الوصلة الجديدة من كوبرى ثروت للدائرى

**م. عصام مهنى** · 07-06-2010 10:29 AM

المشاركة الأصلية كتبت بواسطة ashrafsadany

الله ينتقم من الى امر بفتح الوصله دى لان انا طلعت عليها متوقع انها اشتغلت ومفيش اى علامه ارشاديه تدل انها شغاله بشكل كامل ولا لاء المهم نزلتنى اجبارى فى زنيين واجارك الله على البهدله الى اتبهدلتها انا والعربيه حسبى الله ونعم الوكيل فى الحيونات الى ماشيه هناك وقله الادب والمطبات والبلطجه بتاعه المكروبصات والتكاتك واخرتها لبست مطب سمعت فيه طوت الكارتيرة بتاعه الموتور والمدام حامل فى الشهر الاول راحت مسوطه من الرزعه الله ينتقم من كل مستهتر بلناس وسلامتهم

يا باشا انا مقدر اللى انت فيه لانى مريت بنفس التجربة
كرهت نفسى وانا ماشى من الحفر والمطبات والشوارع الضيقة والتكاتك انا كان صعبان عليا العربية وهى لسة جديدة من الرزع وغطيان البلاعات حسبى الله ونعم الوكيل
معلهش
محدش بيتعلم ببلاش
بس المفروض الوصلة متشتغلش غير لما كل حاجة تبقى تمام
لكن تعمل اية فى القرف محدش عنده احساس بالمسئولية

م.عصام مهنى

**loay** · 07-06-2010 02:15 PM

المفروض ان الريس هيفتتح محور صفط اللبن بالكامل من الدقى للدائرى مباشرة فى منتصف يوليو 2010

**م. عصام مهنى** · 07-06-2010 05:40 PM

المشاركة الأصلية كتبت بواسطة loay

المفروض ان الريس هيفتتح محور صفط اللبن بالكامل من الدقى للدائرى مباشرة فى منتصف يوليو 2010

منتصف يوليو ما اعتقدش
لان اليومين دول فى الوصلة اللى نازلة على الجامعة ومنها على الجيزة او كوبرى فيصل ودى لسة مخلصتش
تقريبا فيها مشكلة ومش عارفييين يحلوها ( تخطيط وتصميم مية مية )
وطبعا اليومين دول من عند كوبرى ثروت لحد مترو الجامعة زحمة جدا الصبح اللى رايح الدقى والبحوث وزحمة جدا بعد الظهر اللى رايح فيصل لان شارع السودان عند الحتة دى بقى حارة واحدة رايح وحارة واحدة جاى لانهم باختصار اخدوا الحارتين اللى رايحين على فيصل وقفلوهم وركبوا ونش وخدو حارة من الشارع اللى رايح على الدقى وخلوها اللى رايح كوبرى فيصل
وربنا يستر

**م. عصام مهنى** · 08-06-2010 01:56 PM

يعنى النهاردة مثلا شارع السودان واقف من عند فيصل قبل ما تطلع كوبرى فيصل لحد كوبرى خشب اللى بعد جامعة القاهرة ودا علشان الوصلة اللى نازلة لشارع السودان عند الجامعة تقريبا فيها مشكلة مش عارفين يحلوها
النهاردة من اول كوبرى فيصل لحد كوبرى خشب اخدتها فى نصف ساعة زحمة رهيبة
وربنا يستر الناس اتخنقت

**mazagngi2010** · 08-06-2010 04:59 PM

المشاركة الأصلية كتبت بواسطة midomahany

منتصف يوليو ما اعتقدش
لان اليومين دول فى الوصلة اللى نازلة على الجامعة ومنها على الجيزة او كوبرى فيصل ودى لسة مخلصتش
تقريبا فيها مشكلة ومش عارفييين يحلوها ( تخطيط وتصميم مية مية )
وطبعا اليومين دول من عند كوبرى ثروت لحد مترو الجامعة زحمة جدا الصبح اللى رايح الدقى والبحوث وزحمة جدا بعد الظهر اللى رايح فيصل لان شارع السودان عند الحتة دى بقى حارة واحدة رايح وحارة واحدة جاى لانهم باختصار اخدوا الحارتين اللى رايحين على فيصل وقفلوهم وركبوا ونش وخدو حارة من الشارع اللى رايح على الدقى وخلوها اللى رايح كوبرى فيصل
وربنا يستر

قصدك العمود اللى محطوط غلط مش كده؟كل ماعدى من قدامه هتجنن واعرف هيحلوها ازاى؟؟ ودلوقتى بيكسروا من ناحيه وبيحاولوا يعدلوا فيه وهتلاقيه الوحيد المدهون اسود علشان يداروا الفضيحه