فيديو: بروتون ...الجرأه على التغيير !

**ahmedfathy77** · 03-06-2010 03:23 AM

السلام عليكم ورحمة الله وبركاته

بجد مجهود رائع يا مهاب وانا عارف انت اكيد عانيت عشان تلاقى الفديوهات القيمة دى
اكيد شركة بروتون شركة قادمة بقوة الى الامام ان شاء الله صحيح الواحد بيتحسر على مصر لما يشوف ناس احنا مش اقل منهم وصلوا لكده واحنا تقريبا وصلنا لمكان مشجعين الاهلى كتبوه فى الدخلة على الزمالك انما للاسف مصر كلها هناك .

المهم فيديو زى دى مش نازل على السايت الرسمى لبروتون بشكل واضح ليه ومش بيتنشر على المواثع التانية ليه مشكلة بروتون انهم بيكلموا نفسهم عاوزين حد ينقلهم للعالمية ومخاطبة جميع الجنسيات والثقافات بشكل سهل ومفهوم

ربنا يكرمهم وشكرا على المجهود

**MohabSaeed** · 03-06-2010 04:13 AM

المشاركة الأصلية كتبت بواسطة ahmedfathy77

السلام عليكم ورحمة الله وبركاته

بجد مجهود رائع يا مهاب وانا عارف انت اكيد عانيت عشان تلاقى الفديوهات القيمة دى
اكيد شركة بروتون شركة قادمة بقوة الى الامام ان شاء الله صحيح الواحد بيتحسر على مصر لما يشوف ناس احنا مش اقل منهم وصلوا لكده واحنا تقريبا وصلنا لمكان مشجعين الاهلى كتبوه فى الدخلة على الزمالك انما للاسف مصر كلها هناك .

المهم فيديو زى دى مش نازل على السايت الرسمى لبروتون بشكل واضح ليه ومش بيتنشر على المواثع التانية ليه مشكلة بروتون انهم بيكلموا نفسهم عاوزين حد ينقلهم للعالمية ومخاطبة جميع الجنسيات والثقافات بشكل سهل ومفهوم

ربنا يكرمهم وشكرا على المجهود

و عليكم السلام و رحمه الله و بركاته

احمد باشا متشكر جدا على كلامك الجميل

فعلا الفيديو ده مش موجو على اى سايت انا نزلته من فتره كبيره و كنت ناسيه تماما .

للاسف بروتون فى الفتره الى فاتت مكانش عندها الوعى الاعلامى السليم .... يعنى على سبيل المثال حتلاقى لكل ماركات السيارات صور فوتوغرافيه دعائيه لموديلاتها بنقاء عالى جدا على مواقع الانترنت .... ده بيفيد المهتمين بالماركه ديه او بالموديل انه بيوضح تفاصيل العربيه بشكل دقيق + ده انهم يعملو تصميمات او خلفيات من الصور ديه ..... بروتون لحد السنادى مكانتش بتنشر صور لموديلاتها هاى رزيليوشن . طبعا ديه حاجه صغيره جدا من ضمن حاجات تانيه ... زى الدعايا و الاعلان سواء فى ماليزيا او مصر .
اساس نجاح اى سلعه انك توصل منتجك للعميل و تقنعه بيه .... مع بروتون تقريبا العكس احنا الى بندور جوه الشركه و ده نابع من حبنا لمنتجهم لانهم فعلا نجحو انهم يصنعو منتج " عربيه " منافسه جدا لباقى الماركات و بتقنيات و عوامل امان مش موجوده فى اى موديل تانى من نفس الفئه , بس علاشان يوصلو بالانتاج لكميات كبيره تتيح ليهم هامش ربه كبير و انتشار اكبر , محتاجين خطط تسويقيه و دعايه مكثفه

عموما اهتمام بروتون بالعميل بدأ يتغير دلوقتى على سبيل المثال.. الوفد الماليزى الى جه معانا العين السخنه و كان مهتم انه يعرف مننا اخبار العربيه فى مصر و مشاكلنا معانا و مميزاتها .

انا عندى الاحساس ان بروتون الفتره ديه على الطريق الصحيح .

الف شكر يا باشا على مداخلتك القيمه

تحياتى ليك و لكل البروتوناويه

**viper911s** · 03-06-2010 12:02 PM

معلم بجد يا مهاب
تمام 10/10

**hossamkoshy** · 03-06-2010 03:31 PM

الف شكر بجد رائع

**أبومعاذ** · 03-06-2010 11:59 PM

تسلم يا باشا على الموضوع بس نتيجة الكراش تست سيئة في رايي

**MohabSaeed** · 04-06-2010 01:19 PM

الف شكر على كل الردود الجميله

نتيجه اختبار التصادم 3 نجوم من 5 بمقايس اختبار التصادم الاسترالى .. " الى يوازى الاختبار الاوروبى " , ديه نفس نتيجه الواجا ... الى فى الاساس الجين2 مبنيه على نفس الشاسيه الواجا مع بعض التعديلات .

فى الاختبار منطقه المقصوره متأثرتش بالتصادم .. و كل الضرر كان فى الجزء الامامى ,
3 نجوم من 5 تعتبر نتيجه كويسه بالنسبه للفتره الى انتج فيها العربيه "سنة 2004 " .