متقدم لأختى عريس فلسطينى ..

**aif** · 03-06-2010 02:07 AM

المشاركة الأصلية كتبت بواسطة motorx

اهم حاجة تخلي بالك منها إن إجراءات الجنسية بالنسبة للفلسطينيين بالذات بتبقى صعبة جدا ، وده راجع لقرار قديم من جامعة الدول العربية بعدم تجنيس الفلسطينيين في الدول العربية المقيمين فيها للحفاظ على الهوية الفلسطينية ، وده طبعا هايبقاله مساوىء لو ما عرفش ياخد الجنسية ، خصوصا بالنسبة للأطفال هايعاملو معامله غير المصريين دا غير إنه لو لا قدر الله لو حصلت اي ظروف ممكن هو او اولاده يترحلوا في اي وقت بإعتبارهم غير مصريين ، عموما صلي إستخارة وإسال كويس وربنا يقدملك إللي فيه الخير.

كلامك صحيح بالنسبة لجنسية الراجل نفسة وده بيفسر تأخر حصول ابناء المصريات من ازواج فلسطينيين على الجنسية
لكن الاقامة اعتقد ان اي حد متجوز مصرية من حقة الحصول على اقامة في مصر
السؤال المهم هو مدى احقية الاطفال في الحصول على الجنسية المصرية
واعتقد ان الجوازات اللي في الدور الاول في مجمع التحرير ممكن يجاوبو على كافة الاستفسارات دي

**asbeats** · 03-06-2010 06:47 AM

بص هو الموضوع لو قابل للنقاش يعني عريس متقدم عن طريق ناس زي اي حد يبقى بلاش احسن من الأول

لكن لو انت تعرفه شخصيا وبترتاحله وشايف انه مناسب... يبقى الأفضل انك تدرس الموضوع كويس جدا ولا توافق إلا بعد بحث مضني لأنه ممكن بين يوم وليلة تطق في دماغه يسافر بره مصر ولا يرجع لأهله هناك وساعتها هتبقى الحياة صعبة جدا على اختك...

وبعدين في حوارات النسب دي تحديدا... الواحد لازم يتحرى عائلة المتقدم اكتر من العريس نفسه...هل له كبير عيلة بحيث لو غلط لا قدر الله في زوجته ممكن يرده ولا لأ

فيه اعتبارات تانية كتير مش الأخلاق والشخص فقط...لأن النفوس بتتغير

اسأل الله لكم حسن البصيرة

تقبل مروري

**ultrasoft** · 03-06-2010 07:56 AM

انا ليا عمتى متجوزه فلسطينى من 40 سنة .. واولادها ( 7 ) حتى الان .. مخدوش الجنسية .. عملو كل حاجة .. بس الفلسطينى بالذات من المستحيلات ..

**mrsailor** · 03-06-2010 08:07 AM

بالنسبة لجواز البنات يفضل العريس يكون من مصر .. حا تبقى عارف اوله و اخره ايه .. انما زى ما ذكر لك احد الاعضاء لو طقت فى دماغه انه ياخدها و يرجع بلده .. تفتكر هى ممكن تبقى سعيدة .. و انتوا ممكن تكونوا متطمنين عليها .. و اظن الامثلة و الماسى كتير بانسبة للى بتتزوج من غير مصر .. انا مش باتكلم عن فلسطين بس .. انما لو السعودية الاردن الكويت او اى بلد تانى .. و بعدين لما يبقى فى اولاد .. مش حاتقدر تقوله مثلا يا تقعد فى مصر يا تسيبها .. خليك فى اللى عارف اوله و اخره .. الدنيا ما فضيتش من العرسان .. و ان شاء الله ربنا حايعوضها بغيره

**m_kamal** · 03-06-2010 08:37 AM

كل الكلام اللى قالوه الاخوة صحيح يا باشا .. بالنسبة للحصول على الجنسية و مصاعب كتير جدا فى تخليص اى اوراق او فى مصاريف المدارس و الجامعات للأولاد بيعتبروا اجانب و بتبقى المصاريف اضعاف مضاعفة ....

انا عايش فى الكويت و الفلسطينين اللى اعرفهم نوعين مالهمش تالت.. يا اما من اطيب ناس فى الدنيا .. يا اما من اسوا الناس فى الدنيا .....سبحان الله .

و للعلم لو واحد فلسطينى و ليس معه جنسية اخرى اردنية مثلا أو وثيقة مصرية او امريكية او كندية . او.....
و الواحد ده اتقدم للزواج من سيدة فلسطينية .. اهلها مابيرضوش ... علشان المصاعب اللى بيواجهوها بعد كدة فى كل حاجة من اوراق و اجراءات و سفر ...

بجد الكلام اللى قلته ده صعب عليا جدا .. ان يبقى احنا المسلمين حالنا كدة مع بعض و مش بننفذ احاديث رسولنا الكريم اللى مافيهاش تميز عرقى ولا مادى و لا معنوى .. كل التمييز مبنى على التقوى و التدين ....

بس للأسف اللى حاصل امر واقع

عموما صلو استخارة و ربنا يوفقكم الى ما فيه الخير ان شاء الله

**the-hero** · 03-06-2010 08:58 AM

موضوع خطير جدا وان بصراحة مش معاه خالص
هتقولى الاولاد بيخدوا الجنسية انسي الكلام ده اكبر فشره
ايه اللى يجبر عيله تدي بنتها لواحد غريب ياخدها ويسافر بعيد ومش عارفين الدنيا فيها ايه وكمان الموضوع مرفوض بنسبة كبيرة جدا بين عائلات مصر
وكمان الموضوع ده بيكون مطمع من الفلسطنين للحصول على مميزات معينة خصوصا ان اغلب دول العرب مستحيل يتجوز منها
فيضطر انهم يتجوزوا من العائلات محدودة الدخل والفلاحين

**Hossam_Hassan** · 03-06-2010 09:08 AM

موضوع منح الجنسية للفلسطينين ده خط أحمر فى الامن القومى و محدش هيعديه ابدا.

**bondokk** · 03-06-2010 09:15 AM

بعيدا عن موضوع الجنسية
انا شايف انك تتعامل معاه زي ما هاتتعامل مع المصري بالظبط
اهم حاجه تقييمه كزوج (دين - اخلاق - ...)
وبعدين ما اي حد فينا ممكن يكون مكانه لو عايز يرتبط بواحد مش مصرية , وقتها هاتمنى عدم اعتبار الجنسية عائق للتقييم
والله الموفق

**factorialx** · 03-06-2010 09:33 AM

المشاركة الأصلية كتبت بواسطة m_kamal

كل الكلام اللى قالوه الاخوة صحيح يا باشا .. بالنسبة للحصول على الجنسية و مصاعب كتير جدا فى تخليص اى اوراق او فى مصاريف المدارس و الجامعات للأولاد بيعتبروا اجانب و بتبقى المصاريف اضعاف مضاعفة ....

انا عايش فى الكويت و الفلسطينين اللى اعرفهم نوعين مالهمش تالت.. يا اما من اطيب ناس فى الدنيا .. يا اما من اسوا الناس فى الدنيا .....سبحان الله .

و للعلم لو واحد فلسطينى و ليس معه جنسية اخرى اردنية مثلا أو وثيقة مصرية او امريكية او كندية . او.....
و الواحد ده اتقدم للزواج من سيدة فلسطينية .. اهلها مابيرضوش ... علشان المصاعب اللى بيواجهوها بعد كدة فى كل حاجة من اوراق و اجراءات و سفر ...

بجد الكلام اللى قلته ده صعب عليا جدا .. ان يبقى احنا المسلمين حالنا كدة مع بعض و مش بننفذ احاديث رسولنا الكريم اللى مافيهاش تميز عرقى ولا مادى و لا معنوى .. كل التمييز مبنى على التقوى و التدين ....

بس للأسف اللى حاصل امر واقع

عموما صلو استخارة و ربنا يوفقكم الى ما فيه الخير ان شاء الله

للاسف +1111111111111111111111

-

الموضوع: متقدم لأختى عريس فلسطينى ..

LinkBack

أدوات الموضوع

عرض

-

-

-

-

-

-

المواضيع المتشابهه

اسرائيلى يدهس طفل فلسطينى عمدا

لو ناس كلفوك تسألهم عن عريس متقدم لبنتهم ....!!!

من يوميات شاب فلسطينى .

الكلمات الدلالية لهذا الموضوع

المفضلات

المفضلات

ضوابط المشاركة