجاية حيبقى 120 كم زى طريق السويس
صح كده بس الاجزاء الي اتعملت السنة دي اوحش بكتير من السنة الي قبلها
يا جدعان 100 ولا 120 كل واحد شاغل بالو ليه مش عارف....كدا كدا اللي بيفتح سرعه مبتفرقش معاه ردار ولا غيرو+ المسافه عالصحراوي 220 كم تقريبا يعني لو مشيت 100 او 90 هتوصل في ساعتي ساعتين و نص مستريح....لزمتو ايه الجري و الجنون...و وقت الحادثه تروح ارواح و يتخرب بيوت و نرجع نلعن اليوم اللي جبنا فيه عربيه اساسا....زياده عن 120 كدا العربيه خارج السيطره...مهما كان الثبات و الفرامل و لو حتي مرسيدس أس....متنساش انك في مصر:36_1_31:
السرعه القصوى 100 كيلو متر في الساعة
ولا جديد حتي الان
انا لسه راجع من عليه يوم الخميس وكان فعلا فيه حتت وحشه قوي وخنقني انه كل شويه مطالع ومنازل
بس وانا رايح القاهره الصراحه كان احلي من وانا راجع
المفروض ان تخطيط الطريق كان ان السرعه القصوى 100 والحاره الشمال مسموح فيها بسرعه 120 كم فقط بغرض التخطى ( زى الدول المحترمه يعنى )
طبعا هنا الرادار عقيم اساسا والظابط لو حاولت تشرحله الموضوع ده هيسحب رخصك ويفتكرك بتتفزلك عليه
فيبقى الوضع الطبيعى ان الطريق كله 100