عندى مشكلة وهى انى بسمع صوت حاجة مفكوكة جوه طارة الدركسيون زى مايكون مسمار مفكوك او كلبس مكسور وكل ما الف الدركسيون اسمع زى مايكون جايب علبة فيها حتة بلاستكة وبتتحرك جوه العلبة فما الحل وازاى احل الدركسيون؟
عرض للطباعة
عندى مشكلة وهى انى بسمع صوت حاجة مفكوكة جوه طارة الدركسيون زى مايكون مسمار مفكوك او كلبس مكسور وكل ما الف الدركسيون اسمع زى مايكون جايب علبة فيها حتة بلاستكة وبتتحرك جوه العلبة فما الحل وازاى احل الدركسيون؟
عندى نفس المشكلة... حلها انك تعلى الكاسيت
الحل التانى انك تفك الطارة بزجينة عند الخراط و تفك زرار الكلاكس و تنفض الطارة و تركب كل حاجة تانى مكانها
MMamdouh
هى الطارة مش بتتحل بمفتاح العجل زى 128
حتحل الصامولة لكن الطارة مش حتطلع الا بزجينة
MMamdouh
نصيحتى اوعى تحل الطاره بنفسك لازم تحلها فى التوكيل او ورشة ظبط زوايا عشان ما تبوظش الزوايا
حل الطارة ميبوظش الزوايا
MMamdouh
شيل ضاغط الكلاكس
وهات مفك عادى وعوص نهايته حته شحم حلوه
وشغل العربية
وحط المفك فى الجزء الفاضى اللى ورا ضاغط الكلاكس
ولف طارة الدركسيون فى الجهتين لفات كاملى مرة اواتنين
طلع المفك هتلاقى قطعة بلاستيك صوغنونه على الشحم
حتة البلاستيك دى بقاية جزء مكسور فى ضاغط الكلاكس بيقع جوه ويفضل يخبط فى الالومنيوم وبيعمل صوت رنة كويسة اوى
والحتة دى بتنكسر من العصبية فى الضغط على الكلاكس
رجع الضاغط تانى مكانة
الله ينور عليك يا ابو ممدوح فعلا انا كان قصدى ظبطه الطارة فى اتجاة سير العربية .. وكمان الله ينور عليك يا نونى لأنى واجهت نفس المشكلة وحاولت احلها من غير ما احل الطارة ولكن معرفتش..لكن دى طريق ممتازة يا نانو