متقدم لأختى عريس فلسطينى ..

**human** · 03-06-2010 09:39 AM

المشاركة الأصلية كتبت بواسطة aif

الفلسطينيين زينا بالظبط وزي باقي الناس ....... فيهم الكويس وفيهم الوحش
وكمان هو من حقه ياخد الجنسية طالما امه مصرية ... لكن بتاخد وقت بالنسبة للفلسطينين شوية واجراءاتهم اصعب
...
ما تخدش قرارك بالنظر لأنه فسلطيني وبس
المهم ......
دينه
اخلاقه
سمعته
تعليمه
وظيفته
طباعه
انطباع اختك عنه .... هل هيا متقبلاه ولا لأ
اسرته في مصر اللي هما اهل امه ..... لازم تسأل عنهم
ولازم تسأل عنه هو شخصيا في اماكن شغله وسكنه
وكمان لازم تعرف اهل ابوه وضعهم ايه وعايشين فين وتفاصيل حياتهم ايه ... عايشين في غزة ولا الضفة ولا فلسطين المحتلة ولا في تل ابيب ولا ايه
م الآخر .... القرار سيحكمه عوامل كتير .... مش مجرد انه فلسطيني
...
ممكن برضه يتقدم لأختك واحد مصري ويطلع مش كويس .....

++++++++++1
لازم تعرف اصل ابوه فين فى فلسطين

**aliabutaleb** · 03-06-2010 09:43 AM

المشاركة الأصلية كتبت بواسطة ultrasoft

انا ليا عمتى متجوزه فلسطينى من 40 سنة .. واولادها ( 7 ) حتى الان .. مخدوش الجنسية .. عملو كل حاجة .. بس الفلسطينى بالذات من المستحيلات ..

بالظبط كدة
انا ليا أكتر من واحد صاحبي بنفس الحالة
والدهم فلسطيني وأمهم مصرية
وبقالهم سنين طويلة مش قادرين ياخدوا الجنسية المصرية
وبالرغم من إن فيه قرار رسمي بمنح الجنسية المصرية لأبناء الأم المصرية
لكن فيه تعليمات "شفوية" بعدم سريان هذا القرار على أبناء زوجة الفلسطيني
كنت سمعت إنهم بيتم إعفاء الأولاد من دفع مصروفات التعليم كالأجانب وإنهم بيدفعوا زي المصريين
بس مش متأكد الكلام ده صح ولا لأ

**OilMan** · 03-06-2010 09:45 AM

[تقبل مرورى
انا مع هذا الرأى واؤيده بشده
QUOTE=kemoelord;3872723745]مع احترامي الكبير للفلسطنين بلاش تعاشرهم وتخلي اختك ترتبط بحد فيهم لان طباعهم غير طباعنا مشاكلهم السياسية كتير بمعنى لو حب يخلص ورق سفر او جوازت سفر او في اي مكان بيبقى فيه قلق
فمن وجهة نظري المتواضعه وفي مكانة اخوك بلاش[/QUOTE]

**Sameh** · 03-06-2010 09:51 AM

أنا كمان شايف إنك تبعد عن الجوازة دى تماماً إلا لو غاويين وجع دماغ طول العمر

1- مشاكل فى الجنسية وما أدراك توابعها إيه فى تخليص أى أوراق ومصاريف التعليم ومشاكل أمنية وخلافه
2- مشاكل مع كل الكليات العسكرية والجيش (ده لو أخدوا الجنسية أصلاً)
3- معظم إن لم يكن كل الفلسطينيين خارج فلسطين عندهم هدف أساسى هو تعدد الزوجات والخلفة الكتير وأنا أعرف زميل فلسطينى متزوج من 2 مصريات وضاحك عليهم هم الإتنين وبيقنعهم إنه بيسافر وكدة ومخلف وعنده عيال ، يعنى حتى العيشة على المستوى الإنسانى لأختك ممكن تبقا نص عيشة فى يوم من الأيام
3- الطباع دى حاجة فردية إنما الغالب الأعم للأسف مش سهلين أبداً ومش هتعرف تاخد منهم حق ولا باطل
4- السؤال الأخير هو أبوه فلسطينى وأمه مصرية يعنى زى الحالة بتاعت أختك ، ليه هو فلسطينى مش مصرى ؟ مأخدش الجنسة يعنى مش كدة مع إنه عمره ماخرج برة مصر زى مابتقول ؟ يبقا ماتعشمش نفسك بحاجة مش موجودة وتوكل على الله وخدوا حد ناسبها أكتر ، وهو أكيد فى عروسة تناسبه أكتر فى نفس ظروفه

**bshndi** · 03-06-2010 09:54 AM

السلام عليكم ورحمة الله وبركاته
قال النبي صلى الله عليه وسلم : " إذا جاءكم من ترضون دينه وخلقه فأنكحوه إلا تفعلوه تكن فتنة في الأرض وفسادٌ كبير " فقالوا يا رسول الله وإن كان فيه فقال: "إذا جاءكم من ترضون دينه وخلقه فأنكحوه إلا تفعلوا تكن فتنة في الأرض وفسادٌ كبير" قالها ثلاث مرات.

فإذا تحققت فيه الشروط التي وضعها النبي عليه الصلاة والسلام فإفعلوا ،
وإذا كانت البنت بتحبه فإفعلوا
ولكن إذا كان زواج صالونات فأرجوا وزن الموضوع جيداً حيث سيكره هذا الزوج الصغير حياته في إستخراج الأوراق الرسمية وما بالكم بأولاددهم
تحياتي وإحتراماتي
وممكن أدي حضرتك رقم مأذون ثقة صاحبي تسأله عن التفاصيل وهايديك خير نصيحه
إحتراماتي

**ahmed_su** · 03-06-2010 09:58 AM

كل التجارب المشابهة التى اعرفها (وهى كثيرة) تعانى من مشاكل

وصعوبات لم يتم حلها على مدى الزمن واختلاف الطباع والعادات هيكون

مزعج جدا جدا جدا لاختك وعائلتك ... نصيحة مخلصة... بلاش ...!!!

**zaman288** · 03-06-2010 12:05 PM

الحديث اللي عن النبي عليه الصلاه والسلام ده صحيح فطبعا منقدرش نعلق بعده اهم حاجه اخلاقه وتكون مرتاحله لاني مره كنت بتكلم مع واحد صاحبي وقالي ان في واحد جاره اتقدم لاخته واحد فلسطيني ورفضوه وجوزوه لمصري وفي الاخر اتطلقت يعني لا كل المصريين كويسين ولا كل الفلسطنين وحشين احنا في عندنا ناس وحشه كتير ونسبه الطلاق مرتفعه جدا وده من كلام محامين اعرفهم برضه بيقولو ان الطلاق بقه كتير جدا فربنا يستر علي بناتنا ويرزقهم بابن الحلال واعتقد طالما فلسطيني يبقي مالوش اهل هنا فلو قدرتو تقربو منه هتبقو انتو اهله لكن لو ليه اهل هنا هيستقوا علي البنت ديه كلها اجتهادات مش اكيده طبعا لان في الاول والاخر بترجع لاخلاق الشخص نفسه وتدينه اي كانت جنسيته متقدرش تعرف هترتاح مع مين غير بعد الجواز

**grumby78** · 03-06-2010 01:04 PM

اولا السلام عليكم اخي صاحب الموضوع
ثانيا انا مستغرب واللهي بصراحة من كم العنصرية اللي في اجوبة الاعضاء المحترمين التي وان دلت دلت على ان الناس بقت تفضل اراء مستندة للبسبور والورق والجوازات على قول الرسول الكريم الذي لاينطق عن الهوى الذي قال فية " اذا اتاكم من ترضون دينه فزوجوه الا تفعلوا تكن فتنة في الارض وفساد كبير" والكلام واضح ومافيهوش تفسير اخر لهواة التفسير ..الدين هو المعيار اي الصلاح والاستقامة والكلام ده لكل مسلم يحب يأخد بنصح خير الانام. وبعدين مين فينا ماشفش او سمع عن زوج مصري ومصري فقط كما ينصح الاعضاء مبهدل مراته والمحاكم مليئة بقصص تدمع لها العيون وجميع اطرافها مصريين وارتبطوا عن حب في احيان كثيره.
وماادراك اخي السائل انه مايكونش انسان صالح وتسعد معه دنيا واخره؟ اهم شىء دينه واخلاقه...
وبعدين انا اعرف وده كلام مؤكد وتقدر تسأل في الجوازات ان المصرية المتزوجة من فلسطيني وخلفت الان وبعد صدور القانون بتاع ابناء المصريات بيبقوا الاولاد مصريين علطول اما من ولد قبل القانون فلايمنح الجنسية . يعني ولاد اختك لو ربنا كتب لهم نصيب بالزواج هم مصريين بالولاده.
انا حبيت بس اقول رايي عشان المستشار مؤتمن كما قال الرسول الكريم يعني لازم يكون امين في رده وانا امانتي في ردي واخدها من حيث شريف . اما من يستقي رايه من تجربه او اكثر سيئة مع عرب او فلسطينيين وبالتالي حكم على شعب كامل من خلال هذه التجربه فهو غير موضوعي . يعني بقى احنا اللي سمعتنا تمام قوي في الخارج . انا شفت ازاي المصريين بيتعاملوا مع بعض في الغربة . هل كده اقبل ان حد يقولي ان المصريين كلهم سيئيين ؟ طبعا لا عشان فيه بالمقابل ملايين الشرفاء.
وبعدين لوكان العريس ده امريكي او انجليزي او اجنبي كنا حنقول نفس الردود؟؟
المستشار مؤتمن وماينفعش نحكم على شخص لم نره ولم نعرفه بالطريقة دي خالص
اخيرا " كنتم خير امة اخرجت للناس تامرون بالمعروف وتنهون عن المنكر وتؤمنون بالله" عشان كده ربنا قال اننا خير امم الارض
مع تقديري اخي السائل لشخصك الكريم

**mrsailor** · 03-06-2010 01:23 PM

المشاركة الأصلية كتبت بواسطة grumby78

اولا السلام عليكم اخي صاحب الموضوع
ثانيا انا مستغرب واللهي بصراحة من كم العنصرية اللي في اجوبة الاعضاء المحترمين التي وان دلت دلت على ان الناس بقت تفضل اراء مستندة للبسبور والورق والجوازات على قول الرسول الكريم الذي لاينطق عن الهوى الذي قال فية " اذا اتاكم من ترضون دينه فزوجوه الا تفعلوا تكن فتنة في الارض وفساد كبير" والكلام واضح ومافيهوش تفسير اخر لهواة التفسير ..الدين هو المعيار اي الصلاح والاستقامة والكلام ده لكل مسلم يحب يأخد بنصح خير الانام. وبعدين مين فينا ماشفش او سمع عن زوج مصري ومصري فقط كما ينصح الاعضاء مبهدل مراته والمحاكم مليئة بقصص تدمع لها العيون وجميع اطرافها مصريين وارتبطوا عن حب في احيان كثيره.
وماادراك اخي السائل انه مايكونش انسان صالح وتسعد معه دنيا واخره؟ اهم شىء دينه واخلاقه...
وبعدين انا اعرف وده كلام مؤكد وتقدر تسأل في الجوازات ان المصرية المتزوجة من فلسطيني وخلفت الان وبعد صدور القانون بتاع ابناء المصريات بيبقوا الاولاد مصريين علطول اما من ولد قبل القانون فلايمنح الجنسية . يعني ولاد اختك لو ربنا كتب لهم نصيب بالزواج هم مصريين بالولاده.
انا حبيت بس اقول رايي عشان المستشار مؤتمن كما قال الرسول الكريم يعني لازم يكون امين في رده وانا امانتي في ردي واخدها من حيث شريف . اما من يستقي رايه من تجربه او اكثر سيئة مع عرب او فلسطينيين وبالتالي حكم على شعب كامل من خلال هذه التجربه فهو غير موضوعي . يعني بقى احنا اللي سمعتنا تمام قوي في الخارج . انا شفت ازاي المصريين بيتعاملوا مع بعض في الغربة . هل كده اقبل ان حد يقولي ان المصريين كلهم سيئيين ؟ طبعا لا عشان فيه بالمقابل ملايين الشرفاء.
وبعدين لوكان العريس ده امريكي او انجليزي او اجنبي كنا حنقول نفس الردود؟؟
المستشار مؤتمن وماينفعش نحكم على شخص لم نره ولم نعرفه بالطريقة دي خالص
اخيرا " كنتم خير امة اخرجت للناس تامرون بالمعروف وتنهون عن المنكر وتؤمنون بالله" عشان كده ربنا قال اننا خير امم الارض
مع تقديري اخي السائل لشخصك الكريم

لو راجعت مشاركتى حتلاقينى قولت نفس الرأى .. ما تديش اختك او بنتك اللا للى تعرف له اول من أخر

الموضوع: متقدم لأختى عريس فلسطينى ..

LinkBack

أدوات الموضوع

عرض

-

-

-

-

-

-

المواضيع المتشابهه

اسرائيلى يدهس طفل فلسطينى عمدا

لو ناس كلفوك تسألهم عن عريس متقدم لبنتهم ....!!!

من يوميات شاب فلسطينى .

الكلمات الدلالية لهذا الموضوع

المفضلات

المفضلات

ضوابط المشاركة