انا غيرت طقم شمبر بس ماعملتش خراطة ولا حتي لوش السلندر والميكانيكي بيقلي مازودش عن سرعة 70 وبصراحة انا مقدرتش وجبت بيها 120 بس لمدة قصيرة , كدا يبقي فيه حاجة؟؟
عرض للطباعة
انا غيرت طقم شمبر بس ماعملتش خراطة ولا حتي لوش السلندر والميكانيكي بيقلي مازودش عن سرعة 70 وبصراحة انا مقدرتش وجبت بيها 120 بس لمدة قصيرة , كدا يبقي فيه حاجة؟؟
طبعا بعد عمل طقم شنبر المفروض ان حضرتك لو عندك تكييف ماتشغلوش ,مافيش قرص على الغيارات ,كل غيار يتنقل على عدد لفات 2500 لفة , ماتعديش سرعة 70 ,ماتطلعش مطالع عالية او تروح كبارى كتير
طيب و دا لمدة قد ايه؟
طيب انا مرة كنت طالع مطلع بس كان حاد شوية وكان قدامي عربية سايقاها واحدة ست واضح انها اول مرة بستوق طلعت المطلع ووقفت وفضلت انا عالق في النص وطبعا بعد ما عدت اضطريت انا اضغط بنزين جامد عشان اطلع تاني, انا خايف احسن كدا يبقي حصل حاجة للعربية
مفيش اى مشاكل فى كل دة... اصلا طريقة تليين طقم الشمبر بتعتمد على كام كبسة بنزين متكررة و شكرا... قصة 500 و 1000 كيلو دى ارقام مبالغ فيها جدا
ليا واحد صاحبى شغال فى غبور قاللى ان تليين طقم الشمبر بيبقى 100 كيلو بالكتير اوى و انا كلمت واحد من خدمة العملاء فى شركة امريكية و اكد نفس الكلام
http://i83.photobucket.com/albums/j3...uh/breakin.jpg
MMamdouh
الحمد لله انت طمنتني جدا هو دا اللي كان نفسي اسمعه :)
طيب انا عندي سؤال تاني, مش متعلق بالموضوع شوية, انا قلت لواحد صاحبي يدورلي العربية عشان ابص انا علي الشكمان وهو ملوش في العربيات وتقريبا هو فهم ان لما تدور يبقي انت كدا دايس بنزبن ففضل تاكك علي المفتاح لحد ما طلع صوت جامد مزعج جدا
عايز اعرف صوت ايه دا وايه تأثيره علي عربية لسة عاملة نص عمرة
ده صوت المارش
وبالذات تعشيق أسنان المارش الخطأ مع الحدافه والمكنه شغاله
وطبعا ده بيبقى غلط على أسنان ترس الحدافه أو أسنان ترس المارش
بس الحمد لله أنها عدت على خير
ومفيش تأثير ولا حاجه
بسث متخليهوش ينام تانى على الكونتاكت