السادة الأعضاء المحترمين
أنا أبحث الآن عن لائحة مكتوبة لقواعد المحاسبة على التأخير عن ميعاد الحضور في الشركات
فهل هناك من يستطيع أن يخبرني بنظام عادل لهذا الأمر
أو يكون لديه لائحة تطبق في شركة محترمة ممكن نقتبسها
منتظر ردودكم
السادة الأعضاء المحترمين
أنا أبحث الآن عن لائحة مكتوبة لقواعد المحاسبة على التأخير عن ميعاد الحضور في الشركات
فهل هناك من يستطيع أن يخبرني بنظام عادل لهذا الأمر
أو يكون لديه لائحة تطبق في شركة محترمة ممكن نقتبسها
منتظر ردودكم
وانا متابعة
انا هاقولك على الطبيعى والمتبع لدى اغلب مؤسسات وشركات مصر
التاخير = 15دقيقه عن 3 ايام فى الشهر (ياعنى ليك 45 دقيقه على 3 ايام)
الاذن = 3 خلال الشهر بحد اقصى ساعتين عن اليوم سواء صباحى قبل بدء العمل او مسائى قبل انتهاء ميعاد العمل بساعتين
ملحوظه : بعض الشركات المستخدمه لاجهزه البصمه او الكارد تجمع 45 دقيقه على مدار الشهر (بعضها )
متابع معاك.............
بعد أذنك هو في حاجة في قانون العمل بتقول الكلام ده
لو موجودة في القانون ياريت تدلني انزلها منين او الاقيها في صفحة كام من قانون العمل
ثانياً الشركة الي انا فيها بتتعامل في الـاخيرات كالتالي ( على مدار السنة و ليس الشهر !!!!!!)
اول تأخير في السنة حتى 15 دقيقة براءة بعد كدة خصم 1/4 يوم
ثاني تأخير خلال السنة حتى 15 دقيقة براءة بردو و حتى 30 دقيقة 1/4 يوم و بعد كدة يوم كامل
ثالث مرة خلال السنة حتى 15 دقيقة 1/4 يوم و مازاد عن كدة يوم
بعد ثالث يوم التأخير أكتر من 15 دقيقة يعتبر غياب و إذا انصرف العامل يعتبر غياب بدون أذن يعني اليوم بيومين
هو الكلام ده طبيعي و لا مدير المصنع بيهيس
موضوع مهم وياريت الناس تفيدنا بخبراتها المتنوعة
ايه العذااااااااااااااااااااا ااااااب ده
بس بصراحه انا مش هاقدر افيدك باى نص فى قانون العمل لانى ماحولتش اعرف حاجه عنه او نظام الشغل اللى انا فيه بصراحه ماخلانيش ادور عليه
بس حضرتك بتقول مصنع يبقا اكيد فى اداره ومجلس هو اللى بيحدد الكلام ده بس باردو فى نطاق قانون العمل
90% موجود عندى فى الشغل هاحول اشوفه وابلغكوا باستفسارتكوا
اما بالنسبه للشغل عندى ده كان بنك حكومى وحاليا بنك استثمارى وكل اللى اتغيير هو زياده ساعات العمل من 7 ساعات الى 9.30 ساعه وبعد اعتراض الموظفين لان قانون العمل يحدد عدد ساعات معينه فى الشهر وما زاد عن ذلك يضاف اجر وصل عدد ساعات العمل الى 8 ساعات يوميا بدون اضافات وهو ما يعادل160 ساعه شهريا وبالتالى لا يوجد اضافات
عندى التاخيرات شهرى
يعنى اول مرة وتانى مرة خلال الشهر
بس الجزاء اشد من كدة
بالنسبة للشركات الالمانية فبرج العرب و فمصر عموما
اعرف ان تاخير ربع ساعة بخصم ربع يوم
تاخير ساعة يوم كامل
حكاية قانون العمل و ما الى ذلك
اعتقد ان كل شركة خاصة تطبق ما تراه
--------
عندنا مسموح للكل ربع ساعة بعد وقت الدخول الرسمى
و بعد كده
الى ربع ساعه تأخير يحسب خصم ربع يوم
اكتر من كده يخصم اليوم كاملا
--
بالمناسبة كنت شغال فى مصنع سيراميك كليوبترا
و كان الغياب يوم يحسب خصم ثلاثة ايام
و اليوم الثانى "حتى لو مش متصل بالاول" يحسب اربعه و الثالث بخمسة و هكذا
المهم
فى شهر غبت فيه 3 ايام
و كملتهم بجزاء 3 ايام تانين
وقت القبض اتخصم من مرتبى 15 يوم بالتمام و الكمال
و سلامى لكل قوانين العمل