التبلوة بتاع الجين قشر وباظ حد يساعدني

**be7ee** · 02-06-2010 11:56 PM

التبلوة قشر بسبب معطر جو اشتريتة ويارتني ما اشتريتة سبتة علي التبلوة وجيت شلتة بعدها لقيتة قشر

ومش عارف اعمل اية انا لسة جايب العربية مكملتش اسبوعين ومخنوق بس قدر الله ومشاء فعل الحمد الله علي كل حاجة ياريت لو حد يعرف حل ميبخلش عليا بية

**Ayman_52** · 03-06-2010 12:00 AM

اوووووووووووووووووووووووو وووووووووه , ليه كده بس

لا حول ولا قوة الا بالله , معلش ماتزعلش نفسك

حضرتك مأمن ولا لا ؟؟؟

**be7ee** · 03-06-2010 12:22 AM

الحمد الله علي كل حاجة

قدر الله ومشاء فعل

بس الي مضيقني اني مش لاقي حل ومش عارف اعمل اية

**modysalsa** · 03-06-2010 12:27 AM

دة ازاى دة لا حول ولا قوة الا بالله وكان التابلوة اتحرق طب هوة سيل على التابلوة مثلا والشمس اتفاعلت معاة وسببت الحرق دة
متزعلش نفسك والحتة مش كبيرة الحمد لله وانا شايف ان انسب حل ليك انك تقشر الحتة دى علشان متبقاش مكلكعة وتحط استيكر شيك اسود ميتالك كدة ممكن يكون بتاع بروتون مثلا او اى ستيكر غامق يدارى الحتة دى ومش حتبقى باينة ان شاء الله ومتزعلش نفسك دى العين والحمد لله انها جت على قد كدة

**Raul_7** · 03-06-2010 12:28 AM

لا حول ولا قوة إلى بالله..

منظر محزن قوي...أظن أحسن حل إنك تخبيه بإنك تحت حاجة فوقه تداريه, غير كده معرفش بصراحة.

**be7ee** · 03-06-2010 12:30 AM

هوة اكبد اتفاعل مع الشمس

خلو بلكو يا رجالة لا يجري معاكو الي جرالي

والحمد الله

**modysalsa** · 03-06-2010 12:41 AM

الحمد لله على كل شىء بس زى ما قلتلك استيكر لطيف كدة وشكلة شيك وحاجة فخمة لو حتى يكون مدى على جلد حتلاقى اعتقد استيكرات فى اون ذا رن او الحتت اللى بتبيع اكسسيسورى للعربيات وشيل الكلكعة دى ولا كان حاجة حصلت يباشا

ارجو تعديل لفظ الجلالة من مشاركتى السابقة وشكرا

**BlackBerry** · 03-06-2010 12:52 AM

قدر الله وما شاء فعل, الحمدلله على كل حال يا عزيزي

كلم التوكيل واستفسر منهم ربما يكون لديهم حل, او الصق على المكان ستيكر كما تفضلوا بالاعلى.

بالنسبه لاي معطر, تأكد بان المعطر لا يحتوي على الكحول, بالاضافه الى الرش على الارضيات, تجنب الجلود والبلاستيك, وحتى عند غسيل السياره في اي بنزينه, انتبه من اي معطر او ملمع للتابلوه ممكن يستخدموه.

تحياتي