احذرو من مركز ياسين النزهه خلف السندباد

**Abo el-Seoud** · 03-06-2010 04:40 PM

المشاركة الأصلية كتبت بواسطة makavelimorsy

وانا الكنت يستامنهم على مازدتي.............. انسوا يشوفوا وشها تاني

ده برده اللي انا هعمله عمري م هروح عندهم تاني مع ان كان كل صياناتي كانت عندهم لغاية 40000 الف بس هقولك حاجه انا مقتنع بيها
بما ان السمكره والدهان سئ وده اللي اي واحد ممكن يكتشفه لانه ظاهر فما بالك بالميكانيكا اللي محدش شايف هو غير ايه وللا صلح ايه لانك بكل بساطه مبتشوفش العربيه
ادن المركز كله ضايع وبيشتغلونا وخلاص
يعني الميكانيكي العادي برقبتهم
شكرا لمرورك وبرجاء تنبيه معارفك لا لياسين تانيييييييييييييييي

**Abo el-Seoud** · 03-06-2010 04:49 PM

المشاركة الأصلية كتبت بواسطة drdreid

في العادة اسوأ سمكرة و دوكو هي اللي بتتعمل في التوكيل لأن الصنايعية واخدين على شيل و ارمي و ركب جديد. و كمان التأمين اللي بيحاسب. غير الصنايعي برة اللي بيطلع عينه علشان يظبط الشغل، و كمان انت اللي بتحاسب بنفسك فبتستلم صح.
مع تحياتي
د.عيد

وياريت بيعرفو يفكو ويركبو
يا سيدى الفاضل كل اللي انا عملتو كان فك وتركيب وياريت طلع صح
دول حتى مبيعرفوش يركبو ال علامه تخيا وربنا كاتبينها
OPTAR بدل من OPTRA تخيل

شكرا لمرورك وبرجاء تنبيه معارفك
حتي الصيانه اكيد بنفس المستوي مع اني كنت بروح لهم باستمرار
وغلطه وندمان عليها علي راي هاني شاكر

**Abo el-Seoud** · 03-06-2010 04:57 PM

المشاركة الأصلية كتبت بواسطة hulk

ربنا معاك .. معلش التوكيل نفسة مش اد كدة ما بالك بلتابع لية ؟؟؟
انا مرة وحيدة حاولت اعمل صيانة فى مركز يا سين دة قولت اقرب ليا لانى كنت ديما بروح الهروم مركز رائيسى لعدم ثقتى فى اى حد بما فيهم الرائيسى نفسة !!!! الا انى كلمت ياسين مرة ف التليفون للاستفسار فقط ؟؟؟ تخيلو بستفسر علشان اعرف هروح امتى وهتتكلف اد اية الا انتى اتكلفت اربع او خمس مكالامات تليفونية بدون جدوى منهم قفلو السكة ف وشى واتصلت تانى لانى كنت منتظر الرد عليا وف الاخر قالولى عطل ف التليفون !! طلبت مرة اخيرة رقم 6 وكلمت مديرة مسؤلة هناك وبلغت انى لن ولم اتعامل مع المركز دة مرة اخرى لانهم محترمونيش فى التليفون ولا قدرو سؤال العميل تفتكرو هيكون فية اهتمام بلسيارة ؟
وبلغت شكوة من غيظى فيهم بس ...

بجد انت جدع وانا قدمت شكوي لمنصور وبعت بالايميل وشويه بس مش دلوقتى هبعت لحماية المستهلك يعني مش هسيبهم دول 13500 جنيه بجد يتعملو بالكتير 4000 جنيه بره بقطع غيار اصلي والراجل اللي هيعملها هيكون مبصوط جدا وهيبوس ايده شعر ودقن

شكرا لمرورك وبرجاء تنبيه معارفك

**caysersosaih** · 03-06-2010 05:22 PM

حضرتك غلطان انك استلمت عربيتك كده زعق واعمل فضيحة واعمل محضر في القسم اثبات حاله واشتكي في جهاز حماية المستهلك

**Abo el-Seoud** · 03-06-2010 05:28 PM

المشاركة الأصلية كتبت بواسطة caysersosaih

حضرتك غلطان انك استلمت عربيتك كده زعق واعمل فضيحة واعمل محضر في القسم اثبات حاله واشتكي في جهاز حماية المستهلك

بالنسبه للزعيق حصل علشان كده هما ظبطو السمكره نوعا ما
بس انا كنت لازم اسلم العربيه لاني ساكن في المقطم وشوغلي في اكتوبر يعنى متبهدل من غيرها
حماية المستهلك دي هتبقي خطوه تانيه بعد لما اشوف شكوة منصور هيحصل فيها ايه

**gebreel** · 03-06-2010 05:50 PM

يادي النيلة بجد انا مش عارف اقول لحضرتك ايه غير حسبي الله و نعم الوكيل في منصور و اعوانه

واحد صاحبي عمل حادثة بسبارك و دخل المستشفى بعدها و كدة و توليت انا عملية التصليح و كان معايا بس علشان صاحب العربية و التأمين الحادثة كانت متطلبة تغيير رفرف و اكصدام و فانوس هتتكلف كام يا عم 3560 جنيه و كان فيه مجمع هواء سفلي وقع بسبب الحادثة اتوكل على الله يا عم الكلام ده كان في اوتو ماستر رحت استلم العربية الرفرف مرشوش حلو و مفيش فرق لون الاكصدام بقى نص غامق و نص فاتح فبقلوا عليه لقيتو بيقلي لأ هوة كدة يا عم متقليش هوة كدة يقلي بس علشان الشمس و تهيوئات و بتاع طيب افتح الكابوت يا عم بص على المجمع بقدرة قادر مش موجود اققلوا فين يا باشمهندس المجمع يقلي اهه اقلوا فين حط ايدي عليه يبص و يقلي اه مش موجود تصدق و نده على العامل اللي اشتغل في العربية و بيقلوا فين مجمع الهواء يقلوا اهه يقلوا لأ مش هوة ده يقلوا لأ هوة قلتلوا بص معايا و شاورتلوا المفروض يكون من فين لفين قالي ااااااااااااه اصل امر الشغ كان فيه مجمع هواء لكن ده مجمع هواء سفلي قلتلوا مش مشكلتي هوة فين يقلي متركبش علشان حضرتك قايل على حاجة متركبة قلتلوا انا مش ميكانيكي ولا شغال في التوكيل علشان تقلي اسمو سفلي ولا علوي انا شاورت للباشمهندس عليه و قالي مجمع هواء (علما بانو مكنش عارف انو واقع و انا حسيت بصوت العربية عالي فتح الكابوت و كان بيبص اكنو بيبص على مركب فضاء و ان المجمع ده كان واقع جوة الاكصدام و مسكتهولو بايدو) فبقولو طيب هوة كان واقع فين هوة يقلي لأ اصلهم فكو ملقيوش حاجة و الغربي انهم كانو هايحسبوني عليه و لما تربست على موضوع اللون لقيتو بيقلي يا باشا انت محسني انك بتستلم عربية زيرو ده اقصى حاجة اققدر اعملها و انا اصلا قرفت من الاكصدامات الفيبر بتاعة شيفروليه لأنها بتشرب اللون و في الاخر اخدناها ورشنها برة عند واحد في المقطم و طلعت احسن مليووووووووووووووووووووون مرة من التوكيل الزبالة ده و مجمع الهواء فصلنا واحد في شارع دمشق و كان سعره في التوكيل 550 جنيه و ماكنش موجود عملناه احنا ب50 جنيه

**Lion_Heart** · 03-06-2010 06:34 PM

شكرا للتحذير

**gebreel** · 03-06-2010 07:39 PM

المشاركة الأصلية كتبت بواسطة abo el-seoud

دي مهزله بجد
وشكرا لمرورك وياريت اخبار جميع معارفك حتي تعم الفائده
لا لياسين تانى واي مركز خدمه يتبع منصور

و الله يا باشا انا بتبقى فيه عربيات شيفروليه سعرها حلو جدا و امكانياتها حلوة بس لما حد يجي يسألني عليها بقلوا هي حلوة بس بلاش منها علشان التوكيل و ببقى مضايق من كدة لأن فيه عربيات زي الاوبترا و الكابتيفيا و الحاجات دي مثلا تحفة و سعرها كويس بس للأسف هجيبها هيتحرق دمي

و لسة كنت بقول من كام يوم انا مش مكتوبلي اركب حبيبة قلبي الاوبل في مصر علشان التوكيل ده خسارة في العربيات دي

و عاوز اققلك صاحبي اكثر من مرة يبقى عاوز يطلع عربيتو برة الضمان لأنو لقى انها مش فارقة و بياخدو فلوس على الفاضي و انا اقلوا خليك فيه علشان العيوب و بتاع و ربنا يسترها علينا يا رب و يبعدنا عنو