الموضوع: أسال واستشارى اسبرانزا يجيب

السلام عليكم ورحمة الله وبركاته
اسمحلى فى الأول أشكرك بشدة على مشاركتك لأن بالتأكيد المنتدى كان محتاج واحد متخصص زى حضرتك يقدر يفيدنا فى المشاكل اللى بنواجهها مع الاسبرانزا
بالنسبة للمشكلة اللى عندى وهى كالاتى الاول السيارة نوعها m11 وبالنسبة للمشكلة تتلخص فى الاتى مع العلم أن هذه المشكلة موجودة من وقت ما اشتريت العربية:
لما أكون ماشى بالعربية وعند المرور على أرض غير ممهدة (مكسرة شوية) أو عند وجود نقرة فى الأرض أو تعدية طريق متسفلتة نتيجة حفر سابق (مثل حفر الغاز مثلا بعد كده اتسفلت) أسمع صوت يأتى من أسفل السيارة من الأمام كأن حاجة بتلؤ أو حاجه بتتفكك مع العلم أن هذا الصوت لا يظهر فى المشى العادى أو المطبات العادية
عند الذهاب إلى التوكيل كان رأيهم هو الاتى (من قبل حتى ما يكشف على العربية) (هذا الصوت طبيعى نتيجة أن المساعد غاز وليس زيت) سألته فى عربيات ايه تانى فى مصر المساعد بتاعها غاز أخبرنى أن اللانوس كذلك فقلت له أنى ركبت اللانوس لمدة 8 سنوات وعمرى ما سمعت هذا الصوت أخبرنى أن ذلك بسبب أن اللانوس واطية على الأرض فلذلك لا تسمع هذا الصوت!!!!!
يا ترى رأى حضرتك ايه وتنصحنى باية

الف شكر يا بشمهندس على الموضوع الرائع
بس لى سؤال هام جدا
انا معايا تيجو 2000 سى سى اوتوماتيك
وملهاش حل كل شئ فيها رائع والحمد لله
بس فيه مشكله فى فتحة السقف يعنى
لما استلمت السياره كانت عاديه ومفيش مشكله بع اول استخدام لفتحة السقف حسيت بفرق بين الجوان والصاج يعنى تحس انها مش مقفول كويس سألت فى التوكيل كانت الاجابه ان ده امر طبيعى ومتخافش
بس انا خايف انها تدخل مياه او تساعد على حدوث بارومه ويا ترى لو ده عيب هل له علاج وازاى \ولك جزيل الشكر على وقت فى خدمة الجميع

صباح الفل يا باشا ومنور المنتدى
لية سؤال بسيط عن عفشة التيجو والمساعدين ...لانى حاسس ان العربية ناشفة شوية والعفشة بحس انها محتاجة تربيط كتير جدا
هل يوجد حل والا لأ

ألف شكر يا باشمهندس. أنا عندي سؤال عن طقم سيور ال 516 هما يتغيروا على كام كيلو؟
في التوكيل قالولي إن في بليتين بيتغيروا مع طقم السيور و ده يتكلف 1750 جنيه. هل الكلام ده صحيح ولا أشتري قطع الغيار من بره و أركبهم عند أي ميكانيكي؟
يا ريت تدلنا على ميكانيكي كويس شغال في الإسبرانزا. على فكرة أنا نت سكان مدينة نصر.
شكراً مرة تانية يا باشمهندس.

نورت المنتدى يا مستر ايمن
ومن فضلك عربيتى سبرانزا516 تاكسى
وكنت عايز اعرف منك شوية نفاصيل عن تشغيلها بالغاز علشان المحافطة على الموتور
وهل فى فترة وجودك بالشركة فى مشاكل من تشغيل الغاز
عند تشغيل التكييف اشتغل بنزين ولا غاز
هل نقصان الزيت فى حدود 1 كيلو على غيار 10000 كيلو امر طبيعى
ياريت الاجابة باستفاضه فى موضوع الغاز
وشكرا ياباشمهندس

علي فكرة البشمهندس عندة ورشة و دة الكلام الي قريتة علي منتدي اخر