السلام عليكم
انا واحد صاحبى معروض علية اوبل استرا 2008 فل اوبشن ( جنوط و فوجات و كل حاجة ) موديل 2008 ماشية 38 الف كم فابريكة
اية رأيكم يتوكل على الله ولا لأ
و هل فية اى مشاكل بالنسبة للفتيس ( غير انة بينتش ) ؟؟؟
و الراجل طالب 105 هل كدة سعرها كويس ؟؟؟
و شكرا جزيلا
انا شايف انه سعرها زايد حبتين
بس نستن ااراء الشباب كماان
بس خكايه الفتيس دي غريبه عليها انها بتنتش!!!!؟
شكرا ليك و مستنى رد احد افراد العصابة :)
ياريت حد يرد عليا الراجل رايح يكشف عليها بكرة
"اعتقد" ومش متاكد انها مفروض تخلص على 100 ..
ده طبعا لو فعلا فابريكه و حاله ممتازه ...
و طبعا صيانه توكيل ..
و يفضل يكشف عليها فى التوكيل ...
بس استنى رأى حد تانى فى السعر لانى مش متاكد
الفتيس عندى فى الفيكترا ..
مفيش حاجه تانيه غير النتشه ..
من فتره واحد معانا كنترول نقلات الفتيس باظ بدون سبب و تمنه 10 الاف جنيه
و بعدها واحد تانى ظهرت عنده مشكله فى الفتيس و لكن لم يتم توضيح العطل فين اصلا و ايه السبب كل الى قاله ان العربيه بتدور و مش بتمشى ...
عشان ابقى رضيت ضميرى ..
عرف صاحبك ان منصور من اسوأ التوكيلات ..
حكايه الفتيس والنتش دي غريبه عليا ومشفتهاش ف الاسترا 2008 هنا الصراحه !!! انما كا عربيه عربيه ممتاه والمانيه 100% وسعر اللى قاله خااالد كويس اوي وطبعا بيرجع ع حسب نظافه العربيه بعد الفحص بس سوالي هنا هوا صاحبها عايز يبيع ليه
اصلو عربيه دي مش بيتفرط فيها بسهوله دي
اعتقد السعر معقول
السعر يقل خمسة الاف تبا تمام
والله حسب ممكن متقلش دي عربيه اوبشنها حلو وتقدر تقول لسه جديده
السلام عليكم،اقتباس:
المشاركة الأصلية كتبت بواسطة fahd_628
إن شاء الله يكون كل حاجة تكون تمام، يا ريت بس تبلغنا عمل إيه في موضوع الكشف بتاع العربية وفي أنهي مركز واتكلف كام وكل حاجة كل حاجة.
أنا فعلاً شايف إن السعر كويس عليها، مش عارف ليه لازم ينزل ٥ الاف جينه، بس يحاول بردو، أكيد مش خسران أي حاجة.
ربنا يكرم بكل خير.
العربية مجملاً ما شاء الله كويسة جداً،بس أنا حصل معي موضوع الفتيس دة بس مش عارف دي حالة خاصة ولا عامة.
شكرا ليكم يا جماعة و حبلغكم بالتفاصيل ان شاء الله
موضوع الفتيس دا اول مره اعرفها يا مصطفى بي
انا عارف العريه دي كويس
متابع باهتمام
وياريت حد يأكد لنا موضوع النتشه ده !!!!!!!!!!!!!!
السلام عليكم،
دي مش نتشة ولا حاجة، دي مجرد سحبة وبتبان في التاني بس. كان كمبيوتر الناقلات باز عندي والحمد لله اتعامل في التوكيل.
السلام عليكم أخواني الكرام
مبروك مقدما في شراء العربية وربنا يكفيك شراها
اما بخصوص السعر انا شايف النهائي بجد وعن خبرة 95 الف لا اقل ولا زيادة
لان كانت من فترة قصيرة كان في واحد عارض موديل 2008 بدون الجنوط بس بي 90 الف ولسة منزلتش حاجة
اما بخصوص النتشة لا تعليق لاني بجد تعبت من كثرة الكلام في الموضوع دة
وموفق في الأختيار,,,
ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.
يرجى مراجعة قواعد المنتدى
100604
2:40a.m
مشرف القسم
11ب
ايوا انا فاكر الراجل دا اللى كان عارضها هنا بسعر دا بس دا كان عايز يخلص منها باي طريقه عشان يبيع وهوا حط السعر دا فا احنا لازم نعرف سعرها كام دلواقتي
انا شخصيا شايف انه سعر100 كويس اوي ولا رايكم ايه يا جمااعه
تم الكشف على السيارة فى التوكيل ب 231 جنية كشف كامل
يعني العربيه تماام والحمدلله .
مفي حاجه ناقصه ولا ايه
موضوع النتشه بجد يا جماعه كفايه كلام فيه ..
ملخص الموضوع ..احساس نقله زى المانيوال بالظبط و مقدرش اقول اكتر من كده عشان ميبقاش كلام على الفاضى.
استاذ فهد يا ترى العربيه بعد الكشف طلع فيها حاجه ولا سليمه الحمد لله ؟
المهم كشفت فى منصور ولا فى مقار
و ايه الأخبار
تم الكشف فى منصور فى الأسكندرية و العربية حالتها ممتازة الحمد لله
تمااام حتعمل ايه ح تاخدها ولا لسه مقررتش