اى حد عندو اى مشكلة فى الشيفورليه يبعتها وان شاء الله هنحلها :36_1_40[1]:
اى حد عندو اى مشكلة فى الشيفورليه يبعتها وان شاء الله هنحلها :36_1_40[1]:
اهلا و سهلا بيك يا باشا ..
بس يا ريت نتعرف اكتر بحضرتك ..
يعنى حضرتك شغال فى التوكيل ولا حضرتك عندك مركز لوحدك غير التوكيل ؟؟
لا حضرتك انا خريج هندسة سيارات و تدربت فى شركة جنرال موتورز لمدة 6 سنين حتى اتقنتها
وجنرال موتورز فى مصر لا تصنع سوى الضايو التى باعت توكيلاها لشيفورليه
الاعلانات التجارية ممنوعة بدون التنسيق مع الادارة... يرجى مراعاه ذلك منعا لتوقيع عقوبات
مشرف عام الكورى و الماليزى
أهلا بيك ياباشا ومنور المنتدى
محدش عنده اى سؤال يا جماعة
اهلا بحضرتك فى المنتدى
وان شاء الله يكون فيه اسئلة كتير وتقدر تفيدنا ومين عارف ممكن الموضوع يتثبت لو الاسئلة كانت كتيرة ومفيدة
احب ابدا بسؤال صغير هل اللانوس ممكن تمشى ببنزين 80 عادى ولا فيه مشاكل نرجو التوضيح
الحكاية دى سالنى عليها ناس كتيير لاكن بقول هى هتمشى كام كيلو بيها لاكن البساتم والصبابات مش هتستحمل ووش السلندر هيتشرخ وهتسمه صوت تصفيق جامد اوى لان ال80 ده فى مصر بس ما بيشتغلش فى اى دولة بره
اقل حاجة بره 85
اللى هتوفره من البنزين هتسرف اضعاف اضعافه فى الميكانيكة
ثانيا: لما تحط 90 حاول تروح بنزينة نضيفة لانهم بيخلطوه بمية ....
تحياتى
ينفع بس لازم يكون الاوكتان العالى تحت يعنى اقل حاجة 10 لتر تسعين والباقى 80 هيبقى كويس بس هتسمع صوت تسقيف خفيف لو عايز تشيل الصوت شوف ميكانيكى بتتعامل معاه وخلييه يوطيلك الكهربة يعنى ياخرهالك وهتلاقى السحب بقى كويس اوى معاك بس لازم ميقلش عن 10 لتر......
طيب دى حنعملها أزاى !!!!!!!!!!!!!!اقتباس:
ينفع بس لازم يكون الاوكتان العالى تحت يعنى اقل حاجة 10 لتر تسعين والباقى 80 هيبقى كويس بس هتسمع صوت تسقيف خفيف
وهل مش حيحصل خلط للنوعين ويحصل لخبطه للبنزين على بعضه ( سواء وقت التموين أو مع شغل الطلمبه وأهتزاز
البنزين بالتنك )
وهل الأوكتين العالى بيركز تحت عن الأوكتين الأقل مثلا ؟
على فكره الدايو مفيهوش توطية ولا تعلية كهرباءاقتباس:
عايز تشيل الصوت شوف ميكانيكى بتتعامل معاه وخلييه يوطيلك الكهربة يعنى ياخرهالك وهتلاقى السحب بقى كويس
أمال معناته أيه العنوان ده ياباشا
لأن واضح أن سعاتك فاهم الشيفورليه لانوس وأخواتهااقتباس:
اى استفسار عن الشيفورليه فى الميكانيكة انا فى الخدمة
من ساسها لراسها
طالما داخل علينا بموضوع تقيل بالشكل ده
6 سنوات تدريب؟؟؟
مش شايف انها مدة كبيرة اوى اوى عشان تدرب على صيانة عربية؟؟؟
طالما القصة كدة ليه فيه ضبطة لفيشة الاوكتين على 83؟؟
معلش مش فاهم حوار "فوق" و "تحت" دة.... هى كثافة ال80 غبر ال90؟؟؟ يعنى لما تخلط من دة على دة ال90 حيرقد و ال80 حيبقى على الوش؟؟؟
طيب لما تحرق ال90 اللى فى القعر حتخش على ال80 اللى كان على الوش... فرقت ايه بقى لو كان التنك كلة 80 من الاول؟؟؟
طيب بما انك متدرب 6 سنوات فى شركة دايو ما تشرحلنا ازاى الكهربائى حيوطى كهربة عربية انجكشن... اصل بعد 11 سنة خبرة فى الدايو معرفش دى بتتعمل ازاى بصراحة
MMamdouh
ينفع ياباشا شوف الموضوع ده
http://www.nilemotors.net/Nile/151996-a.html
هى عربيتك موديل كام يا أستاذ : محمد .....................؟
إن شاء الله أدور على الفيشه عندى
ولو لقيتها حفصلها وأجرب زيك وأشوف الوضع عامل أيه
وفعلا أنا كنت شوفت من فتره أن فيه مكن 1600 dohc
فيه الفيشه برضه زى الانوس
وأنا شايف أنها لازم تبقى موجوده عندنا فى النوبيرا المصرى
نظرا لعدم وجود حساس كامه عندنا لمعرفة التوقيت الأنسب لأصدار الشراره
وبالتالى حتكون موجوده فى الموديلات المصرى فعلا
بس حقيقى مديتش الموضوع ده أهتمام للآن
وناوى أجربه بعد الوصول للفيشه
____________________
على فكره أنا كنت أقصد حاجه تانيه لأبو يوسف ( هو عارف قصدى )
بس يا الله .....كله خير
والكلام جاب بعضه
مستنيينك يا بشا عشان تعرفنا حكاية البنزين اللي فوق واللي تحت
وكمان عشان تشرحلنا ازي نوطي كهربة العربية لانك كدة هتبقى عملت سبق جديد من نوعة حتى الشركة المصنعة ما قالتش علية
كمان فيه سؤال بفكر ارمى الكنترول بتاع العربيةانا شايف ملوش لازمة طالما هنوطى الكهربا بمزاجنا ايه رايك
بإذن اللهاقتباس:
مستنيينك يا بشا عشان تعرفنا حكاية البنزين اللي فوق واللي تحت
حنزلها النهارده
وأشيل الفبره اللى فوق الكنترول وأشوف الفيشه
لأن ال 80 أوفر طبعا
بس أهم شىء أختيار مكان نظيف للتموين
مع التغيير والنظافه المستمره لفلتر البنزين
أختيارك للتشغيل على أوكتين 80اقتباس:
وكمان عشان تشرحلنا ازي نوطي كهربة العربية لانك كدة هتبقى عملت سبق جديد من نوعة حتى الشركة المصنعة ما قالتش علية
كأنك عليت الكهربه بالضبط ( أى حركت الأسبراتير فى أتجاه تعلية الكهربه كما فى المحركات المحتويه على
أسبراتير )
لأنك بأختيار الوضع أوكتين 80
بتقول لوحدة التحكم بالضبط
قدمى توقيت الشراره شويه
لأنك ببساطه فهمتها أن البنزين اللى فى العربيه منخفض الأوكتان
ومن هنا هى بتعرف توقيت الشراره الأمثل ( بتنبيه البوبينا كهربيا فى التوقيت الأمثل )
دون حدوث أشعال متأخر وضطرب وبالتالى حدوث خلل ودربكه فى الحريق
لأن نسبة الأوكتين من العوامل اللى بيراعيها مصممو المحركات
للتحكم فى وقت أصدار الشراره للبوجيهات
ربنا يوفقك يا هندسة
فعلا لو فيه فيشة فى النوبيرا يبقى تمام رغم انى محاولتش اغير الوضع فى اللانوس
بس انت ما فهمتش مداخلتى اللي فاتت ياهندسة انا كنت مستنى رد من الراجل زي اللي ممدومح عاملة فى التوقيع
اصل اول ما جت سيرة نوطى الكهربا دى خلت الجواب يبان من عنوانة
مقولتليش
أنت نوبيرا موديل كام
على ما أتذكر أنك 2004 ( أذا كنت أنا لسه فاكر كويس )
عموما
طالما الوضع بوصفك اللى بتقول عليه
ومفيش مشاكل فى السحب ملحوظه أوى
يبقى أكيد حعمل زيك تماما
ومفيش مشاكل فنيه طبعا على المكنه
طالما أنت بتختار وضع ( سامح بيه مصمم عملية التحكم )
وفى الحقيقه دى ميزه فى الدايو
مش موجوده فى شركات سيارات تانيه عريقه
كفايه أنك بتستعمل بنزين رخيص وبيديك آداء مقبول ومعقول
وزى ماقولنا
أهم شىء
أختيار مكان كويس فى التموين ومراعاة تغيير الفلتر على فترات قريبه
هو الراجل المهندس صاحب الموضوع راح فيييييييييييييين؟؟؟؟
نوبيرا 2002 مصري
و الكنترول رقمه f8
عندى مشكلة يا باشمهندس انا جبت سيارة لانوس 2010 من شهرونصف جديدة
السيارة بتحدف يمين الناس اللى فى التوكيل غيرولى الركبة " عيب صناعة " والمساعد الايمن
وظبطو زوايا كذا مره لانى روحتلهم بالعيب ده اكتر من 8 مرات على الاقل خلال شهر
من شرائي السيارة
السيارة زى ما هى لسه بتحدف بشكل غير طبيعى للجهة اليمنى
احب اسمع رايك يا باشمندس
مع العلم انا عملت شكوى لحماية المستهلك وراسلت شيفروليه الام وجنرال موتورز الام بامريكا