50 ألف جنيه و محتـــــــــــــــار

ليه صديق ساكن جنبي معاه 50 الف جنيه و محتار ... عاوز عربيه شديدة لإنه موش ناوي يغيرها لفترة كبيرة و تكون موش محتاجة اي مصاريف لأن كل الي معاه 50 الف و مايقدرش يحط عليهم اكتر من الفين جنيه بالكتير قوي كمصاريف التسجيل و ماخلافه ...... هوه عاوز عربيه ممكن تكون كسر زيرو أو مستعمل لإن الجديد ماقدامهوش غير حاجات صيني ضعيفة أو لادا وهوه موش داخله دماغه اللادا خـــــــــالص .....

يـــــــاريت تقولولي انصحه بإيه علشان موش عاوز افتي في حاجة ما اعرفهاش .... و يــــــاريت اهم حاجة عنده الاعتمادية على العربية و قله اعطالها و مايفرقش معاه سعر اعادة البيع خـــالص علشان هوه عاوز عربيه يقعد بيها فترة طويلة

ممكن يجيب فيرنا او لانوس او لوجان غير كده مفيش ده لو عاوز يجيب موديل عالي او ممكن لانسر من 97 الي 2000

1-كورولا 94-2000
2-نيسان 98-2000
3-لانسر98 -2000

ممكن يركب اوبل من 97 الى 2000 وحاجة نضيفة بس اسعار الصيانة هتكون عالية شوية وخصوصا التكييف لو حصل فيه حاجة
او انا شايف الانسب ليه يجيب نوبيرا هتكون موديل عالى وفيها كل حاجة محتجها من العربيه وصيانتها غير مكلفه وفيه واحدة معروضة هنا بره وجوه وعداد قليل والسعر قريب خليخ يشوفها ويتوكل على الله

يجيب له فيات باليو كسر زيرو هتعمل هتبقى فى الحدود دى .. ده رأى عام ... اما رايى الخاص اوبل استرا موديل 2000 الى 2002 جامده جدا جدا و معايا زيها

هاكلمه عالخيارات الي قدامه دي و متشكر جدا جدا على نصائحكم و ربنا يسعدكم جميعا