الموضوع: احذرو من مركز ياسين النزهه خلف السندباد

المشاركة الأصلية كتبت بواسطة negmelpahr

كنت اتمني من صاحب الموضوع انه زي ما قال علي الحاجات السيئه في التوكيل وزي ما ذكر العيب انه يكت اخر حاجه وصلت ليه الشكوي طبعا انا نفسي بس كل حاجه تتقال
المشكله اتحلت الحمد لله العميل راح مركز الهرم وتم فحص السياره وسوف يتم اعاده تصليح السياره علي حساب الشركه ودا نص الرد الوارد من الاداره
تم حضور العميل في الموعد المحدد وتم الكشف علي السياره بواسطه المهندس محسن محرز وتم الاتفاق علي تسليم العميل السياره للمركز يوم الخميس القادم الموافق 15\7\2010 صباحا لبدء الاصلاح
الشكوي مقدمه من استاذ احمد ابو السعود
وتم التاكد من هذا الرد بمكالمه العميل تليفونيه اليوم والتاكد من ان كل شيء صحيح كما تم الرد من الاداره وشكرا


رجاء من الجميع قبل ماتعمل اي اصلاحات في السياره اتصل ب 16424 واتاكد من العيب اللي انت عايز تصلحه هل المركز اللي حضرتك عايز تروحه ينفع يستقبل العيب دا ولا لاء علما بان مركز ياسين لا يقوم باي اصلاحات خاصه بالسمكره او الدهان هو للصيانه فقط

وللعميل صاحب الشكوي كل الاحترام والتقدير وياريت نكون قدرنا نعوض حضرتك عن للي حصل وبعتذرلك مره تانيه

لا اعتذار ولا حاجه زى ماقولت اني سوف اقول الموضوع كله بالتفاصيل
بس مبدئيا كل الشكر لشركة منصور والعاملين فيها
فعلا شركه محترمه
سؤاليس هو انت اللى كلمتني امبارح فى التيليفون

لا حول ولا قوة الا بالله

مافيش ضمير ولا احترام للعميل

اولا انا اسف علي التاخير بس انا كنت مسافر
ثانيا شكرا لكل من اهتم بالموضوع واضاف تعليق
نبدا بس بدون اسامي اشخاص علشان الخصوصيه
كما انتو عارفين انه هناك واحد من منصور كلمني وقال لي انه ميستانيني علشان يشوف الموضوع وكان ميعادنا يوم الاحد الموافق 11-07 السععه 10.30 صباحا المهم روحت في الميعاد وانا مش متاكد من اللي ممكن يحصل (زي الاغنيه) علشان انت اكيد في مصر.

رحت حسب الميعاد الي الشخص اللي كلمني وشرحتلو اللي حصل بالظبط ورحنا لمدير السمكره والدهان علشان يشوف العربيه وكانت علامات الاستغراب علي وجهه من اللي شافه وقالي مفيش ضمير (هو محبش يغلط في حد علشان هوا انسان محترم).

طيب ايه رايك اعمل ايه قال لازم تقدم شكوي مكتوبه وتقول اللي حصل وبعدين نشوف هنعمل ايه , ان قولت له بس انا عامل شكوي اصلا من حوالي شهر وبناء عليه انا جيت النهرده.
المهم الموضوع تصاعد مره اخري وطلع لمدير المركز وكان رده انه يجب اني ارجع لمركز ياسين تاني علشان يعملوها هناك.
انا اول ما سمعت كده حسيت انه كده بيتلعب بيا وقلت لهم انا عايز اقابله وفعلا روحت قابلته (ايضا شخصيه محترمه ومتفهمه) وشرحت له اللي حصل وهوا مقتنع تماما انه يجب اني اروح مركز ياسين للاصلاح هناك وقال لي انه سوف يكتب اللي في العربيه في تقرير وعند الاستلام هيبعت حد من منصور الي مركز ياسين لاستلام العربيه ولو فيها حاجه يبقي تتعمل في منصور (علي اساس اني فاضى والعربيه فار تجارب),

بس انا رفضت الاقتراح ده واصريت اني من حقي انها تتصلح في المركز الرئيسي علشان الاسباب الاتيه:-
1 انا رحت مركز ياسين اكثر من مره ولم يتم الاصلاح (ولو كانو يعرفوا وعندهم الامكانيت كانوا عملوها من الاول)
2 انا مش فاضى اروح تاني وانا عارف انهم مش هيعرفوا يعملوا حاجه وهجيلكم تاني
3 عربيتى مش فار تجارب لمركز ياسين

هوا قالي طب حضرتك لو عارف ان المركز مافيهوش امكانيت للسمكره والدهان وديت عربيتك هناك ليه ؟؟؟؟
رضي كان مختصر جدا ( انا رحت لياسين علي اساس انه مركز خدمه معتمد لوكيل شيفورليه مصر واسمه نازل في كتيب الضمان بتاعكو يعني انته لو مش شايفين انه مش معتمد ليكو المفروض انه يتشال من كتيب الضمان)

قالي هوا مش متمد في السمكره والدهان
انا قولت يعني انا مفروض اعرف منين [OVERLINE](ياسين مش معتمد وبياخد نفس سعر التوكيل في السمكره والدهان شوفتوه النصب)[/OVERLINE]
المهم الراجل بعد الكلام ده كلم مركز ياسين وقال لهم ان العميل (انا يعني) رافض انه يجيلكو تاني وانا هعملو العربيه عندنا وهحمل الفواتير عليكم علشان اللي حصل في العربيه ده مش طبيعي

نزلنا انا وهوا علشان نروح السمكره والدهان ويكتبلي امر الشغل , واحنا نازلين شاف العربيه وشاف المصايب اللي فيها وعرف اني لااتجني

سيبتيلهم العربيه يوم الخميس الموافق 15-07 ومفروض اني استلمها من يومين بس للاسف معنديش وقت اروح هيا خلصت انا كلمتهم بس يارب اعرف اروح بكره

طبا بعد الاستلام هقول لكم اللي حصل بس احب اني اوضح بعض الاشياء:-
1 من ساعة ما انا روحت لغاية لما اخدت حقي متنرفزتش ولا زغقت خالص لانهم ناس قمه في الزوق من اول الاستقبال مرورا بمدير السمكره والدهان الي مدير المركز
2 انك تاخد حقك في مصر صعب بس لو اصريت هتخدوه بس من غير زعيق (بالهدوء)

كلمه اخيره فعلا لو منصور مش شركه محترمه ولا كان عمل حاجه من ديه وقالي اخبط راسك في الحيطه لانو مش هوا اللي مصلحها, بس هيا فعلا شركه ليها كيان وبتحترم العملاء وده مش نفاق بس دي الحقيقه علشان اللي عملوه معايا

المشاركة الأصلية كتبت بواسطة amrrr

مستنيين تستلم بقى ان شاء الله

هيا العربيه خلصت بس انا معنديش وقت بس هروح بكره استلمها
ان شاء الله