الموضوع: وفد من ماليزيا في التوكيل لعلاج مشكله استهلاك البنزين في الساجا

المشاركة الأصلية كتبت بواسطة hatem_hkf

انا عملت التجربة دي وظروف التشغيل كلاتي :-
1-تفويل السيارة
2- السير علي سرعة 100ك و السيارة فارغة بدون تكيف
3- بعد 100ك فولت

ظهر الاستهلاك 100ك = 11لتر

كده فعلا الاستهلاك مرتفع

ياريت تقولنا عربيتك منيوال ولا اوتو
عملت صيانه ال5000 ولا لسه ؟

بشكل تقريبى المفروض الساجا " منيوال " يكون -* متوسط - استهلاكها فى حدود 20 لتر لكل 250 كيلو ...... بمعنى فى الزحمه الشديده الرقم حيقل عن كده و فى السفر المفروض توصل ل 300 : 320 كيلو لكل 20 لتر .

* متوسط الاستهلاك يعنى قياده مقسمه مابين طرق مفتوحه بسرعه معتدله و قياده فى الزحمله .

ديه الارقام المنطقيه .

الاوتو اكيد حيفرق بشكل ملحوظ عن المنيوال فى معدل استهلاك البنزين خصوصا فى الزحمه و ده الطبيعى فى اى عربيه اوتوماتك .

المشاركة الأصلية كتبت بواسطة amr1973;3872725026[size=3

][/size]ايمن مساء الخير
اولا بحساب الطريقة اللى حضرتك ذاكرها العربية هاتعمل حوالى 250 كم متر
المشكلة مش فى كده المشكلة كلها تكمن فى ان العربية بالفعل سفاحة بنزين داخل البلد طيب هاترد عليا و تقول طيب تتحسب ازاى اقولك انا عملت اية عشان
انا معايا زميل ليا معاه عربية تانية 1600 بدون ذكر اسماء و فولنا العربيتين مع بعض من نفس المحطة و روحنا كام مشوار داخل البلد من المعادى الى جسر السويس و هكذا و على فكرة احنا الاتنين ماشيين مع بعض فى نفس التوقيت و نفس الطريق و نفس الزحمة الاختلاف الوحيد انى عربيتى اوتو و هو مانيوال لكن برضوا عربيتى 1300 و عربيتة 1600 يعنى تقريبا اتعوضت و لفينا حوالى 60 كم و رجعنا لنفس المحطة مش عايز اقولك انى اتصدمت لانى لاقيت عربيتى استهلكت ضعف عربيتة بالظبط
المشكلة كلها ان العربية الساجا داخل البلد فعلا بتحرق بنزين كتير جدا جدا عن اى عربية تانية و لابد من وجود مشكلة لانى لا اعتقد ان كل اللى اشترو االساجا عندهم وهم اسمة استهلاك البنزين العالى و لو عملت استطلاع هاتلاقى الناس كلهم بيقولوا كده برضوا على فكرة انا عامل 4500 كم و فى ناس عاملة 6000 كم و عملت الصيانة و عربياتهم مانيوال و برضوا الاستهلاك عالى
بص يا ايمن دى مشكلة و لازم تتحل لانها كده بتهد كيان العربية من الاساس الناس بتشترى العربية عشان مواصفاتها كويسة و سعرها كويس انما موضوع البنزين ده كتير جدا خصوصا انك فى مصر يعنى ممكن البنزين سعره يعلى فى اى وقت و ساعتها لناس هاتبيع العربية و تروح تجيب ال 1600 الى استهلاكها اقل مش عارف ازاى
لو قولت لى انه اسلوب قياده هاقولك اسف اسلوب القيادة ممكن يخلى العربية تحرق شوية انما مش كل ده
اتمنى تشوف الموضوع ده و تاكد لو موضوع الخبراء الماليزيين موجودين او هايجوا لانى اول واحد هايروح يوريهم العربية بس مش على طريق طوالى لا داخل البلد لان انا شارى عربية عشان استخدمها داخل البلد مش للسفر بس

ازيك أ عمرو , اتمنى انك تكون بخير

* ياريت تقولى لما لفيت ال60 كيلو و رجعت فولت العربيه اخدت كام لتر بالظبط ؟

.... 250 كيلو كمعدل استهلاك فى السفر نسبه مش وحشه بالنسبه لعربيه اوتوماتك .... غير انها حتتحن عن كده بعد الصيانه .

عاوز الف نظرك لحاجه مهمه فعلا العربيه قبل صيانه ال5000 كيلو معدل استهلاك البنزين فيها بيبقى عالى عن الطبيعى , مش حينفع تحكم على العربيه قبل ال5000 كيلو سواء فى استهلاك بنزين او اداء . الكلام ده حصل مع مُلاك الجين و الواجا و البرسونا .... اداء العربيه بيختلف بعد صيانه ال5000 كيلو لان بيتم عمل اعاده ظبط لل ecu غير ان الموتور بيكون اتلين .


اصبر شويه و اعمل صيانه ال5000 و قولهم على استهلاك البنزين فى الصيانه و شوف ايه الوضع لو متحسنش عن الاول يبقى فى مشكله فعلا .

المفروض التوكيل يشوف حل

والله يا جماعه انا شايف العربية معايا استهلاكها معقول مش حريقة بزين زي مالناس محسسانا . انا صحيح محسبتش بس بالويم كده اقل من عربيتي القديمه 1000 cc , صحيح الاستهلاك بيزيد شوية مع التكيف بس طبيعي , انتو حتخلوني احسبها و اشوف ..... بس مكنتش حاطط الموضوع في دماغي بصراحه و كمان اسلوب السواقه بيفرق , هل بتخلي العربية تنقل على rpm عالي يعني بعد ال 2.5 اكيد الاستهلاك حيزيد يا جماعه .

المشاركة الأصلية كتبت بواسطة mfouad60

والله يا جماعه انا شايف العربية معايا استهلاكها معقول مش حريقة بزين زي مالناس محسسانا . انا صحيح محسبتش بس بالويم كده اقل من عربيتي القديمه 1000 cc , صحيح الاستهلاك بيزيد شوية مع التكيف بس طبيعي , انتو حتخلوني احسبها و اشوف ..... بس مكنتش حاطط الموضوع في دماغي بصراحه و كمان اسلوب السواقه بيفرق , هل بتخلي العربية تنقل على rpm عالي يعني بعد ال 2.5 اكيد الاستهلاك حيزيد يا جماعه .

أ فؤاد ... متخليش القلق يأثر على استمتاعك بالعربيه ....

فكرتنى اول ماغيرت تيل الفرامل ... كنت كل ماسمع صفاره افتكر الصوت من عربيتى ... و يطلع الصوت من عربيه تانيه ماشه جمبى !

اكيد طبعا استخدام التكيف حيزود نسبه استهلاك البنزين و حيقلل من اداء العربيه على الاقل 20 % ..... و الاوتوماتك استهلاكه اكتر من المنيوال و بفرق ملحوظ . كل الكلام ده فى اى عربيه .