أي عنوان لشراء لانسر خليجي بس بالضمان

**إسلام شاهين** · 23-05-2007 12:31 PM

رجاء لكل رواد المنتدى يا جماعه عايز عنوان أي حد في القاهرة عنده لانسر خليجي بس بالضمان
تحياتي وشكرا

**Karim_Monir** · 23-05-2007 12:35 PM

اسلام
تقريبا انا وانت بندور علي حاجة واحدة
شوف
في تلات اماكن لحد دلوقتي
ناشيونال موتورز في الطيران قدام التامين الصحي
تسال عن محمد خطاب وتقولوة انك من طرف كريم منير وهايقوم معاك بواجب فعلا لاننا مشتريين منه كتير
عندهم خليجي بضمان 3 سنين او 60 الف كيلو
عندك هاي موتورز في مصر الجدية في ضهر ميدان الحجاز
عندة لانسر مصرية وخليجي
عندك القاهرة للسيارات مساكن شيراتون عندهم مصرية وخليجي وبضمان ومن غير ضمان

**إسلام شاهين** · 23-05-2007 12:52 PM

أستاذ كريم
بعد التحية
أنت كمان بدور على لانسر خليجي ؟ طيب لو عندك معلومات عنها ياريت تقولي عشان أنا امبارح سمعت عنها كثير قوي خصوصا ال 1300 إنها كاملة بالكاسيت والسي دي والأبانوس والأكر والمرايات بنفس لون العربية وسعرها كان 84500 بس بضمان الرواس وبصراحة أنا ما استريحتش للشركة اللي كنت هاشتري منها المهم لو أنت كمان هتشتري أو مهتم بالموضوع ياريت تخليك معايل على الخط
شكرا مع تحياتي

**إسلام شاهين** · 23-05-2007 12:56 PM

أستاذ كريم
بعد التحية
أنت كمان بدور على لانسر خليجي ؟ طيب لو عندك معلومات عنها ياريت تقولي عشان أنا امبارح سمعت عنها كثير قوي خصوصا ال 1300 إنها كاملة بالكاسيت والسي دي والأبانوس والأكر والمرايات بنفس لون العربية وسعرها كان 84500 بس بضمان الرواس وبصراحة أنا ما استريحتش للشركة اللي كنت هاشتري منها المهم لو أنت كمان هتشتري أو مهتم بالموضوع ياريت تخليك معايل على الخط
شكرا مع تحياتي

**Karim_Monir** · 23-05-2007 12:56 PM

فعلا في 1300 من غير ضمان ولا كماليات خالص ومجهولة المواصفات ممكن تبقي اردني وممكن تبقي بواقي شمال افريقيا
لكن الكويس فعلا الخليجي بكماليات بتبدا من 83 بالضمان للمانيوال
والكماليات في منها كتير قوي وبكاسيت ومن غير وغرش عادة وواحد قطيفة وسي دي ولا لاء
وسبويلر وعتب
بحس انها متفصلة وتطلب اللي انت عايزة
انا مثلا دايخ علي 1600 با ABS وعتب وسبويلر واريال سقف مش قايم
لو لقيت في سكتك قولي وياريت

**إسلام شاهين** · 23-05-2007 01:01 PM

فيه شركة اسمها المتحدون العرب أنا كلمتهم امبارح وكانت ال 1600 الي أنت عايزها أعتقد سعرها كان 88 أو 90 مش فاكر بصراحة وقاوا إنها بضمان الرواس وبكل الكماليات تكييف وباور وسنتر وكهرباء وأبانوس وكاسيت سي دي ومرايات ومقابض بلون العربية وفوانيس كريستال الرقم ممنكن أجيبهولك لما أروح البيت .
مع تحياتي وشكرا