الله ينور عليك يا استاذ محمد عاوزين اخر التعديلات في المواتير
عرض للطباعة
الله ينور عليك يا استاذ محمد عاوزين اخر التعديلات في المواتير
للاسف الموتور ال1500 ملوش العاب كتير... اخرك تركبلة وش 16 صباب و انا مجربتش الحوار دة قبل كدة.
طبعا ممكن تحط علية تربو او NOS او تغير الموتور خالص بواحد 1600 بتاع اللانوس او لو انت محظوظ تلاقى موتور اوبل C20XE 150HP او موتور C20LET turbo 175HP
MMamdouh
المواتير دى اعتقد انها 2000 ؟
فهل ممكن توضحلى راكبه فى عربيات اوبل ايه او موديل كام انا عندى واحد صاحبى بتاع قطع غيار اوبل ممكن يجبلى الحاجات دى
وهل فعلا ممكن تركب من غير تعديلات كبيره على اللانوس و هل دة موثر على الشاسيه ولا لا و هل لازم تغير العدادات و التابلوه و ..... لا ايه و شكرا علشان انا عاجبنى اوى الموتور التانى شفته على النت
اعتقد نزلت على الاوبل كالبرا موديلات اوائل التسعينات... ممكن تعمل بحث على جوجل و تعرف الموديلات بالضبط... المواتير دى معروفة ايضا باسم red top engines
معتقدش حتحتاج تعديلات فى التابلوة لان الموضوع شوية فيش كهرباء... الاهم ان المواتير دى بتركب على نفس قواعد اللانوس
MMamdouh
fi wa7d bybe3 mwater lanos 1600 cc fi faysal
IBIIIIIIIIIIIIIIIIIIIIIIIIIIIIIIIIIIIZZZZZZZZZZZZZ ZZZZZZZZZZZZZZZAAAAAAAAAAAAAAAAAAA FOR EVER
ينفع تركب وش16 صباب علي عربيتنا اللانوس2 من غير ما نعدل حاجة تانية يعني نشيل وش السلندر ال 8صباب ونحط الوش ال16 صباب علي طول ولا الا أنا بحكم عملي غيرت وش السلندر لماكينات الري لرفع قدراتها وده كان في ماركة معينة بس تختلف في قوة الحصان بتاعها والمكن ده بستم واحد وبيختلف حجم البستم والجلبة حسب القوة ي بس نفس الفارغة بتاعة الموتور وكل البستم والجلبة مايكبروا حجم الصبابات ال في وش السلندر ما تكبر بس فارغة الموتور ووش السلندر ما بيتغيرش......... هل في اللانوس رغم بعد الشبه لانها مواتير 4 يستم ينفع نعمل التعديل ال سيادتك بتقول عليه بدون تغييرات جوهرية؟؟؟؟؟اقتباس:
للاسف الموتور ال1500 ملوش العاب كتير... اخرك تركبلة وش 16 صباب و انا مجربتش الحوار دة قبل كدة.
اعتقد الوش اللى ينفع الموتور ال 1500 هو بتاع السبيرو
MMamdouh
كلام جميل يا محمد باشا طيب هل حايركب وش السبيرو ذو ال 16 صباب علي طول من دون تعديلات علي موتور اللانوس ولا ايه يا خبيرنا العالمي خش بتقلك جامد لان ده أقتراح بعمل التعديل ده لينضم الي تعديلاتك الجبارة(تعديل فرامل-تقوية الارضي- rpm) وكده حانحسن أداء الموتور كمان
و كمان حبة صغيرين حتلاقى موضوع كامل عن تسقيط 1600 فى جوليت بتاعت ايهاب بوب
موضوع الوش مشوفتوش فى مصر... ناس عملتة برة و المعلومات اللى عندى بخصوص الموضوع دة مش كتير... المفروص الوش حيركب بالفرن و المنافول بتوعة و طبعا نظام الكاتينة حيبقى بتاع موتور 2 كامة
MMamdouh
تسقيط الموتور عايز ميزانية جامدة وشغل كتير أنا بأفضل تركيب وش السلندر لا ن بتهيألي حا يبقي أسهل واقل تكلفة
لو دخلت مكنتك فى المكنة الجديدة ممكن تدفع من 3500 الى 4000.... الفرق من 86 الى 106 حصان كبيييير و يستاهل
MMamdouh
أمال لو أشتريت المكينة بس تعمل كام
حتزيد الف جنية
MMamdouh
انا شايفك ميال لتسقيط الموتور اكتر........هو تغيير وش السلندر حا يرفع العربية كام حصان ولا حايزود العزم بس ولا ايه رأيك
حسب ما قريت.... مواتير الدايو ال 1500 16 صباب بتعمل 110 حصان... محدش يسالنى ازاى اكتر من ال 1600 لان انا مش عارف و لولا انى قاريها فى الكتالوج مكنتش صدقت
الفكرة بس فى انك بتركب وش موتور على بلوك موتور تانى... يعنى نسبة تاليف زيادة شويتين و انا الحاجات دى بتجيبلى حساسية... هى طبعا تتعمل بس انا افضل اسقط عن انى اركبوش مش بتاع الموتور
MMamdouh
هو ده ال كنت عايز أسمعه منك.....يعني بالبلدي خلي كل حاجة علي أبوها............طيب الجزء السفلي من موتور اللانوس يتشابه مع الجزء السفلي من موتور السبيرو(يعني فتحات دخول مياه التبريد قصاد بعض-البساتم قصاد بعض- فتحات الزيت قصاد بعض)لانها لو جت قصاد بعض(وش السبيرو وموتور اللانوس) يبقي مافيش مشاكلاقتباس:
هى طبعا تتعمل بس انا افضل اسقط عن انى اركبوش مش بتاع الموتور
بص ... اللى يفيدك اكتر فى الموضوع هو ناصر noni67 لانى فاكر انه عمل القصة دى بس مش فاكر هو ركب وش ايه
MMamdouh
يعني أتعملت قبل كده.................تمام قوي هل نجحت الاخ/ ناصر ولا أيه
انا فاتح حوار فى القصة دى مع ناصر فى موضوع الجوليت الكوبية... خش معانا و شارك
MMamdouh
شكرا لك أشوفك هناكاقتباس:
انا فاتح حوار فى القصة دى مع ناصر فى موضوع الجوليت الكوبية... خش معانا و شارك